Biblia Todo Logo
Bìoball air-loidhne

- Sanasan -




Jrm. 1:18 - Yus Papí: Shuarja̱i̱ Yus Yamaram Chicham Najanamu

18 Warí Jutanmaya̱ shuar nuyá̱ ni uuntri̱ tura ni yusri̱ takarniúri̱sha núnisaṉ ashí nuṉkanmaya̱ pepru ainia nu iismasha pepru wenuke̱ iwiartukar eṉkear utúachmin awajsamua núnin tura namincha jiruja̱i̱ pau najanamua ánin núnisnak náṉkamas aents waya̱wara̱i̱ṉ tusar wénuk yaṉkú jiruja̱i̱ najanamua núnin Wi áminkia awajsaitjiame.

Faic an caibideil Dèan lethbhreac




Jrm. 1:18
21 Iomraidhean Croise  

Warí ii Uunt Yusri̱ winia yaintiu asamtai natsanmai̱ awajkámu áchattajai tura winia yapirnasha kayaja̱i̱ métek ikiatsuármajai. Warí nékajai iniatsá̱rma áchattajai.


Pai, yamaikia weme Wi títiatjamna nu etserkatin iwiarnarta. Túrasha pujuiniakuisha sapijmiakaip. Núja̱i̱nchuka ni pujuiniamunam íksanak ámin sapijmiamtiki̱a̱i̱jiam.


Núnisaṉ ámiji̱a̱i̱sha mánaikiartatui túrasha Wi ámin uwemtikrattsan pujá asamtai peṉké nupettamkachartatui” tawai Uunt Yus.


Tsej ju̱sha, winia nukuru, aya mánitniak pujurin aishmaṉ tura ashí nuṉkanmaya̱ shuarja̱i̱ kajernáin aentsua núnin takursaitme. Kame ikiamtanash ikiamsachu tura ikiattanash ikiattsachu áiniawai túrasha ashí shuar yumiṉkruiniawai.


Kame yaṉkú jiruja̱i̱ wénuk wénuimiua nútiksan ju̱ aentsnum áminkia apujsattajme. Ámiji̱a̱i̱ mánaikiartatui túrasha nupettamkachartatui. Warí, ámin uwemtikran aṉkant awajsattsan Wi ámiji̱a̱i̱ṉkia pujuttajai” tíniuiti Uunt Yus.


Túrasha Uunt Yus Ashí Tujintkiachu wiji̱a̱i̱ pujawai. Tuma asamtai pataturainia nuka tukumkartatui túrasha nupettukchartatui. Ti natsant ajakártatui tura péṉker matsamsachartatui. Nuiṉkia tuke natsanmai̱ awajtai̱ peṉké kajinmatkichmin ajasártatui.


‘Israera Yusri̱ Uunt Yus jú̱nis tawai “Mesetnum mánitiai takakrumna nunak atumniak Wi ipijmiamtikiatajrume. Papirúnianmaya̱ úunt akupniuja̱i̱ mániarmena núnaka Kartíu aentsnasha tanishnum a̱a̱ áreṉka matsatrumna nui̱ Wi jú̱ pepru ajapéri̱n irurtatjai.


Túrasha achikiar máwarat tusar péprunam surukara̱i̱ṉ tusa Sapana uchirí̱ Ajikiam Jirimíasja̱i̱ṉkia pujumiayi.


Ámeka ni uwejé̱ya̱ṉka ú̱mkashtatme antsu ti nekas achintkiattame túrutma ni uwejé̱n súamuitme tura ame jí̱miji̱a̱i̱ Papirúnianmaya̱ úunt akupniu ji̱ wainkiattame tura yapí̱a áujtamsattawai nuyá̱ Papirúnianam waya̱ttame’ titiá.


“Uunt Yus Israera Yusri̱ jú̱nis túramui Jutanmaya̱ úunt akupin Winia inintrútsai tusa jeakui ju̱ titiá. ‘Nekaata Parauṉka suntari̱ ámin yaintmaktaj tusa jíinkiarmia nuka ni nuṉke̱n Ejiptunam waketrartatui.


Antsu Papirúnianmaya̱ akupniu suntari̱n surumachkumni̱ṉkia ju̱ pépruka Kartíu aentsri̱n surukma átatui. Tura ekemákartatui. Nuyá̱ amesha níya̱ṉka peṉké uwemprashtatme’” tímiayi.


“Uunt Yus ujak chicharuk ‘Ju̱i̱ṉ péprunmaṉ juákuka mesetja̱i̱sha tsukaja̱i̱sha, suṉkurja̱i̱sha jákartatui. Antsu ju̱yá̱ jiinkí̱ Kartíu aentsnum surumakaruka iwiaaku juákartatui.


Antsu yamaikia ti nekas nekaatarum. Nu nuṉkanam werí matsamsatai tárumna nuiṉkia mesetja̱i̱ tsukaja̱i̱ suṉkurja̱i̱ kajiṉtatrume” Jirimías tímiayi.


Kumpin je̱a̱nam jintia íistin awajsamua áitkiasan Wi shuarnum ajapén awajsaitjiame. Nekaam ni jinti̱sha émamkesam íirsarta.


Nuyá̱ Antres ni yachí̱ Semuṉkan Jesus pujamunam jukimiayi. Jesussha wainiak chichaak “Ámeka Semuṉ, Junasa uchirí̱ntme. Túrasha yamaikia Sépas átatme” tímiayi. Sépaska Israer shuara chichame̱ja̱i̱ṉkia kaya tawai. Tura Kriaku chichamnum nuka Pítruiti.


Nupetmakunka winia Yusru je̱e̱ pauri̱n awajsattajai. Tura nuyá̱ peṉké jíinkichartatui. Tura nin winia Yusru náari̱n áatrattajai. Tura winia Yusru pépruri̱ náari̱ncha áatrattajai. Nu pépruka nayaimpinmaya̱ yamaram Jerusaréṉka Yusai̱ya̱ tara núiti. Núnisaṉ winia yamaram náarun nin áatrattajai.


Lean sinn:

Sanasan


Sanasan