Jrm. 1:17 - Yus Papí: Shuarja̱i̱ Yus Yamaram Chicham Najanamu

¹⁷ Pai, yamaikia weme Wi títiatjamna nu etserkatin iwiarnarta. Túrasha pujuiniakuisha sapijmiakaip. Núja̱i̱nchuka ni pujuiniamunam íksanak ámin sapijmiamtiki̱a̱i̱jiam.

Jrm. 1:17 Iomraidhean Croise

1 Akup. 18:46

Túrasha Iríaska Uunt Yus pujurma asa pushiri̱n takuí kaki akachuma tseke wéak Akaapnaka naṉkaiki̱ Jisriir pepru wá̱i̱ti̱a̱i̱ri̱n jeataj tusa eem wémiayi.

2 Akup. 1:15

Nuna takui̱ Yusa suntari̱ Iríasan chicharuk “Pai, yamaikia niji̱a̱i̱ wetá, ashamkaip” nuní̱ tutai Irías wajaki̱ taarmia nuja̱i̱ úunt akupin pujamunam wémiayi.

2 Akup. 4:29

Nuyá̱ Iriséu Kejasen chicharuk “Kakaram ajasta, túram winia wai̱r achikiam wetá. Yáakesh íṉkiuakmesha amikmáwaip. Núnismek yáakesh amikmátmakuisha ai̱kiaip. Tura jeam uchí yapi̱n winia wai̱r awantsata.”

2 Akup. 9:1

Nuyá̱ Yúsnan etserin Iriséu Yúsnan etserin unuimia armia nuyá̱ chikichkiniak untsukmiayi tura chicharuk “Iwiarnaram ju̱ asuiti jukim Karaat Ramutnum wetá.

Juup 38:3

Yamaikia iwiarnasta túram wi aníajmena nu ái̱rkata.

Jiin. 3:12

Tutai Yus Muisaisan chicharuk “Wetá. Warí Wi ámiji̱a̱i̱ṉkia pujuttajai. Ejiptunmaya̱ wi shuar ji̱i̱ram ju̱ nainnium Winia tikishmátrurtatrume. Nuja̱i̱ nekas Wi akupkámuitmena nu nekaattame” tímiayi.

Jiin. 7:2

Tura ámeka Wi ashí títiatjamna nu ame yátsum Araun ujakta. Nuya̱ṉka ni Parauṉja̱i̱ Israer shuar Ejiptunmaya̱ ji̱i̱rar akupkarat tusa chichamprittiawai.

Jrm. 1:18

Warí Jutanmaya̱ shuar nuyá̱ ni uuntri̱ tura ni yusri̱ takarniúri̱sha núnisaṉ ashí nuṉkanmaya̱ pepru ainia nu iismasha pepru wenuke̱ iwiartukar eṉkear utúachmin awajsamua núnin tura namincha jiruja̱i̱ pau najanamua ánin núnisnak náṉkamas aents waya̱wara̱i̱ṉ tusar wénuk yaṉkú jiruja̱i̱ najanamua núnin Wi áminkia awajsaitjiame.

Jrm. 23:28

Yúsnan etserin ainia nu ni mesekrampramuri̱n étserkuṉka etserkarti. Antsu Winia chichamprun nekas etserniuitkiuṉka nekasa nuna tímiatrusaṉ etserkati.” Túrasha Uunt Yus chichaak “Trikiu péṉkeri̱ji̱a̱i̱ tura tsuátri̱ji̱a̱i̱sha ¿warí nusha íistiniaitiaj?” tawai.

Jrm. 26:12

Tura nuna tuíniakui ashí úuntri̱n núnisaṉ ashí shuar nui̱ pujuarmia nuna Jirimías chicharainiak “Ju̱ je̱a̱ Uunt Yusa Je̱e̱ tura ju̱ péprusha amuukattawai tusan wi étserma antukurmena núnaka tu etserkata Uunt Yus nekas turutin asamtai tajai.

Jrm. 26:2

“Uunt Yus jú̱nis tawai ‘Ámeka Uunt Yusa Je̱e̱n wá̱i̱ti̱a̱i̱ri̱n ajapén wajasam ashí shuar Jutanmaya̱ Yusan enentáimtustai tusar Yusa je̱e̱n táartatna nu Wi titiá tájamna nu ashí ujakárta. Wi tájamna nuka chikichík chichamkesha kajinmattsuk tímiatrusmek ashí etserkata.

Jrm. 36:8

Neríasa uchirí̱ Parukan Yúsnan etserin Jirimías timia nuja̱i̱ métek papí pénuimiun Uunt Yusa chichame̱n Uunt Yusa Je̱e̱n áujsamiayi.

Ukan. 3:57

Wi untsukmajmena nu tsawantini̱ṉ tarutim chichartakum «Sapijmiakaip» turutmiame.

Jns. 3:2

“Uunt pepru Níniwiniam wetá. Túram nuyá̱ aents Wi títiatjamna nú chicham etseruuta” tímiayi.

Ruk. 12:35

Ju̱ enentáimsatarum. Ni uuntri̱ nuatnaikiatin nampernumia̱ taa ‘uraitia’ takui̱ takarniúri̱ jinia ekemákar wárik urattiai tusar nakáa pujuiniawai. Atumsha núnisrumek Wi atumí Uuntri̱ támatai, shiir itiaatai tusarum anearum wekasatarum.

Tur. 20:20

Ashí péṉker ana nu nekaatarum tusan miji̱atrutsuk jintintiámjarme. Iruntramarmena nui̱ tura aṉkant aṉkant atumí je̱e̱n pujumarmena nui̱sha Yus Chichaman ujakmajrume.

1 Kur. 9:16

Uwempratin chichaman wi étserkun aya núja̱i̱ṉ “tí peṉkeraitjiai” enentáimtumatsjai. Kame Yus nuna túratniun surusuncha itiurkatjak. Nuna túrachkunka ti itiurchat pujusaintjiai.

1 Tis. 2:2

Antsu itiurchat wáinkiaitiatar arantutsuk shiir uwempratin chichaman ujakmajrume. Iis, nuik Jiripiusnum iincha katsekramkarmiaji. Tura nú arant ti itiurchat wainkiamiajai. Túmaitiatan Yus yaintkiui Yusa Chichame̱n ujakmajrume. Nuka atumsha tí peṉker nékarme.

1 Pit. 1:13

Tuma asamtai péṉker enentáimsarum tura péṉker íimiasrum wekasatarum. Tura Jesukrístu ukunam wantiniak waitnentramprattana nu yawe̱tsuk nákastarum.