Jrm. 1:15 - Yus Papí: Shuarja̱i̱ Yus Yamaram Chicham Najanamu

¹⁵ Tura wi Uunt Yus asan araki̱a̱ akupin ainia nuna ashí untsukartatjai. Nu akupniúsha káunkar Jerusaréṉka wáitiri̱n núnisaṉ wenuke̱ kayaja̱i̱ téntakma ainia nui̱ nuyá̱ Jutanam pepru ainia nui̱sha ni akupkur pujutái̱rtiuk ashí matsamtúkartatui.

Jrm. 1:15 Iomraidhean Croise

Jrm. 10:22

Ju̱ nekaata, chicham tura tétete ajainiamu araki̱a̱ ántuwawai. Nuka Jutanam pepru írunna nuna aya jú̱nik awajsar yajasma kajen matsamtai̱ awajsartajtsa wininiawai.

Jrm. 10:25

Ashí uunt mátsatkamunmaya̱ Ámin nekarmainiatsna nu tura Ame náarmin pachisar shiir awajtámainiatsna nu kajetáirmiji̱a̱i̱ asutiáwarta. Warí Jakupa shuari̱nkia amukar ni pujutái̱ri̱ncha emestukar aya jú̱nik awajsar aya íimtiksarai.

Jrm. 25:28

Ame takakmena nu piniṉnumia̱n achik umartinian nakitiakuinkia chichaarkum ‘Ashí akupin Uunt Yus jú̱nis tawai “Nakittsuk umarti túramui” titiá’ tímiayi.

Jrm. 25:9

yamaikia ashí shuar arakaani̱ matsatainian tura winia takartinian Papirúnianmaya̱ úunt akupniun Napukutunusúran ashí shuar ju̱ nuṉkanam matsatainia nuna ántsanak nui̱ ayaam pujuinia nunasha káutkar mesetan najatawarti tusan útsukartatjai. Nuyá̱ emeska amukan áujmattsar wishiktai̱ tura peṉké atsá awajsattajai.

Jrm. 33:10

Uunt Yus jú̱nis chichaak ‘Ju̱ nuṉka ju̱ka átum chichaakrum “kampuntin atsú aentsush tura yajasmash atsawai” tura Jutá pépruri̱nkia tura Jerusaréṉka jínti̱nkia mashiaruiti. Nuiṉkia aentsush tura yajasmash matsamsachmin ajasuíti tárume.

Jrm. 34:1

Napukutunusúr Papirúnianmaya̱ úunt akupin ashí ni suntari̱ji̱a̱i̱ tura ashí nuṉka Napukutunusúran umirin armia nuja̱i̱ tura nu arantcha ashí niisháa niisháa mátsatkamunmaya̱ aents Jerusaréṉkan núnisaṉ pepru ayatka téntak matsamármia nu mánit wéarmiayi. Nuya̱ṉka Uunt Yusa chichame̱ Jirimíasan tarimiayi.

Jrm. 34:22

Pai, yamaikia mesetan iniaisarma nu suntarnaka ju̱ péprunam wi atak taartí tusan akupkáttajai. Tura mánaikiar utsantua jiji̱a̱i̱ ekemákartatui. Tura Jutá nuṉkanmaya̱ pepru írunna nuna emeskan pujuschamnia awajsartatjai.’ Wi Uunt Yus asan tajai” tímiayi.

Jrm. 39:3

Tura Papirúnianmaya̱ úunt akupniu uuntri̱ armia nu ashí utsantuawarmiayi túrawar waiti ajapéri̱n pujursarmiayi. Nerkarsaresér, Samkarnépu, Rapsaris Sarsekím, Rapmak Nerkarsaresér tura nuyá̱ Papirúnianmaya̱ úunt akupniu uuntri̱ ashí armia nui̱m ármiayi.

Jrm. 4:16

Tura uunt nuṉka mátsatkamu ainia nui̱ ashí etseratarum. Suntar jintiá iin yajaya̱ wininiawai tura pepru Jutanam irunainia nuna kajerkar kakantar chicharkartatui tusarum Jerusaréṉnumsha ántumtikiatarum.

Jrm. 4:6

Tarach Seúnnumaani̱ iniakmasrum takuitiarum túrarum sétutsuk ú̱mkatniusha e̱a̱tmaktarum. Warí itiurchatan tura tí yajauchin araki̱a̱n inimprajrume.

Jrm. 43:10

Túram chicharainiakum ‘Ashí Akupin Uunt Yus Israera Yusri̱ chichaak “Ju̱ nekaata, Winia takartin Papirúnianmaya̱ úunt akupniun Napukutunusúr utitiarum tusan akuptúktatjai. Túran kayan ukarmajna nui̱ ni akupkur pujutái̱ri̱n apujtustatjai tura jutai̱ je̱e̱ncha tí uuntan nui̱ ayapá̱rtatui.

Jrm. 44:6

Túmakrumin Wi suir kaje̱ntkamusha naṉkatukai túran Jutanam pepru írunna nuna tura Jerusaréṉnum paasa jintia írunna nunasha kajerkaran kéerkaitjiai. Tuma ásar emesnakar yamái ana núnisar aya jú̱nik juákaruiti.

Jrm. 5:15

Iisiá, Uunt Yus chichaak “Israerá yamaikia nekaata, uunt nuṉka mátsatkamu yajaya̱ tí uunt núnisaṉ tí yaunchuya̱ ni chichame̱sha ámeka nekarchamun ámin ikiatkattajme. Ni chichaamusha nekarachartatme.

Jrm. 6:22

Uunt Yus chichaak “Nekaatarum yamaikia, yajaya̱ aents arakaani̱ matsatu winitrámprume. Nuṉka náṉkatramunmaya̱ uunt nuṉka mátsatkamunmaya̱ aents tí untsurí wajarártatui.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Juir 2:20

Yamaikia ti tsuumainian yajauchin túrawaru ásarmatai araki̱a̱ kautramkarunka kampuntin atsú nuṉkanmaani̱ akuprattajai. Tura émtintri̱nkia etsa̱ jintiainmaani̱ nayantsanam utsan uku wininianka nayantsanam etsa̱ akatainmaani̱ utsawartatjai. Túram káukar ti meje̱niartatui.

Sak. 6:6

Tura kawái mukusa kárun japíakainia nuka arakaani̱ wénawai. Núnisaṉ kawái puju ainia nuka mukusa kawain nemarainiawai. Ántsaṉ kawái yantsa ainia nuka nuṉkaani̱ ashiniui.