Jrm. 1:14 - Yus Papí: Shuarja̱i̱ Yus Yamaram Chicham Najanamu

¹⁴ Tutai Uunt Yus chichartak “Ju̱ nuṉkanam pujuinia núnaka araki̱a̱ ti itiurchatja̱i̱ ashí aentsun wáitkiasartatui.

Jrm. 1:14 Iomraidhean Croise

Isa. 14:31

Atumsha wá̱i̱ti̱a̱i̱yá najaimiakrum charáa charáa ajatarum. Amesha uunt pepru yáintkiatarum tusam untsumkata. ¡Jiristíayi, emé emesusma juákume! Araki̱a̱ múkuint winitramui túmak iruntramunmaṉka chikichkiksha juákchattui.

Isa. 41:25

Wi chikichkiniak arakaani̱ya̱ iniantkímiu winittiawai tura aents etsa̱ jintiainmaani̱ya̱ Winia náarun pachis untsurkattawai. Nisha uunt ainia núnaka nuwé najanin tsakusan amuuta nútikias amutúrtatui.”

Jrm. 10:22

Ju̱ nekaata, chicham tura tétete ajainiamu araki̱a̱ ántuwawai. Nuka Jutanam pepru írunna nuna aya jú̱nik awajsar yajasma kajen matsamtai̱ awajsartajtsa wininiawai.

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 25:9

yamaikia ashí shuar arakaani̱ matsatainian tura winia takartinian Papirúnianmaya̱ úunt akupniun Napukutunusúran ashí shuar ju̱ nuṉkanam matsatainia nuna ántsanak nui̱ ayaam pujuinia nunasha káutkar mesetan najatawarti tusan útsukartatjai. Nuyá̱ emeska amukan áujmattsar wishiktai̱ tura peṉké atsá awajsattajai.

Jrm. 31:8

Wats nekaata, nuṉká arakaani̱ matsatutirmincha ikiankattajrume tura nuṉka náṉkatramunam matsatrum nuya̱ncha irurtatjarme. Nuiṉkia kusurúsha, shutuapsha tura nuwa̱ ajamtincha nuyá̱ takusárusha páchitra ártatui. Kame ti untsurí ju̱i̱ṉkia káunkartatui.

Jrm. 4:6

Tarach Seúnnumaani̱ iniakmasrum takuitiarum túrarum sétutsuk ú̱mkatniusha e̱a̱tmaktarum. Warí itiurchatan tura tí yajauchin araki̱a̱n inimprajrume.

Jrm. 47:2

Uunt Yus chichaak “Nekaatarum, entsa araki̱a̱ metsar tamparintin ajas nuṉkan tura nuna páantniuri̱ncha núnisaṉ pépruncha nuyá̱ ashí aents nui̱ matsatainianka enetak winiawai. Túmakui̱ áishmaṉka charaatum ajainiakui ashí aents nui̱ matsatáiniaka najaimiainiak aratum ajartatui.

Jrm. 50:9

Nuyá̱ túrunawakrumin nu chichamaik untsurí nuṉkanmaya̱ arakaani̱ matsatainia nu aentsun ti kakaram ainia nuja̱i̱ Papirúnianmaya̱ aentsnaka mámtikiawartatjai. Kame nisha mesetan ti unuimiátka, naṉkin eketáiniaksha peṉké awajichu ásar jú̱nikkia waketkichartatui.

Jrm. 6:1

Maa, Piṉjiamínkia uchirí̱tirmeka Jerusaréṉnumia̱ṉka pisaktárum túrunarum Tekuanam kachu umpuartarum. Tura shuar nekaawarat tusarum Pitjakirímnumka ji múkuun awajtiarum. Warí yajauch awajkartincha tura tí kuntuts jakamnia enentáimkiartinkia araki̱a̱ wininiawai.

Jrm. 6:22

Uunt Yus chichaak “Nekaatarum yamaikia, yajaya̱ aents arakaani̱ matsatu winitrámprume. Nuṉka náṉkatramunmaya̱ uunt nuṉka mátsatkamunmaya̱ aents tí untsurí wajarártatui.

Isk. 1:4

Tura íimkiamán araki̱a̱ ti kakaram násenki̱ winian wainkiamjai. Tura uunt yuraṉminmaya̱ ji keamunam peem ajaan wainkiamjai. Nuyá̱ ni yantamén jíitsumir amai. Tura ji keamunmasha ajapén jiru kapantakua núnin wínchar ajamai.

Juir 2:20

Yamaikia ti tsuumainian yajauchin túrawaru ásarmatai araki̱a̱ kautramkarunka kampuntin atsú nuṉkanmaani̱ akuprattajai. Tura émtintri̱nkia etsa̱ jintiainmaani̱ nayantsanam utsan uku wininianka nayantsanam etsa̱ akatainmaani̱ utsawartatjai. Túram káukar ti meje̱niartatui.

Sak. 6:6

Tura kawái mukusa kárun japíakainia nuka arakaani̱ wénawai. Núnisaṉ kawái puju ainia nuka mukusa kawain nemarainiawai. Ántsaṉ kawái yantsa ainia nuka nuṉkaani̱ ashiniui.