Jrm. 1:10 - Yus Papí: Shuarja̱i̱ Yus Yamaram Chicham Najanamu

¹⁰ “Tura ju̱ nekaata. Ashí nuṉkanam tura uunt nuṉka mátsatkamu ainia nui̱ tsuriarar tsai̱ tsai̱ awajsatniun áitkiasrik emeskar amuktinian núnisrik je̱a̱mkar arakmaktinian yamái ju̱ tsawant ánaiyajme” turutmiai.

Jrm. 1:10 Iomraidhean Croise

1 Akup. 17:1

Tura Irías Tispi péprunmaya̱ Karaatnum pujuya nu Akaapan chicharuk “¡Uunt Yus íimmianum Nin takarin asan ju̱na tajai, Ju̱ uwí naṉkaamasartatna ju̱i̱ṉkia yumisha yutukchattawai tura sanasha sanamákchattawai. Antsu aya wi takui̱ yutuktatui!” tímiayi.

1 Akup. 19:17

Tuma asamtai Jasaéra puya̱ri̱ya̱ pisaanka Jeú máattawai tura Jeú puya̱ri̱ya̱ pisaanka Iriséu máattawai.

Jrm. 1:5

“Wikia nukui̱ṉkia najantsuk áminkia nekaamjame núnisnak akiintsumni̱ṉ Winia atí tusan akankámiajme. Tura ashí uunt nuṉka mátsatkamu áiniana nui̱ Winia chichamprun etserin atí tusan anaikiamiajme” turutmiayi.

Jrm. 24:6

Kame péṉker árat tusan péṉker wáinkiartatjai túran jú̱ nuṉkanmaṉ ataksha awakearan ikiankartatjai. Tura péṉker matsasárnaka emeskachartatjai. Árakchaitkiuisha arakárnaka atakka uwerchartatjai.

Jrm. 25:13

Tura yamaikia jú̱ nuṉkanmaya̱ aentsu asutniátniuri̱n ashí Wi tímiaj nuna tura ju̱ papinium áarman Jirimías yaunchu etserkamia nu ashí nuṉkanam mash uminkiattawai.

Jrm. 31:28

Kame tsuriaran tsai̱ tsai̱ tura emeskaran nekaachmin mui̱jmiai̱ yajauch awajsartajtsan émamkesaran iisarmaj tímiatrusarnak Israer shuaran iwiartukan je̱a̱mprukartaj tusan émamkesaran íisartatjai” tawai Uunt Yus.

Jrm. 31:40

Tura jákaru núnisaṉ yuṉkunim paka tutainiam je̱á̱ chaiki̱ paka áiniana nuyá̱ juárkimiuk Kitrun ashintsa tímianai núnisaṉ etsa̱ tatainmaani̱sha tsukintiaani̱ Kawái waiti tutaiya̱ tímianaisha ashí nú nuṉka Uunt Yusna akantúkma átatui. Nuya̱ṉka atakka tsuriarchamu tura emestasha peṉké emeskachma átatui” tawai Uunt Yus.

Jrm. 36:2

“Israernancha tura Jutanuncha tura ashí uunt nuṉka mátsatkamua núnancha Jusías pujumia nu tsawant ámiji̱a̱i̱ chichastinian naṉkamamiaj ímianiaṉ tura yamaiya̱ ímiaja̱i̱sha chichasuitjiame. Tuma asamtai papí pénuimiu achikta túram nui̱ ashí Wi ámin tímiajmena nu aartá.

Jrm. 44:27

‘Ju̱sha nekaata. Kame niṉkia Wi wainiainiajai túrasha péṉker árat tusancha antsu emeskartajtsan. Jutanmaya̱ shuar Ejiptunam ashí matsatáinia nuka chikichkisha juáka̱i̱ṉ tusar mesetja̱i̱ tura tsukaja̱i̱ amú amú awajnásartatui.

Jrm. 45:4

Uunt Yus jú̱nis tawai títiatme, ‘Wi je̱a̱mma núnaka emeskattajai. Tura araamaj nuna uwetajai. Núnaka ashí nuṉkan tajai.’

Isk. 36:36

Tura mátsatkamu atumí téntatmakar matsatainia juákarmia nusha wi Uunt Yus asan pepru emeskamuncha iwiartukaruitjiana túran nuṉka ajapamu áiniancha aratáwaruitjiana nunasha nekaawartatui. Wi Uunt Yus tiniu asan nuna túrattajai” tíniuiti.

Isk. 43:3

Kame pepru emesrataj tusa tarinian ímiaja̱i̱k wainkiamaj nusha nuyá̱ Képar entsanam ímiaja̱i̱k wainkiamaj núnisnak ju̱na ímiaja̱i̱k wáinmancha métek wainkiamjai. Túran wisha tikishmaran tsuntsumamjai.

Use. 6:5

Tuma asamtai Winia etserniurja̱i̱ Winia chichamprun ujakmajrumna nuja̱i̱ métek umikmajai. Kame átum túramun íirsan péṉkera nuna yáiṉmajai tura tunáa túramunam asutiámjamna nuja̱i̱ Wi wakeraj nu nekas paant awajsamuiti.

Ams. 3:7

Warí ii Uuntri̱ Jiuwaka ni takarniúri̱ Yúsnan etserin ainia nuna paant ujatskeka nekaachminia nuna túrichuiti.

Ams. 9:11

Nu tsawant jeatta nui̱ṉkia Tawitia Yusa Je̱e̱n já̱a̱rar emestukma nuna ashí péṉker iwiarkattajai. Túran yaunchu amia tímiatrusnak awajsattajai.

Sak. 1:6

Túrasha Winia chichamprun tura akupkámurun Wíniana nuna etserniurja̱i̱ jintíamajna núnaka ¿atumí we̱a̱trí̱ṉkia antukcharmakia? Tuma ásar ataksha enentáimprar chichainiak ‘Ashí Akupin Uunt Yus ii túramuja̱i̱ tura wekasamuja̱i̱ métek asutiámji’” tiármiayi.