Jns. 4:8 - Yus Papí: Shuarja̱i̱ Yus Yamaram Chicham Najanamu

⁸ Nuyá̱ etsa̱ jíinmiatai Yus etsa̱ tatainmaani̱ya̱ nase tsuéran umpuit tusa akupkámiayi. Túramtai Junassha etsa̱ muuknum tí tsue̱r sukuam mayai̱ ashinmiayi. Túmak jákatniun wakerak “iwiaaku pujutsuk játaknaka maak” tímiayi.

Jns. 4:8 Iomraidhean Croise

Naṉ. 41:6

Tura nuna úkuri̱i̱ni̱ chíkich siati sha etsa̱ jintiainmaya̱ mayai̱ tsue̱r áeskamua núnin uchich nerekarmai.

1 Akup. 19:4

Nuyá̱ Iríaska kampuntin atsú nuṉkanmaani̱ chikichik tsawant wekas jakamnia nekaper numich ukatkatniunam wéanak pujusmiayi. Túruna chichaak “Maa, Uunt Yusru máakete, wárik mantuata. Warí winia úuntur armia nuja̱i̱ naṉkaamas wikia péṉkerchaitjiai” tímiayi.

1 Akup. 21:4

Tura Akaapsha Jisriir nuṉkanmaya̱ Nawut aparu nuṉké juakua núnaka amaschattajai tama asa, kajeku kúntuts enentáimpra ni je̱e̱n jeá yurumtsuk peakri̱n tepesmiayi.

Juup 2:10

Takui̱ Juup ni nuwe̱n aya̱k “Nua̱ru, ¿urukamtai nékachu nuwa̱ ainia núnismesha chicham? Iisha Yusai̱ya̱ péṉkersha wáintsujik núnisrik itiurchatcha wáinkiatniuitji.” Nuní̱ chichareamsha Juupka tunaanka peṉké túrachmiayi.

Juup 7:15

Ju̱ aya̱shruja̱i̱ wáitsan iwiaakjana jú̱ja̱i̱sha naṉkaamas kajempran jákatniun wakerajai.

YKan. 121:6

Tuma asamtai tsawai̱kia etsa̱sha tura kashí nantusha ipimtámkichartatui.

YKan. 39:9

Múutmaran pujusmajai. Kame Ámeka ju̱ka túriniaitme.

Anen. 1:6

Tuntutaku asamtai émamkesam iiru wajaipia. Warí etsa̱sha sukutamai. Winia nukuru uchirí̱sha kajertukar uwa ajarí̱ iruniarmia nunasha waitrukta tusa apujtúsarmai. Tura winia uwa ajarnaka wíniauya núnaka iirmaschamjai.

Isa. 49:10

Nuiṉkia tsukaja̱i̱sha kitiakja̱i̱sha wáitsachartatui tura etsa̱sha sukuiniak wáitkiaschartatui. Warí nin waitnentainia nu juinia asa púkuni entsa írunmanumaani̱ júkiartatui.

Use. 13:15

Kame Eprain Israer shuarja̱i̱ pampaakuisha Úunt Yusai̱ya̱ kampuntin atsú nuṉkanmaya̱ nase tarí ni entsari̱ncha tura púkuniri̱ncha kukach awajtúsartatui. Túrunamtai ni nemasri̱ káutkar ni kuítri̱ncha tura ni wariri̱ncha ashí yarurkartatui.

Riw. 10:3

Nuyá̱ Muisais Araunan chicharuk “Uunt Yus jú̱nis chichaak ‘Winí̱ weamainia núnaka tunaarinchaitjiana ju̱na iniaktustatjai. Tura ashí aentsnum arantúkar shiir awajsamu átiniaitjiai’ tíniuiti” tutai peṉké áimkiachmiayi.

Jns. 1:17

Túrasha Uunt Yus uunt namakan Junasan ku̱jarat tusa iwiarturuyayi. Nu ku̱jaram menaintiú tsawant menaintiú kashi namaka tantane̱n eṉkemmiayi.

Jns. 1:4

Túrasha Uunt Yus nasen ti kakarman nayantsanam aju̱a̱rmiayi. Túram tí nasentuk nayantsa tampari̱ uunt kanun intiaksattuk awajmiayi.

Jns. 4:3

Túrin asakmin Uunt Yusru, seajme, wárik mantuata. Warí iwiaaku pujustinji̱a̱i̱ṉkia naṉkaamas jákatin péṉkeraiti.”

Jns. 4:9

Nuya̱ṉka Yus chicharuk “Numi ukat ukatin jakamtai kajeam nu péṉkerkait. ¿Waritia enentáimiam?” tutai “Ee, ¡wikia aya kájetai̱k jakattajai!” tímiayi.

Mat. 20:12

Tura tiarmai ‘Iikia ashí tsawant nantuja̱i̱ wáitsachjik. Ju̱ shuarsha nantu patamsa ai̱ naṉkamawaruka peṉké ishichik takasarai. Túrasha iiji̱a̱i̱ métek akikiárume’ tiarmai.

Apu. 3:19

Aneajna nuna chichareajai. Nu asamtai kakaram ajasam tunaarum enentáimpram iniaisata.

Apu. 7:16

Yamaikia tsukaja̱i̱sha kitiakja̱i̱sha wáitsachartatui. Tura etsa̱sha sukuiniak yajauch awajsachartatui.

1 Sam. 3:18

Nuna takui̱ Samuir ú̱rtsuk mash ujakmiayi. Nuiṉkia Irí chichaak “¡Uunt Yusaiti! Ni wakera nuja̱i̱ métek túrati” tímiayi.