Jns. 4:11 - Yus Papí: Shuarja̱i̱ Yus Yamaram Chicham Najanamu

¹¹ Nuna naṉkaamas Wisha Níniwi péprun waitnentrarmajna núnaka péṉkernaka túrachmakaj. Warí nui̱sha siantu painti mir naṉkaamas aents péṉkernasha tura yajauchincha nékainiachu pujuiniawai. Núnisaṉ untsurí taṉkusha irunainiatsuk” tímiayi Uunt Yus Junasan.

Jns. 4:11 Iomraidhean Croise

Naṉ. 9:10

Núnisaṉ uunt kanunmaya̱ jíintrara núnancha kame nanamtinniancha taṉkununcha tura kampunniunmaya̱ yajasmanuncha ashí nuṉkanam yujainia núnancha irumpran chichaman nájaneajai.

YKan. 104:14

Tura sa̱a̱kkia ashí yajasma yuáwarti tusam tsapamtikme. Núnismek kampunniuka aents takakmas yurumáwarmi tusam súsaitme.

YKan. 36:6

Ame nekasa nuja̱i̱ métek túrutairmeka Yusa naintri̱ umuchkiachmin ainia núnisaiti. Núnisaṉ nekasa nuja̱i̱ métek sumamtiktairmesha uunt nayantsa núnisaiti. Tuma asam aentsush tura yajasmasha mash wainiainiame.

Isa. 1:18

Nuyá̱ Uunt Yus chichaak “Wats winitiárum iiji̱a̱i̱ áujmatsarmi. Atumí yajauch túrutai̱ yamakái̱ya̱ núnisaitkiuisha micha imianú puju awajtústatjarme. Tura atumí tunaarí̱ ti kapa̱a̱kuitkiuisha murikiú ure̱ya imianú puju awajtústatjarme” tawai.

Isa. 7:16

Ti nekas nú uchikia yajauch nakitratniun tura péṉker túratniun nekaamam ju̱ jimiará úunt akupin ame ashamamna ju̱na nuṉke̱ṉka ajapa ikiukmia ártatui.

Jns. 1:2

“Uunt pepru Níniwiniam wetá tura étserkum Uunt Yus chichaak ‘Aneararti.’ Warí, ju̱ péprunam yajauchin ti túruinia nuna nekaajai, túramprume tu etserkata” tímiayi.

Jns. 3:10

Nui̱ṉkia Níniwinmaya̱ aents ni tunaari̱n enentáimtusar túrunawarmia nuna Yus wainiak asutiáwartatjai timia núnaka túrachmiayi.

Jns. 4:10

Nuiṉkia Uunt Yus chicharuk “Ámeka nu numi araam tsakatmarchamame. Warí kashi tsapái̱ kashin tsawa̱a̱ruk jákachmaka. Tuma ai̱sha nu numisha ¿urukamtai waitnentam?

Mat. 18:33

Amesha núnismek ame ai̱m tsaṉkuratniuitme’ timiai.