Jns. 3:4 - Yus Papí: Shuarja̱i̱ Yus Yamaram Chicham Najanamu

⁴ Tura Junassha nui̱ jeá emka tsawant wekas étseruk “Uunt Yus chichaak ‘Ju̱ya̱ṉka kuaraintia tsawant jeamtai Níniwi péprunka emesrattajai’ tawai” tímiayi.

Jns. 3:4 Iomraidhean Croise

2 Akup. 20:1

Kame nu tsawant Esekías jatai̱ suṉkuran achimiak jaa ajasmiayi. Nuya̱ṉka Yúsnan etserin Amusa uchirí̱ Isayas nin iyutaj tusa wémiayi tura chichaak “Uunt Yus jú̱nis túramui ‘Ame shuarum ainia nu péṉker iwiarkam matsakiarta, ámeka jakattame iwiaaku pujushtatme’ túramui” tímiayi.

2 Akup. 20:6

Nuyá̱ ame tsawantrumniaka kinse uwí éketkattajme. Nú arantcha Asiria úunt akupniuri̱ya̱sha amincha tura ju̱ pépruncha aṉkant awajsattajrume. Winia aneṉkrattairja̱i̱ṉ tura winia takartin Tawitian anea asan ju̱ péprun ayamprúktatjai” tímiayi Uunt Yus.

Jrm. 42:10

‘Ju̱ nuṉkanam tuke matsamsartatji tí nekas tákurminkia atumín yajauch túraitjiarmena nuna atak enentáimprattajai. Kame ipiampátnasha ipiampártatjarme tura emestanka emesrashtatjarme. Araamua núnisrum átatrume túrasha ju̱ nuṉkanmaya̱ṉka tsuriṉchattajrume.

Jns. 3:10

Nui̱ṉkia Níniwinmaya̱ aents ni tunaari̱n enentáimtusar túrunawarmia nuna Yus wainiak asutiáwartatjai timia núnaka túrachmiayi.

Mat. 12:41

Junas Níniwinmaya̱ aentsun Yus Chichaman ujakármia nui̱ nu shuar ni yajauch túrutai̱n enentáimtusar ni enentái̱n yapaji̱áwarmiayi. ¡Tura ju̱i̱ yamái Junasja̱i̱ naṉkaamas etserin pujawai! Tuma asamtai nekapsatin tsawant jeamtai Níniwinmaya̱ aents ju̱yá̱ shuaran sumamtikiawartatui.

Ruk. 11:30

Kame Junas túrunamuja̱i̱ Níniwinmaya̱ aentsun yaunchu Yus ni kakarmari̱n iniakmasmia núnisaṉ yamaisha Aents Ajasu tutainjiana nu Wi túrunamuja̱i̱ Yuska ni kakarmari̱n iniakturmastatrume.

Ruk. 11:32

Tura Yúsnan etserin Junas Níniwinmaya̱ aentsnum Yus Chichaman etserkamtai nu shuar ni yajauch túrutairi̱n enentáimtusar enentái̱n yapaji̱áwarmiayi. Tura ju̱i̱ yamái Junasja̱i̱ naṉkaamas etserin pujajai. ¡Tuma asamtai nekapsatin tsawant jeamtai Níniwinmaya̱ aents yamaiya̱ aents árumna nuna sumamtikramattarme!

Muis. 18:22

Tura etserin Yusa náari̱ji̱a̱i̱ pachisar etserkamu uminiachkuṉka nuka Yusa chichame̱nchun ni enentái̱ji̱a̱i̱ṉ waitruá etserkaiti. Tuma asamtai nu etserniuka ashamkaip.