Jns. 3:3 - Yus Papí: Shuarja̱i̱ Yus Yamaram Chicham Najanamu

³ Tutai Junassha Uunt Yus akupkámia nuna umirak Níniwi péprunam wémiayi. Níniwisha ti uunt pepru asamtai menaintiú tsawant wekasar téntakminiuyayi.

Jns. 3:3 Iomraidhean Croise

Naṉ. 22:3

Tutai Aprajámka káshik nantaki̱ jinia nakar umpururi̱n áentsak Yus timia nú nuṉkanam uchirun takamtsuk áestuataj tusa wémiayi. Nui̱ wéak Aprajámka Isakan nuyá̱ jimiará iniatairi̱n aya̱rmiayi.

Naṉ. 30:8

Túramtai Rakir chichaak “Ju̱ úchikia Neptarí anaikiamu atí. Warí wikia uchin takustaj tusan kairja̱i̱ ti kajernaichakaitiaj tura yamaikia nupetkachjak” tímiayi.

YKan. 36:6

Ame nekasa nuja̱i̱ métek túrutairmeka Yusa naintri̱ umuchkiachmin ainia núnisaiti. Núnisaṉ nekasa nuja̱i̱ métek sumamtiktairmesha uunt nayantsa núnisaiti. Tuma asam aentsush tura yajasmasha mash wainiainiame.

YKan. 80:10

Naint armia nunasha ni ejetari̱ji̱a̱i̱ nukukarmai tura Yusa sétruri̱ kanawe̱ ejakarmai.

Jns. 1:2

“Uunt pepru Níniwiniam wetá tura étserkum Uunt Yus chichaak ‘Aneararti.’ Warí, ju̱ péprunam yajauchin ti túruinia nuna nekaajai, túramprume tu etserkata” tímiayi.

Jns. 4:11

Nuna naṉkaamas Wisha Níniwi péprun waitnentrarmajna núnaka péṉkernaka túrachmakaj. Warí nui̱sha siantu painti mir naṉkaamas aents péṉkernasha tura yajauchincha nékainiachu pujuiniawai. Núnisaṉ untsurí taṉkusha irunainiatsuk” tímiayi Uunt Yus Junasan.

2 Tim. 4:11

Túrawarmatai aya Rúkas wiji̱a̱i̱ pujawai. Márkus e̱a̱ka wainkiam ame itiartitia. Ju̱i̱ tí peṉker yaintkiamniaiti.