Jns. 2:7 - Yus Papí: Shuarja̱i̱ Yus Yamaram Chicham Najanamu

⁷ Kame Uunt Yusru, ju̱í̱ya̱pi jakattaja tu nekapran enentáimturmajme. Tura wi seamajmena nusha ame ti shiir Je̱e̱miin pujusam anturtukmame.

Jns. 2:7 Iomraidhean Croise

YKan. 11:4

Uunt Yuska Uunt Je̱e̱ akantúkma nui̱ pujawai. Uunt Yusa pujutái̱ri̱ṉkia nayaimpinmaiti. Tura Ni ji̱ṉkia aentsnasha tura aentsu uchirí̱ncha wainiainiawai.

YKan. 142:3

Winia enentái̱rja̱i̱ ti wáitmiaj nui̱ṉkia wi itiur pujumaj nu Ame nekartimiame. Wi wekaimiaj nu jintianmaṉka nápuktinian ú̱kar aepruttsarmai.

YKan. 143:5

Tsawant yaunchu naṉkaamasu ainia nuna enentáimtiarmajai. Ashí Ame najankamurmincha tura Ame uwejmiji̱a̱i̱ najankamu irunainia nunasha enentáimtajai.

YKan. 18:6

Jakamnia enentáimkiun Uunt Yusan untsukmajai túran winia Yúsrun seamjai. Túram Ni Uunt Je̱e̱ya winia chichamprun anturtukmai. Wi seamma Ni antutai̱ri̱n antumtikiamjai.

YKan. 20:7

Kame chíkich ainia nuka mánitiai kárunak ti enentáimtuiniawai tura chíkichkia kawain ti enentáimtuiniawai. Antsu iikia ii Yusri̱ naari̱ Jiuwá enentáimtaji.

YKan. 22:14

Entsa ukartinia núnisaṉ winiasha ukatrarmai. Winia ukunchur íkiatrainiamusha ukuí ukuiniá ajasármai. Winia enentái̱rsha mikia núnis initiaṉ kuarmai.

YKan. 27:13

¡Nuṉká pujajnia ju̱i̱ Uunt Yusa waitnenkartutairi̱n íistiniaitjiai tu enentáimsachuitkiuiṉkia winia mayai̱r ashinkia̱a̱yi!

YKan. 42:11

¿Urukamtaik jakamnia nekaprancha tura tí waitsancha pujustataj? Túrasha winia enentái̱ru ¿urukamtai jakamnia nekapramsha winí̱ initiaani̱sha wáitiam? Yus enentáimtakum nákasta. Ánkisha winia Yúsruiti tura uwemtikruru asamtai tuke shiir enentáimtustatjai.

YKan. 42:5

¿Urukamtaik jakamnia nekaprancha tura tí waitsancha pujustataj? Túrasha winia enentái̱ru ¿urukamtai jakamnia nekapramsha winí̱ initiaani̱sha wáitiam? Yus enentáimtakum nákasta. Ánkisha winia Yúsruiti tura uwemtikruru asamtai tuke shiir enentáimtustatjai.

YKan. 43:5

¿Urukamtaik jakamnia nekaprancha tura tí waitsancha pujustaj? Yusan enentáimtustatjai túran uwemtikruru asamtai yumiṉsan shiir awajsattajai.

YKan. 65:4

Aents Ame je̱e̱min pujusat tusar Ame achikma Aminí̱ weamkaka ti shiir awajsamuiti. Yúsnan akantúkma Uunt Je̱e̱n tí peṉker írunna nui̱ apujsar nútsumtikrar waramtiksamu ártatui.

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Jns. 2:4

Tura wikia Amiiya̱ ajapamua núnisan nekapmiajai. Túmaitkiuisha Ame shiir Je̱e̱min ataksha wainkiattajai tu enentáimsamjai.

Mik. 1:2

Ashí aents nuṉká pujarmena nútiram ju̱ péṉker antuktarum. Uunt Yus Ashí Aentsu Uuntri̱ Ni íktusma Je̱e̱ya̱ṉ átum warí túraitrum núnaka paant ujatmáktatrume.

Awa. 2:20

Antsu Uunt Yuska Ni Tunaarincha Uunt Je̱e̱n pujá asamtai ashí nuṉkanmaya̱ shuarsha tákamtak pujusárti” tímiayi.

Isr. 12:3

Yajauch shuar Jesusan wáitkiasarmia nu enentáimpratarum. Túrarum pimpitsuk katsuntratarum.