Jns. 2:4 - Yus Papí: Shuarja̱i̱ Yus Yamaram Chicham Najanamu

⁴ Tura wikia Amiiya̱ ajapamua núnisan nekapmiajai. Túmaitkiuisha Ame shiir Je̱e̱min ataksha wainkiattajai tu enentáimsamjai.

Jns. 2:4 Iomraidhean Croise

1 Akup. 8:48

ni nemasri̱ nuṉke̱n yaruakma pujusár ataksha nekas enentáiji̱a̱i̱ tura wakaní̱ji̱a̱i̱ Ámin enentáimturmasar ni we̱a̱trí̱ nuṉke̱ susamiam nui̱ ame anaikiamu péprunam Je̱a̱n je̱a̱rniuitjiamna nuní̱ Ame Náarmin shiir awajsamu atí tusa seatmainiakui

1 Akup. 9:7

Wi Israer shuaran nuṉkan súsarmiaj nuya̱ṉka ji̱i̱ran akuprartatjai. Tura Winia náarun Shiir Awajtai̱ Je̱a̱ atí tusan imiatkincha awajsámaj nunasha ajapa ikiuktiatjai. Túramtai Israer shuarka ashí nuṉkanmaya̱ aents áujmattsar wishiktai̱ juákartatui.

YKan. 31:22

Wáurkin chichaakun “Ame íimmianumia̱ ajapamuitjiai” tímiajai. Tiniu ai̱ṉᵏⁱ wi seamajmena nu anturtukmame.

YKan. 42:8

Tsawái̱ Uunt Yus waitnenkartutairi̱n akuptiatui tura káshikia Nin kantamprittiajai. Yus iwiaaku pujustinian winia surakui Nin tuke seattajai.

YKan. 5:7

Túrasha Yusru tí naṉkaamas waitnentra asakmin wikia Ame ti shiir Je̱e̱miin waya̱n tikishmátrattajme.

YKan. 88:6

Wa̱a̱ tí init tá̱i̱miunam tura tee init ámanum apujtusume.

YKan. 88:7

Ame kajekmaram winia mash apujturame. Kame Ame wáitkiasma asan nayantsa tampari̱ ukatak ataksha ukatak awajna nútikrame. (Séraj)

Isa. 49:14

Túrasha Seunka chichaak “Wíniaka Uunt Yuska kajinmatki̱ initiúsuiti” tawai.

Jrm. 15:1

Nuiṉkia Uunt Yus turutmiai “Muisais Samuirja̱i̱ Israer shuar waitnentrarai tusa seatainiakuisha Winia wakantruka jú̱ aentsja̱i̱ṉ pujuscharainti. Wi pujamunmaya̱ ji̱i̱ki̱ aju̱i̱tiá tura ininmainiakuisha ¿tui̱ṉ wéartajⁱ? turamainiakui jú̱nisam tiartá. Jákatin wea nuka jákatniun wéarti tura mesetnum wéartin tusa anetkámu ainia nuka mesetnum wéarti. Nuyá̱ tsukanam wétin tusa anetkámu ainia nuka tsukanam wéarti tura achirtin tusa anetkámu ainia nuka achintratniunam wéarti tu ái̱kiarta. Kuatru yajauchiji̱a̱i̱ túratin anetkámu awai. Mesetcha ya̱wa̱sha nanamtincha yajasmasha yuáwar emeskartatui. Ashí uunt nuṉka mátsatka ainia nui̱ Manasés Jutanmaya̱ úunt akupin Jerusaréṉnum túrama nuja̱i̱ natsanmai̱ ártatui. Maa Jerusaréṉká amincha ¿yaki waitnentramprat? Ámeka Winia ikiurkímiame. Tura asakmin uwejrun iwiaintiukan emeskattajme. Warí wait ané anentú pimpirkijme” tawai Uunt Yus.

Jrm. 7:15

Tuma asamtai yamaikia ashí atumí yachi̱n Eprain wea shuaran yajá akuprámiaj nútiksanak atumniasha wini̱ya̱ṉka yajá akuprattajrume.

Ukan. 3:54

Entsa mash muukarua tímianai amutamtai amuwajapi tímiajai.

Isk. 37:11

Nuyá̱ Uunt Yus chichartak “Maa, aentsu uchiri̱yá, ju̱ ukunchkia ashí Israer shuara núnis áiniawai. Nisha chichainiak ‘Ii ukunchí̱ṉkia káakarai. Tuma asar iikia peṉké antrar ajasáruitji. Warí, ashí emeskachmakaitiajⁱ’ tuíniawai” turutmiai.

Tan. 6:10

Kame Taniarsha umiktin chicham najanar papí kuesmakman nekaamiayi. Tura ni je̱e̱n wayá̱ ni kanutairi̱n Jerusaréṉnumaani̱ áaṉkamun urái tikishmar ni Uunt Yusri̱n shiir enentáimtus yúmiṉkiak tuke túriniuya núnisaṉ chikichkí tsawantai̱ menaintiú seá wémiayi.

Jns. 2:7

Kame Uunt Yusru, ju̱í̱ya̱pi jakattaja tu nekapran enentáimturmajme. Tura wi seamajmena nusha ame ti shiir Je̱e̱miin pujusam anturtukmame.