Jns. 1:5 - Yus Papí: Shuarja̱i̱ Yus Yamaram Chicham Najanamu

⁵ Tímiatmakui kanú ewekámniusha ti sapijmiakar nase meṉkakat tusar aṉkant aṉkant ní yusri̱niak kakaram untsukarmiayi. Tura kanu wampu ajasat tusar kanunam wariṉsha yarumeamun nayantsanam utsaṉkarmiayi. Túrasha Junaska uunt kanunam nú init wayá̱ tepes ti kanaruyayi.

Jns. 1:5 Iomraidhean Croise

1 Akup. 18:26

Kame waakan súsarmia nuna nisha iwiararmiayi. Túrawar Paara náari̱n pachisar untsumainiak káshik juárkimiutak Paará ai̱kratkata ajá ajainiakua tutupin ejeniarmiayi. Túrasha yaki ai̱kiat, peṉké ai̱kcharmiayi. Nuna túmainiak kayan irumprar áestutai̱n najanawarmia nui̱ ayamach jantsempriarmiayi.

Juup 2:4

Nuna takui̱ Satanás Yusan aya̱k “Auka ni aya̱shí̱ antiṉcham ashí péṉker enentáimiui. Tuma asa ni iwiaakmari̱n uwemtikrataj tusaṉ ashí itiurchatnum wáitsatniuitkiusha katsunniuiti.

YKan. 107:25

Ni nayantsan chicharkarmiayi. Túram kakaram nase umpuim tamparukmiayi. Túruna tampari̱ yakí̱ takuniarmiayi.

YKan. 148:8

Núnisaṉ peemsha yumi kátsuram ajasusha tura michasha nuyá̱ yuraṉkim nuṉká utsantrumna nútirmesha Ni shiir awajsatarum. Uunt nase Ni chichame̱n umiria nusha Ni shiir awajsata.

Isa. 45:20

Chíkich nuṉkanmaya̱tirmesha iruntrarum winitiárum tura ashí nuṉkanam iwiaaku juákaru pujarmena nútirmesha tantatarum. Kame ju̱ shuar numi yusan najanawar enentáimtuiniana ju̱ka enentáimcha áiniawai. Tura najanamu yus uwemtikkiarturchamnia nuna seainiawai.

Jrm. 2:28

Túrasha átum najatmamkamarumna nú yussha ¿tui̱ pujuinia? Atumí itiurchatri̱ya̱ṉka nú yus yáintmak aṉkant awajtámsarti. Warí Jutá atumíin urutmá pepru ainia nuja̱i̱ métek atumí yusri̱sha írunui.

Jns. 1:14

Nui̱ṉkia Uunt Yusan untsuiniak “Maa, Uunt Yusá, ju̱ áishmaṉka jákatniuri̱n waitneasam amukratkaip. Tura tunamkachuitiat nayantsanam jakermataisha iinkia makukratip. Warí Uunt Yusá, Ame wakeram núnisam túrame” tu tiármiayi.

Jns. 1:16

Kame nu túrunamtai wáinkiar kanú ewekámniusha Uunt Yusan ti ashamainiak “ju̱sha nekas umikiartatji” tiar namaṉ maar Uunt Yusan súsarmiayi.

Jns. 1:6

Nuya̱i̱k kanú ewekámniu úuntri̱sha Junasan kanú tepá jearí chicharuk “Aya káninia ¿warí imiá kanusha teperniuitiam? Nantakim ame yúsrum áujsata. Túram iincha waitnentramakriṉkia jákachaintiajti” tímiayi.

Mat. 25:5

Tura jíinkiarmatai nuatnaikiatta nú aishmaṉ wari taachkui kari̱ pujakui kanararmai.

Mat. 26:43

Nuyá̱ ataksha taa ni menaintiú unuiniamuri̱ tarimiayi. Tura kari̱ ti núpeteam ataksha kanúu pujuarmiayi.

Mat. 26:45

Áujas umik ni unuiniamuri̱ pujamunmaṉ wémiayi. Tura chichaak “Antsu yamaikia kanarum ayampratarum. Ura jeayi. Wi Aents Ajasu ai̱ṉ yajauch shuarnum surunkatin jeayi.

Tur. 27:38

Yurumáwar ejemakar yurumkantka entsá utsaṉkarmiayi, uunt kanu wampú ajasat tusar.

Suma. 16:19

Kame Tariraka Sansunan ni makui̱n muuke̱n awantás ikianar áishmaṉkan untsukmiayi. Túram tariar ni intiashi̱ siati chapikmarman tsupirar kesá kesá piniu awajsarmiayi. Nuya̱ṉka ni kakarmari̱ ikiukin asamtai ní nua̱ri̱ṉ wáitkiatan juárkimiayi.

1 Sam. 24:3

Tura Saur jintiá wesa murik matsatmanum jeamiayi. Tura ni atsumamuri̱n túrataj tusa kayá wa̱a̱ nui̱ ámanum waya̱miayi. Túrasha Tawitkia ni shuari̱ji̱a̱i̱ nu wa̱a̱ náṉkatkamunam pujuarmiayi.