Jns. 1:4 - Yus Papí: Shuarja̱i̱ Yus Yamaram Chicham Najanamu

⁴ Túrasha Uunt Yus nasen ti kakarman nayantsanam aju̱a̱rmiayi. Túram tí nasentuk nayantsa tampari̱ uunt kanun intiaksattuk awajmiayi.

Jns. 1:4 Iomraidhean Croise

YKan. 135:6

Jiuwaka nayaimpinmasha tura nuṉkasha núnisaṉ nayantsanmasha tura ashí wa̱a̱ náṉkatkachu áiniana nui̱sha ni wakerana nuna túrawai.

YKan. 135:7

Nuṉka náṉkatrana tímianaiya̱n yuraṉmincha takúawai. Tura yumi jámainiana péemniasha awajui núnisan nasencha ikiusma aan jíiniawai.

YKan. 148:8

Núnisaṉ peemsha yumi kátsuram ajasusha tura michasha nuyá̱ yuraṉkim nuṉká utsantrumna nútirmesha Ni shiir awajsatarum. Uunt nase Ni chichame̱n umiria nusha Ni shiir awajsata.

Jiin. 10:13

Nu tutai Muisais ni wái̱ri̱n Ejiptunmaani̱ iwiaiṉkiamtai Uunt Yus nasen etsa̱ jintiainmaani̱ya̱ nu tsawantin tsawai̱sha káshisha násenmamtikiamiayi. Tura kashin tsawa̱a̱k nase etsa̱ jintiainmaani̱ya̱ násentuk titikriátsan ikiankamiayi.

Jiin. 10:19

Túramtai Uunt Yus etsa̱ akatainmaani̱ya̱ ti kakaram násenmamtikiamiayi. Túram nase titikriátsan umpuí Kapantin Nayantsanam utsamiayi. Túramu ásar Ejiptunmaṉka chikichik titikriátskesha juákcharmiayi.

Jiin. 14:21

Nuya̱ṉka Muisais uwejé̱n nayantsanmaani̱ takuimiayi. Nuna túramtai Uunt Yus nasen etsa̱ jintiainmaani̱ya̱n kakaram násentkat tusa akupkámiayi. Tura nu kashi takamtsuk násentak nayants jímiapetek kanak kukach ajasat tusa ti násenmamtikiamiayi.

Jiin. 15:10

Ame mayaimiji̱a̱i̱ umpuiniakmin nayants ataksha ímiatrusaṉ ajak amurarmai túram jiru kijin entsá waya̱na núnis waya̱warmai.

Jrm. 51:16

Tura Ni chichaakuinkia yumisha nayaimpiniam téter ajainiatsuk nuyá̱ yuraṉmincha nuṉka náṉkatramunmaya̱n yakí̱ iwiachukait. Núnisaṉ yumincha peemja̱i̱ cháarpiji̱a̱i̱ yútumtikchakait tura mayaincha ikiusua nuya̱n akupchakait.

Ams. 4:13

Warí náintniasha nasencha najanniua nuka Ni enentáimmiari̱n áentsui̱ni̱ paant awajna ántsaṉ kiritniuncha atsa̱we̱a̱ nu tura naintia tsakari̱n tarimpraktak wekainiua nuna náari̱ṉkia Ashí Akupin Úunt Yusaiti.

Wek. 11:31

Tura Úunt Yusai̱ya̱ nase kakaram umpuí nayantsanmaya̱ nanamtinian waawaya núninian Israer shuar matsamkámunam akakekmiayi. Nu nanamtincha chikichik tsawant wekasam jea timianú arant matsamkamu mái̱ yantamen kakekamiayi. Tura nu nekapmamka jimiará kuntu jeá nuṉká tuwaimiayi.