Jns. 1:2 - Yus Papí: Shuarja̱i̱ Yus Yamaram Chicham Najanamu

² “Uunt pepru Níniwiniam wetá tura étserkum Uunt Yus chichaak ‘Aneararti.’ Warí, ju̱ péprunam yajauchin ti túruinia nuna nekaajai, túramprume tu etserkata” tímiayi.

Jns. 1:2 Iomraidhean Croise

Naṉ. 10:11

Nú nuṉkanmaya̱ jiinkí̱ Asiria nuṉkanam wémiayi. Nui̱sha Níniwi, Rejuputir, Kara tura Risen péprun najankamiayi. Risenka úunt pepruyayi tura Níniwi péprunmaya̱ Kara pepru ajapén étentamunam ámiayi.

2 Akup. 19:36

Nuyá̱ Senakiríp Asiria nuṉka akupniúri̱ṉkia Níniwi nuṉkanam waketkimiayi.

Ists. 9:6

Tura chichareakun “Winia Yusru páchim enentáimpran paṉkain Ámin íistinniasha natsa̱a̱ran pujajai. Warí ii yajauch túrutai̱ iincha tí piak amutmá nayaimpinmasha jeayi.

Jrm. 20:9

Nin atakka peṉké enentáimtuschattajai tura ni naari̱ pachisnash chichatnash peṉké chichaschattajai. Tura winia enentái̱rui̱ ji kapá̱a̱ ukunchrui̱ wayá̱ núnis nekapeajai. Katsuntrataj tukamán tujintiajai.

Isk. 2:7

Antsu ámeka ántuiniakuisha tura ántuiniachkuisha nu ántichu aents ainia nu Winia chichamur ujakárta.

Jns. 3:2

“Uunt pepru Níniwiniam wetá. Túram nuyá̱ aents Wi títiatjamna nú chicham etseruuta” tímiayi.

Jns. 3:3

Tutai Junassha Uunt Yus akupkámia nuna umirak Níniwi péprunam wémiayi. Níniwisha ti uunt pepru asamtai menaintiú tsawant wekasar téntakminiuyayi.

Jns. 4:11

Nuna naṉkaamas Wisha Níniwi péprun waitnentrarmajna núnaka péṉkernaka túrachmakaj. Warí nui̱sha siantu painti mir naṉkaamas aents péṉkernasha tura yajauchincha nékainiachu pujuiniawai. Núnisaṉ untsurí taṉkusha irunainiatsuk” tímiayi Uunt Yus Junasan.

Mat. 10:18

Winia ajasu asakrumin úuntnumsha tura nuyá̱ akupniúnmasha juramkiartatui. Núnisrum akupniúncha tura Israer shuarchancha winia chichamur ujaktatrume.

Mat. 12:41

Junas Níniwinmaya̱ aentsun Yus Chichaman ujakármia nui̱ nu shuar ni yajauch túrutai̱n enentáimtusar ni enentái̱n yapaji̱áwarmiayi. ¡Tura ju̱i̱ yamái Junasja̱i̱ naṉkaamas etserin pujawai! Tuma asamtai nekapsatin tsawant jeamtai Níniwinmaya̱ aents ju̱yá̱ shuaran sumamtikiawartatui.

San. 5:4

Ame takat iniararam ementushim akirarmamna nu “akirkati” turamainiawai. Anearta. Ashí Akupin Uunt Yus, nu takartámniu chichame̱n antukai.

Apu. 18:5

Ni tunaarí̱sha ti piak nayaimpiniam jeastatuk ajasái. Tuma asamtai Yus ni tunaari̱n kajinmatkichuiti.