Jns. 1:17 - Yus Papí: Shuarja̱i̱ Yus Yamaram Chicham Najanamu

¹⁷ Túrasha Uunt Yus uunt namakan Junasan ku̱jarat tusa iwiarturuyayi. Nu ku̱jaram menaintiú tsawant menaintiú kashi namaka tantane̱n eṉkemmiayi.

Jns. 1:17 Iomraidhean Croise

Naṉ. 1:21

Entsaya̱ uunt yajasmancha tura ashí namak írunna nunasha nú weanak ántsaṉ ashí nanamtinniasha atsuinianak Yus nú weanak najankamiayi. Nuna najanak iis Yuska “péṉkeraiti” tímiayi.

Jns. 2:10

Nuya̱ṉka Uunt Yus namakan Junas kukar imiakta tutai ímiatrusaṉ umikmiayi.

Jns. 4:6

Nuyá̱ Uunt Yus Junas mikintranam ejamak pujus yajauch nekapeamun péṉker enentáimsat tusa numi ukat ukatniun tsapamtikmiayi. Túram Junassha nu numiji̱a̱i̱ ti warasmiayi.

Awa. 3:2

“Maa Uunt Yusá, naṉkamantuitmena nuna antukjai núnisnak Ame túramuncha wainkian sapijmiakun jaká enentáimiá ajajai. Núnismek tsawant naṉkamakuisha ataksha enentáimtikiarturam jintinkiartuata. Tura kajektatmena nui̱sha waitnenkarturtin enentáimprata.

Mat. 12:40

Junas menaintiú kashi menaintiú tsawantcha namaka ampuje̱n eṉkemiayi.Jns. 1:17 Núnisnak Wi, Aents Ajasu asan, menaintiú kashi menaintiú tsawant nuṉká jakan tepestatjai.

Mat. 16:4

Aents yajauch ásar tura Yusan enentáimtachu ásar kakarmaja̱i̱ iniakmamun wakeruiniawai. Túrasha áyatik Junas túrunamia nuke iniakmastiniaiti” tímiayi. Tinia ikiuak wémiayi.

Ruk. 11:30

Kame Junas túrunamuja̱i̱ Níniwinmaya̱ aentsun yaunchu Yus ni kakarmari̱n iniakmasmia núnisaṉ yamaisha Aents Ajasu tutainjiana nu Wi túrunamuja̱i̱ Yuska ni kakarmari̱n iniakturmastatrume.