Biblia Todo Logo
Bìoball air-loidhne

- Sanasan -




Jir. 4:9 - Yus Papí: Shuarja̱i̱ Yus Yamaram Chicham Najanamu

9 Wi unuiniarmajrumna nu umiktarum. Tura wi túramur íisurmena nu tura antukurmena nusha umiktarum. Túrakrumni̱ṉkia Yuska aṉkant átinian amastaj tusa pujurtamsattarme.

Faic an caibideil Dèan lethbhreac




Jir. 4:9
36 Iomraidhean Croise  

Sapijmiakaip. Warí Wi ámiji̱a̱i̱ pujajai. Ashamkaip. Warí Wikia ame Yúsrumetjai. Tuma asan tuke yáiṉtatjame núnisnak Winia kakarmarja̱i̱ ikiaká̱rtatjame. Tura winia náka túrutair untsuuruja̱i̱ péṉker apujsattajme’ tímiayi.


Warí Yus iiji̱a̱i̱ pujá asamtai chícham jútaka jusattarme túrasha uminkiashtatui. Tura átum chichasrumek túratai títiatrume túrasha peṉké turunashtatui” tímiayi.


“Nuwa̱ natsa ajapruktatui tura áishmaṉchin takustatui. Nuna náari̱sha Emanuér anainiaktatui.” Tu áarmaiti. Emanuérsha nu chichamnum “Yus iiji̱a̱i̱ pujuwiti” tawai.Isa. 7:14


Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.


Aya winia Apar nayaimpiniam pujana nuna wakeramuri̱n umirin ainia nuke Yus akupeamunam pachinkiartatui. Antsu chíkichka ‘Uuntá, Uuntá’ turutainiayat nayaimpiniam jeachartatui.


Wi tájana nu túrachiatrumsha ¿urukamtai Winia, Uuntá, túrutrum?


Tutai Jesus chichaak “Ee, nukuruiti, yatsuruiti tura Yus tana nuna antuk umíana nusha winia nukuruiti, winia yatsuruiti” tímiayi.


Nu nekaarum túrakrumka shiir átatrume.


Wi akupeamu takaakrumka atumsha winia amikruitrume.


Nuyá̱ ajamarmia nuna ni nukurí̱ chicharainiak “Ashí ni tana nu umirkatarum” tímiayi.


Nuya̱ṉka Sauru sapijin kurakmaikia chichaak “Nuiṉkia Uuntá, ¿wi warinia itiurkat tusamea wakeram?” Tutai Uunt chichaak “Wajakím weme péprunam waya̱ta. Nui̱ jeawakmin ame túrattamna nuna turamiartatui” tímiayi.


Yus ti shiir pujustinian súana nu atumji̱a̱i̱ tsaniṉ pujurtamsati. Núnisaṉ atí.


Yus tuke shiir pujustinian amawa nu ti wárik iwianchi úuntri̱n Satanásan nupetturmaktatui. Tura ii Uuntri̱ Jesukrístu shiir yaintmakarti.


Ayu, yúakmesha úmakmesha ashí túramna nusha ashí shuar Yusan shiir enentáimtusarat tusam túrata.


Yuska pachimtak chichaman nakitiak shiir chichasmanak wakerawai. Chíkich nuṉkanmasha ashí Yus shuar iruntramunam túrainia áintsarum atumsha túratniuitrume.


Tuma asamtai wi wekaajna áintsaṉ atumsha wekasatarum.


Wats yatsurtiram, shiir pujustarum. Krístunam tuke kakaram ajastarum. Yus shiir enentáimtikramprarti. Chikichík enentaik enentáimsatarum. Shiir awajnáisarum pujustarum. Tura Yus anenmarmena nu shiir enentáimtikramna nu atumji̱a̱i̱ pujurtamsattarme.


Ashí Israer shuaran Muisais chicharainiak “Akupkámu umiktin chichaman wi tájarmena nu unuimiátrarum péṉker enentáimtusrum umirkatarum. Kame atumí aparí̱ji̱a̱i̱ṉkia chichamnaka najanachuiti. Atumji̱a̱i̱sha Urepnum chichamnaka najanamai. Paant iirmas chichartamkamarme túrasha átumka sapijmiakrum anturkachmarme. Túmakrumin atumniaka wi chichamnaka iniaṉkatmiajrume. Tura Uunt Yuska atumí Yusri̱ntji̱a̱i̱ Ejiptunam emetamu wáitkiatai pujarmin jí̱i̱rmiajrum nu Yúsketjai turamarme.


Yatsuru, wisha tura chikitcha wiji̱a̱i̱ métek péṉker túrajnia nu wáinkiuram atumsha núnisrumek túratarum.


Nuiṉkia atumí enentái̱ aṉkant átinian, aentstikia peṉké nekaachminia nuna Yus amastatui. Yus atumín aṉkant awajtámsa asa atumí enentái̱n tura atumí enentáimsamuri̱ncha yajauch waya̱wa̱i̱ṉ tusa shiir waitmaktatrume Jesukrístuja̱i̱ tsaniṉkiu asakrumin.


Atumsha yamaikia íksarmek ii túramiaj nu tura ii Uuntri̱ Jesukrístu túramia nu túrarme. Itiurchat ai̱ṉ Yus Chicham umikiurme. Tura wáitiayatrumek Yusa Wakaní̱ shiir enentáimtikramkui warasrum pujarme.


Yatsuru, ju̱ nekaatarum. Aya atumek wáitiatsrume. Ashí Jutanmaya̱ Israer shuar, ní shuari̱ṉketiat, Yus shuaran wáitkiascharmakia. Iis, Yus shuaran Kristu Jesusan umirkaru ásarmatai wáitkiasarmiayi. Yamaikia atumniasha atumí shuari̱ṉ wáitkiarmainiawai. Nuja̱i̱ Jutanmaya̱ Yus shuarja̱i̱ métekrak ajasurme.


Yuska, imiatkinchanum wekasatniun amaana nu, atumín takamtsuk shiir awajtámsarti. Tura ii Uuntri̱ Jesukrístu táatsa̱i̱ṉ atumí wakaní̱ atumí enentái̱ tura atumí aya̱shí̱sha mash métek tunaaja̱i̱nchu awajtámsati.


Kame Yus atumín yaintmaktatrume, taji. Ii tájinia nu yamái umíarme. Tura tuke umirkattarme. Nusha nekaar shiir enentáimji.


Ii Uuntri̱ Jesukrístu ámiji̱a̱i̱ tsaniṉ pujusti. Tura Yus ashí péṉker waitmakarti. Nuke atí.


Yus Chicham umikta. Aya ántukaip. Aya ántakmeka amek anaṉmamattame.


Tuma asamtai yatsurtiram, Yus atumín anaitiamak achirmákurmena nu tuke enentáimsarum wetarum. Túrakrumka peṉké iniarchattarme.


Tura ni wakeramu túrakrikia tura ni chichame̱sha umiru asakrin ashí ii seaj nuna suramsattaji.


Lean sinn:

Sanasan


Sanasan