Jir. 4:8 - Yus Papí: Shuarja̱i̱ Yus Yamaram Chicham Najanamu

⁸ Yatsuru, jú̱chiniak yamaikia Yus shuarti enentáimsatniun chichastatjai. Ashí nekas ana nu enentáimsatarum. Tura ashí anturkamnia ana nusha tura naka chicham ana nusha enentáimsatarum. Tura yajauch chichamsha enentáimsairap. Tura antsu ashí shiir ana nusha, chíkich shuarnasha péṉker enentáimtusminia nusha, kame ashí péṉker ana nu enentáimsatarum. Nuya̱sha chíkich shiir anturkamnia ana nusha enentáimsatarum.

Jir. 4:8 Iomraidhean Croise

Naṉ. 18:19

Warí ni uchirí̱ncha tura ni shuári̱ncha nuyá̱ uchirí̱ akiiniawartatna nunasha péṉker túratniuncha naka wekasatniuncha tura Uunt Yusa chichame̱n umiktinian jintintiáwartatna nuna nékakun anaikiaitjiai. Tuma asan tímiajna nu uminkiami tusan achikchamkaj” tu enentáimsamiayi.

2 Sam. 1:23

Saurka Junatánja̱i̱ṉkia aneetai̱ tura aneṉkratin armai. Jákatniunmasha peṉké kanakcharmai. Kame churuwiaja̱i̱sha naṉkaamas tí warik tura úunt ya̱wa̱ja̱i̱sha naṉkaamas ti kakaram armai.

2 Sam. 23:3

Israera Yusri̱ chichakuiti tura Israernumia̱ kátsuram Kaya aentsun nekasa nuja̱i̱ métek túrawarat tusa akupeana nu chichartak ‘Yus ashamamuja̱i̱ akupeana nuka

YKan. 82:2

Yajauch túruiniana nu sumamtiktsuk antsu péṉkera túrin sumamtikrume. Maa, ¿urutáik métek sumamtikiatarum? (Séraj)

Neka. 11:1

Kijin nekapmatai̱ métekcha núnaka Uunt Yus nakitiawai antsu kijin nekapmatai̱ métekea núnaka warareawai.

Neka. 12:4

Péṉker nuwa̱a nuka ni áishri̱ncha arantuk shiir enentáimtikniuiti antsu yajauch nuwa̱a nuka ukunchí imiámín suṉkura núnisaiti.

Neka. 16:11

Kijin nekapmatai̱ péṉkeraitkiuṉka nuka Yúsnaiti tuma asa nekapmatai̱ nekasketkuṉka Ni najankamu áiniawai.

Neka. 20:7

Péṉker enentáimniuka naka wekainiaiti tuma asa ni uchirí̱sha shiir awajsamu ártatui.

Neka. 31:10

Tí peṉker nuwa̱ wainkia nuka kaya shíirmachi kuítri̱ji̱a̱i̱ naṉkaamas péṉkeran wáinkiaiti.

Neka. 31:29

“Untsurí nuwa̱ shíirmach péṉkera túrawaru irunainiawai. Túmaitkiuisha ámeka núja̱i̱sha naṉkaamas tí peṉkeraitme” tuíniawai.

Neka. 31:31

Ni takatri̱ya̱ja̱i̱ waitnentrampra asakrumin atumsha nútiksarmek pepru uuntri̱ irunainia nui̱sha ni túramuri̱ enentáimtusrum shiir awajsatarum.

Anen. 5:16

Kayakpatrumka ti yuminiaiti. Ashí wakerú ajamainti. Jerusaréṉnumia̱ natsachiá, nisha winia nekas aneamurka, nisha winia nekas wakeramurka níyaiti.”

Isa. 26:7

Péṉkeran túrinia nuna jinti̱nkia nákaiti. Ame naka enentáimin asam péṉkera túrinia nuna jinti̱ní̱ wetá. Maa Uunt Yusru, iikia Ámin nákasmaji. Nekasa nuja̱i̱ métek nuṉka sumamtikniumin nuṉká matsatna nu aents nekasa nuja̱i̱ métek túratniun nekaawartatui. Tura Yusan enentáimtichu ainia nuka nekasa nuja̱i̱ métek túratniun nékainiatsui núnisaṉ Uunt Yusa tsáapnintri̱n waintsui núnisaṉ naka wekain ainia nú nuṉkanmasha yajauchin túruiniawai. Ame kakarmarmincha wainiainiatsui. Ame asutiam emeskaruitme. Túram ti shiir ajasuitme. Tura ashí tesarnáiyamua ímianai iwiaṉkáruitme.

Mat. 22:16

Túrawar ni shuari̱ncha tura akupin Irutisa nemarniuri̱sha Jesusan akuptúkarmiayi. Nisha jeariar Jesusan chicharainiak “Uuntá, amesha nekas chicham chichaame. Nu nékaji. Chíkich shuar tuinia nu ántutsuk nekasam Yus Chicham jintíame. Shuar shiir enentáimturarat tusam jintíatsme.

Mar. 6:20

Juaṉsha tuke enentáiji̱a̱i̱ Yusa jinti̱n wekainiuyayi. Irutis, ni esetar enentáimniun neka asa Juáṉkan ashamak Jirutías wakeramuri̱n túrawa̱i̱ṉ tusa suritkiamiayi. Kame Irutis Juaṉ étserman nékachuitiat antuktinian wakerimiayi.

Ruk. 16:15

Túmakui̱ Jesus nin chichaak “Atumsha aents íimmianum péṉker awajmamprume. Túrasha atumí enentái̱ncha Yus péṉker nékawai. Kame winia ‘naṉkamantuiti’ turutit tusa wakera nuna Yuska nakitiawai.

Ruk. 2:25

Nu tumai̱ Semiun náartin áishmaṉ Jerusaréṉnum pujumiayi. Simiuncha Yusa Wakaní̱ pujurma asa péṉker áishmaṉkauyayi. Yusan nekas enentáimtiniuyayi. Yusa anaikiamuri̱ji̱a̱i̱ Israer shuar aṉkant ajastin jeatí tusa jintia íimpriniuyayi.

Ruk. 23:50

Naka enentáimin péṉker áishmaṉ ámiayi ni naari̱ Jusé. Arimatéa pepru Jutanam ana nuya̱uyayi. Israer shuara Uunt Iruntai̱ri̱n páchitkiauyayi.

Juaṉ 7:18

Ni enentáimmiaja̱i̱ chichaana nuka ashí shiir enentáimtursarti tusa chichaawai. Antsu nin akupka nuna shiir awajsarti tusa wakerak nekas wáitratsuk tawai.

Tur. 10:22

Tutai nisha chichainiak “Iisha uunt Kurniriu akupkámu taji. Kurniriuka péṉker áishmaṉkaiti tura Yusan enentáimtiniaiti. Tura Israer shuaran nin shiir enentáimtuiniawai. Kame nuik Yusa suntari̱, tunaarincha nu, ii úuntri̱n chicharuk ‘Pítrun untsukat akupkata. Ni tatí. Tura ni títiatna nu péṉker anturkata’ tímiayi. Nuna ii úuntri̱n takui̱ iisha winiji” tiármiayi.

Tur. 22:12

Tura nui̱ Tamaskunam áishmaṉ Ananías pujumai. Nisha Yusan aneak Muisais akupkámia nuna umirkauyi. Tura nú péprunmaya̱ Israer shuar armia nu nin péṉker enentáimtiarmiai.

Tur. 6:3

Tuma asamtai yatsurtiram atumíiya̱ siati áishmaṉ e̱a̱ktárum yurumkan súsarat tusarum. Péṉker wekainia nu tura neka shuar Yusa Wakaní̱ pimiutkamu ainia nu achiktarum.

Rum. 13:13

Túratniua nuja̱i̱ métek wekasatai. Tsawái̱ wekaakur kiritniunam ú̱mkar tunáa túrutai̱ túrashtai. Nampetsuk, yajauch warartsuk, tsanirmatsuk, jianaitsuk tura kajernaitsuk aya péṉker túratai.

Rum. 13:3

Kame akupniúka péṉker shuar sapijmiakarat tusar apujsachma áiniawai. Antsu yajauch shuar ashamkarat tusar apujsamu áiniawai. Ni ashamtsuk pujustin wakerakmeka péṉker túrata. Túrakminkia akupin shiir enentáimturmartatui.

Rum. 14:18

Ashí shuar Krístun núnis umireakui Yussha tura chíkich shuarsha péṉker enentáimtuiniawai.

1 Kur. 4:5

Tsawant jeamtai ii Uuntri̱ Kristu atak tátatui. Tura ashí yamái kiritniunam u̱kma nuna tura shuar ashí enentáimprarma nunasha paant awajsattawai. Nu tsawant jeatsa̱i̱ṉ shuar umikiuashit tusarum enentáimtusairap. Tura nu tsawantai̱ Yus ashí péṉker umikiarun shiir awajsattawai. Péṉker umikiuncha ishichik umikiuncha takasmaja̱i̱ métek Yus shiir awajsattawai.

2 Kur. 13:7

Tura átum tunáa túrawa̱i̱rum tusar Yus seaji. Aents iin péṉker enentáimtikramprat tusar tátsuji. “Ántar áiniawai” túramprini̱ṉ, átum péṉker wekasatarum tusar wakeraji.

2 Kur. 6:8

Shuar shiir enentáimturmainiakrincha, yajauch enentáimturmainiakrincha, péṉker chichartamainiakrincha, yajauch chichartamainiakrincha tuke Yusja̱i̱ shiir wekaaji. “Wáitruiniawai” turamainiakrincha tuke nekas chichaaji.

2 Kur. 8:18

Tura chíkich Yus shuar Titiuja̱i̱ akupkátajtsa pujaji. Nu shuar Yusa Chichame̱n tí peṉker etserainakui ashí Yus shuar iruntramunam nin péṉker áujmatainiawai.

2 Kur. 8:21

Yus íimmianumsha, aents íimmianumsha ii naka wekaajnia nuna nekaawarat tusar túraji.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Ipi. 4:25

Nu asamtai chikichik aya̱shi muchitmari̱ asarum wáitrutsuk nekas chicham chicharnaisatarum.Sak. 8:16

Ipi. 5:9

Tsáapninium wekainiaka shiir awajkartincha tura nekas chichamtincha tura péṉker túrin áiniawai.

Ipi. 6:14

Wats, nekas tariartin nekas chicham emenmamatarum. Tura péṉker túratniuja̱i̱ jatairum ejaktarum.Isa. 11:5

Jir. 3:1

Yatsurtiram warastarum, ii Uuntri̱ Kristu tí peṉker asamtai nuik áatramajrum nuna ataksha títiatjarme. Ataksha ujam yaintmakminiaitkiuiṉkia wíji̱a̱i̱ṉkia itiurchatchaiti atak enentáimtikratin.

Kurs. 4:5

Yus shuarchaja̱i̱ shiir túratarum Yus Chichaman yajauch enentáimturara̱i̱ṉ. Kakaram ajasrum tsawant ántrarum iniaṉkasairap.

1 Tis. 4:12

Átum táasa̱i̱rum tusan tájarme. Túrakrumni̱ṉkia atumniasha chíkich shuar péṉker enentáimturmasartatui.

1 Tim. 2:2

Imiatkinchanum pujusár Yúsja̱i̱sha tura áentsja̱i̱sha shiir túratai tusar tura ashí akupin ainia nusha péṉker akupkarat tusar Yus áujtustiniaitji.

1 Tim. 3:11

Nuwa̱sha péṉker ásar ashí shuarsha shiir enentáimtutai̱ ártiniaiti. Tsanumniuchu antsu esetar enentáimiar ashí ni túratin ainia nuna ímiatrusaṉ umin ártiniaiti.

1 Tim. 3:4

Ní shuari̱n shiir akupeakui ni uchirí̱sha umin tura shiir awajkartin ártiniaiti.

1 Tim. 4:12

Ti úuntchaitkiumnisha nakitrámprara̱i̱ṉ. Antsu péṉker túrakum Yus shuar unuiniarta. Chichammiji̱a̱i̱sha, túramurmiji̱a̱i̱sha, aneṉkratmarmiji̱a̱i̱sha nekas Yus enentáimtamuja̱i̱sha tura esetra enentáimsam Yusna péṉker túramuja̱i̱sha nisha túrawarat tusam iniaktusarta.

1 Tim. 5:10

Ti paant péṉker túrin átiniaiti. Ni uchirí̱n péṉker tsakatmashit, iraran péṉker taatá tíniuashit, nekasmiancha enentáimtumar Yus shuaran yáiniashit, wáitiainia nuna waitnenniuashit tura chikichnasha péṉker túriniaitkiuṉka maak.

1 Tim. 5:2

Nuwa̱ úuntchisha nekas ame nukua nútiksamek shiir awajsarta. Nuwa̱ natsasha nekas ame umai̱mia nútiksam shiir enentáimji̱a̱i̱ péṉker awajsarta.

Tit. 1:8

Antsu shuar ni je̱e̱n írar winiana nuna itiaatniuiti. Tura ashí péṉker ana nuna wakerin, esetas enentáimin átiniaiti. Tura naka enentáimin núnisaṉ esetar túrin átiniaiti. Tura niṉki íimiastiniaiti.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Tit. 2:2

Antsu áishmaṉ katsunt Yusna ainia nu ju̱ jintintrata. Nampechu, náṉkamas enentáimcha, esetas enentáimin ártí. Yus tana nuna umirin tura anenain ártí. Ni itiurchatri̱i̱n Yusan enentáimtusar katsuntin ártí.

Tit. 2:7

Tura amesha Titiu, ashí tsawant péṉker wekasata. Nu natsa wi túramun júkiar nunak túrawarmi tusam nu túrata. Tura anturtamna nu “nekaschapitia” ti̱i̱ṉ tusam esetsam enentáimsam Yus Chicham tana nu ímiatrusmek jintintiata. Nú túrakmiṉkia Yus Chichaman nakitiana nu shuar “Titiu náṉkamas chichaawai” títiaj tukamá natsaamak tujintramkattui.

Tit. 3:14

Iiní̱ Yus shuar ainia nusha péṉker túratniun tura atsumainia nunasha yáiṉtinian nekaawarti. Ántar pujusára̱i̱ṉ tusan nuna tajai.

Isr. 11:2

Yaunchu ii uuntri̱ Yusan nekas enentáimtuiniakui Yus “péṉkeraitme” tiármiayi.

Isr. 13:18

Iincha Yus áujsatarum. Iisha ashí péṉker túratin wakeraji. Túraji enentáimji.

San. 1:27

Nekas Yus Apa awajitsuk shiir umirkatin ju̱i̱ti, mitiaikiasha waje̱sha itiurchatnum pujuiniakuisha yáiṉtiniaiti tura ju̱ nuṉkanam ashí tunáa ana núja̱i̱sha máatrashtiniaiti.

San. 3:17

Antsu Yusai̱ya̱ enentáin takakua nuka jú̱nisaiti, ashí naṉkaamas emka eseeratin nuyá̱ nawamkartin, shiir ajá, péṉker anturnain, waitneṉkratin, ashí métek enentáimias yáiṉtin tura anaṉkartutsuk naka chichamtin.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

1 Pit. 2:12

Yus shuarchanum péṉker wekasatarum. Túrakrumni̱ṉkia nisha yamái “Yus shuar yajauch túruiniawai” ántar tuíniayataṉ ukunmaṉka Yusja̱i̱ iṉkiunaiktin tsawant jeamtai péṉker wekarmena nuna enentáimturmasar nú shuarsha Yusan shiir awajsártatui.

1 Pit. 4:8

Aneniamuja̱i̱ untsurí tunaasha tsaṉkuratin awai. Tuma asamtai ashí naṉkaamas nuamtak anenaistarum.

2 Pit. 3:1

Aneamu yatsurtiram ju̱ papin jimiará áatjarme. Mái̱ papinium winia jintintiámurja̱i̱ atumí chamir enentái̱n enentáimtikratjarum tusan wakerajrume.

1 Jṉ. 3:18

Uchiru, aya chíchamja̱i̱ṉ anenain áchatniuitji antsu nekas aneniakur péṉker túrar yáiniaiktiniaitji.

1 Jṉ. 3:3

Tura shuar shiir enentáiji̱a̱i̱ nuna nákakka imia niṉki shiir awajmamui Jesukrístuja̱i̱ métek shiir atajai tusa.

1 Jṉ. 4:1

Aneamu yatsuru, untsurí shuar wáitruiniak “wi Yúsnan etserniuitjiai” tuíniawai. Tuma asamtai ashí shuar “wi Yusa Wakaní̱n takakun chichaajai” tuinia nu péṉker nekaptsuk enentáimtusairap. Antsu íisrum nekas Yusa Wakanímpiashit tura chíkich wakaniashit nu nekaatarum.

Rut 3:11

Yamaikia makú, sapijmiakaip. Ame seatmena núnaka tímiatrusnak umiktatjai. Kame ju̱ péprunam pujuinia ju̱ka péṉker núwa̱itmena nuna ashí nekarmainiawai.