Jir. 4:7 - Yus Papí: Shuarja̱i̱ Yus Yamaram Chicham Najanamu

⁷ Nuiṉkia atumí enentái̱ aṉkant átinian, aentstikia peṉké nekaachminia nuna Yus amastatui. Yus atumín aṉkant awajtámsa asa atumí enentái̱n tura atumí enentáimsamuri̱ncha yajauch waya̱wa̱i̱ṉ tusa shiir waitmaktatrume Jesukrístuja̱i̱ tsaniṉkiu asakrumin.

Jir. 4:7 Iomraidhean Croise

Neem. 8:10

Nuyá̱ chicharainiak “Werum péṉker yurumak iwiaramu yurumárum yumincha umartarum. Núnisrumek yurumkan takaktsuna nusha ayurarum akupkatarum. Warí ju̱ tsawantka Yusna akantúkma Nin shiir enentáimtustinian tsawantaiti. Uunt Yusa waratáiri̱nkia iin ikiakátmakrin kúntuts pujusairap” tiármiayi.

YKan. 29:11

Uunt Yus niniu ainia núnaka ni kakarmari̱n súsartatui. Tura Uunt Yus niniu ainia núnaka tuke shiir pujustinnium péṉker yumiṉkrartatui.

YKan. 85:8

Jiuwá Yus títiatna nuna antuktatjai. Ni shuari̱ Yusan arantuk wekain ainia nuna Niṉkia waurka ajastinnium waketkiara̱i̱ṉ tusa aṉkant shiir matsamsatniun nekas susattajai tawai.

Neka. 2:11

Esetra enentáimin ajasu asam itiurchatnum waya̱shtatme. Nu asamtai yajauchiniam wekasashtatme.

Neka. 4:6

Áintsamek nekatai̱sha iniaisaip. Iniaiyachmaka péṉker wekasatniun yaintmaktatui. Núnisaṉ aneamka ayamprutmaktatui.

Neka. 6:22

Tsawai̱sha tuí̱ṉkish wekaittiam nui̱sha jintintrámawartatui. Tura kashi tepakmincha nui̱sha enentáimmiarmin waitramiartatui. Nuya̱ṉka kashin shintiartatmena nui̱sha chichartamiartatui.

Jrm. 32:16

Sumakma papin Neríasa uchirí̱ Parukan susan Uunt Yusan seakun jú̱nisan tímiajai

Jrm. 33:6

Nekaata Wi tsuámatai tsuákan itiarin tsuárartatjai. Túran Wi shiir matsamsartinian tura nékaskea nuna tí nukap iniaktusartatjai.

Wek. 6:26

Núnisaṉ Uunt Yus paṉkái̱ iirmasti tura aṉkant shiir enentáimtikramprati’ titiá.

Ruk. 2:14

“Nayaimpinmasha Yus naṉkamantuiti tu enentáimtusarti. Tura ju̱ nuṉkanmasha Yusja̱i̱ nawamnaikiaru ainia nusha aṉkant pujusárti.” Tu tiármiayi.

Juaṉ 14:27

Aṉkant shiir pujustarum. Aṉkant shiir pujajna núnisrumek pujustarum tusan amaajai. Jú̱ nuṉkanmaṉka warastin wáinkiashtatrume. Antsu itiurchatnum pujayatrumkesha Wiji̱a̱i̱ aṉkant shiir pujustatrume. Ashamtsuk pujustarum. Itiurchat enentáimprairap.

Juaṉ 16:33

Winia enentáimturkuram aṉkant shiir pujusuk tusan tájarme. Jú̱ nuṉkanam ti wáitsattarme. Tura Wi jú̱ nuṉkanmaya̱n nupetka asamtai warastarum” tímiayi Jesus.

Rum. 1:7

Ashí Yus aneamutirmincha Rúmanam matsatrum nuna ju̱ papin áateajrume. Yus tí peṉker awajtámsatniun wakerutmarme. Ii Aparí̱ Yussha ii Uuntri̱ Jesukrístusha waitnentramainia ásar imiatkinchanum ti shiir pujustinian yaintmakarti.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.

Rum. 15:13

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

Rum. 5:1

Tuma asamtai Kristu nekas enentáimtakrin Yus táman nékaskete tu enentáimtakrin tunaarincha awajsámuitji. Tuma asar ii Uuntri̱ Jesukrístu túramuja̱i̱ aṉkant shiir pujá asar Yus nawamkamu pujaji.

Rum. 8:6

Aya̱shnia nuna enentáimtuinia nú shuar jákatniunam wénawai. Antsu Yúsnan enentáimtuinia nuka Yusja̱i̱ shiir nawamnaikiar tuke pujusártatui.

2 Kur. 10:5

Ju̱ nuṉkanmaya̱ aentsu jintíamuri̱ṉkia tura waantu enentáimtumamuri̱ṉkia Yus nekaatniun itit awajea nuka, nu naṉkiji̱a̱i̱ núpeteaji. Tura ashí ju̱ nuṉkanmaya̱ enentáimsatin yapajniak, emetamu áintsaṉ Krístun umirkarat tusar nu naṉkiji̱a̱i̱ núpeteaji.

2 Kur. 13:11

Wats yatsurtiram, shiir pujustarum. Krístunam tuke kakaram ajastarum. Yus shiir enentáimtikramprarti. Chikichík enentaik enentáimsatarum. Shiir awajnáisarum pujustarum. Tura Yus anenmarmena nu shiir enentáimtikramna nu atumji̱a̱i̱ pujurtamsattarme.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Ipi. 3:19

Nu aneṉkrattai ashí takamtsuk nekaachmin ai̱ṉ nekaatarum tusan áujtajrume. Nuja̱i̱ Yus takamtsuk pimiutramkattarme.

Jir. 1:1

Wi Papru Timiutéuja̱i̱ Jesukrístu takarin asar ashí Yus shuar Jiripiusnum pujarmena nu ju̱ papí akuptaji. Yus shuara uuntri̱ árumna nusha tura Yus shuaran yain árumna nusha ashí Yus shuarsha núnisaṉ Yusna asarum tura Jesukrístuja̱i̱ tsaniṉkiu asakrumin ju̱ papí áateajrume.

Jir. 1:2

Ii Aparí̱ Yussha tura Jesukrístu ii úuntri̱sha atumín waitnentramainia ásar aṉkant tuke shiir pujustinian suramsarti.

Jir. 4:19

Winia Yúsrusha tí peṉkeran núkap takakui. Atumsha Jesukrístunu ajasu asarum Yus seamniaitrume. Tura Yuska ti takakna nuja̱i̱ ashí atsumarmena nuna suramsattarme.

Jir. 4:21

Winia náarui̱sha tura Jesukrístu náari̱ncha ashí Yus shuar ainia nu chícham ujatruktarum. Nisha shiir pujusárti. Wi írutramusha núnisaṉ shiir pujusárti tusa akuptúrmainiawai.

Jir. 4:9

Wi unuiniarmajrumna nu umiktarum. Tura wi túramur íisurmena nu tura antukurmena nusha umiktarum. Túrakrumni̱ṉkia Yuska aṉkant átinian amastaj tusa pujurtamsattarme.

Kurs. 3:15

Kame chikichik aya̱shtinia áintsarum ajastarum tusa Yus ni shuari̱ ajasat tusa achirmákmarme. Tuma asamtai Yusja̱i̱ aṉkant awajsamu atumí enentái̱n pujurtamsati. Nuja̱i̱ Yus yumiṉsatarum.

2 Tis. 3:16

Uunt Yuska aṉkant átin enentái suramsati. Jú̱ Yus itiurchatnum pujarmini̱ṉ atumín tuke aṉkant shiir pujustin enentáimtikramsarti. Uunt Yuska atumín pujurtamsarti, tajai.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

Jut. 1:1

Wi Jútas Jakupu yachi̱ntjiai. Jesukrístu takarin asan ashí Yus Apa ni shuari̱ átinian achikma ainia nuna ju̱ papin áateajai. Jesukrístuja̱i̱ tsaniṉkiaru ásarmatai Yus nin wainiainiawai niji̱a̱i̱ kanakchatniun.

Apu. 1:4

Wi Juaṉ, Ásianam siati péprunam Yus shuar írunun ju̱ papin áateajai. Yus anenma asa aṉkant shiir pujustinian yaintmakarti. Nu Yus tuke yaunchu pujuyayi. Núnisaṉ yamaisha pujawai. Tura nuke winittiawai. Akupin pujutai̱nium Yusa Wakaní̱ siati naka pujurainia nusha shiir yaintmakarti.

Apu. 2:17

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka maná yurumkan u̱kma nuna ayurattajai. Nuyá̱ kaya pújun susattajai. Nu kayanam yamaram naari̱ aarma átatui. Nunasha chíkich shuarka peṉké nékatsa̱i̱ṉ aya achía nuke nekaattawai.’ Tu aartá” turutmiai.