Jir. 4:6 - Yus Papí: Shuarja̱i̱ Yus Yamaram Chicham Najanamu

⁶ Itiurchat enentáimsatin atumji̱a̱i̱ peṉké atsutí. Antsu tuke Yus áujkum ashí itiurchatrum ujakta. Atsumamuram Yus seatá. Túram Yus yumiṉsata.

Jir. 4:6 Iomraidhean Croise

1 Akup. 8:28

Maa, Uunt Yusa winia Yusru, yamái Ámin takartámin seatmana nu anturkata.

YKan. 51:15

Uunt Yusá, Áminiu chichastin ataksha tsaṉkatrukta. Nui̱ṉkia ame páantniurmin paant etserkattajai.

YKan. 55:17

Kí̱arai̱sha, káshiksha tutupnisha Yusan sean untsuktatjai túram winia chichamprun Ni anturtuktatui.

YKan. 55:22

Ame itiurchatrumsha tura itit nekapeamurmesha Uunt Yusai̱ íktumasam iniaisata. Túrawakminkia Ni péṉker waitmaktatui. Shuar péṉker enentáimkia núnaka tuke iniar pujusti tusa peṉké iniaisashtatui. 1 Pit. 5:7

YKan. 62:8

Maa, aentstiram ashí tsawant Ni enentáimtusrum nákastarum túrarum atumí itiurchatri̱ ujaktarum. Warí Yuska ii u̱mtairi̱nti. (Séraj)

Neka. 15:8

Yusan enentáimtichu shuar ainia nu súamunka Uunt Yuska muí̱jiawai. Antsu Nin enentáimtuinia nu seamka waras ánturui.

Neka. 16:3

Ame takatrum Uunt Yus íktusta. Nu túrakmiṉkia ame enentáimsamurmesha nékaseṉ jintiurmattawai.

Anen. 2:14

“Winia yampitschiruá, kayá wá̱a̱nam pasuṉmasam jeachat ú̱mkam pujamna nuyá̱ yapichiram iniakmasam chichasam antumtikrukia. Warí ame chichamchirmeka yuminchiti tura shíirmach íiraitme ámeka.”

Jrm. 32:16

Sumakma papin Neríasa uchirí̱ Parukan susan Uunt Yusan seakun jú̱nisan tímiajai

Jrm. 33:3

‘Untsurkata, túrawakminkia ái̱ktatjame. Tura ame nekaachma nuna jintintiáttajme. Nuyá̱ u̱kma tura enentáimprachmin ainia nunasha paant awajtústatjame’ tíniuiti.

Tan. 3:16

Nuyá̱ Shatraaksha, Mishaaksha, Awitníkiusha úunt akupniun chicharainiak “Napukutunusúrá, iisha támena nu ái̱ktinkia atsumatsji.

Tan. 6:10

Kame Taniarsha umiktin chicham najanar papí kuesmakman nekaamiayi. Tura ni je̱e̱n wayá̱ ni kanutairi̱n Jerusaréṉnumaani̱ áaṉkamun urái tikishmar ni Uunt Yusri̱n shiir enentáimtus yúmiṉkiak tuke túriniuya núnisaṉ chikichkí tsawantai̱ menaintiú seá wémiayi.

Mat. 10:19

Tura akupniúnam surutmakakrumnisha wariniak títiaj tu enentáimprairap. Nui̱ uuntja̱i̱ chichaakrumin Yus títinian jintintrámattarme.

Mat. 13:22

Árak jaṉki írunmanum iniaarma nuka shuar Yus Chichaman antuk emka umirna núiti. Tura ju̱ nuṉkanam írunna nuna tuke páchiniak ni kuítri̱ncha ti enentáimtuinia ásarmatai ashí Yus Chichaman enentáimtamun núpeteawai. Tuma asamtai nu shuarnum Yus Chicham atsaampramu nereatsui.

Mat. 6:34

Kashin átatna nuja̱i̱ itiurchat enentáimsairap. Kashinkia nusháa itiurchatri̱ji̱a̱i̱ tsawa̱rchattawak. Yamái tsawanta ju̱ja̱i̱ máakchakait.

Mat. 6:8

Niji̱a̱i̱ métek ajasáirap. Átumka seatsrumni̱ṉ Yus Apa átum atsumamun nékawai.

Ruk. 10:41

Tutai Jesus chicharuk “Maa Martá, untsurí túratin ana nu ti enentáimsam itit awajtamui.

Ruk. 12:22

Nuyá̱ ni unuiniamuri̱n Jesus chicharainiak “Warí yuarik pujustajⁱ tura wariṉ entsartajⁱ tusarum nuke ti enentáimsairap.

Ruk. 12:29

Ju̱ nuṉkanam ana nu ti pachikiairap. Chíkich shuar Yusan nékainiatsna nu wariṉ yuattajⁱ tura umartajⁱ nuna ti pachiniawai. Tura atumsha tu enentáimsairap. Urukatjak tiirap. Ame Apa nayaimpiniam pujana nu ashí atsumarmena nuna nékawai.

Ruk. 18:1

Shuar yawe̱tsuk Yusan tuke áujsatniua nuna unuiniartaj tusa Jesus ju̱ métektaku chichaman tímiayi.

Ruk. 18:7

Tura Yus tí peṉker asa ni achikman tsawai̱sha, káshisha untsuamka nú naṉkaamas anturkashtatuak. ¿Yáitsuk meṉkakatuak?

1 Kur. 7:21

Chíkich shuara takarniúri̱ asam ti itiurchat pujakmesha itiurchat enentáimpraip. Tura aṉkant jiinkimniaitkiumka jiinkitia.

1 Kur. 7:32

Jú̱ nuṉkanmaya̱ja̱i̱ṉ itit ajaschak tusan wakerajrume. Nátsaka Yúsnan enentáimtawai ni wakera nuna umiktinian.

Ipi. 5:20

Ii Uuntri̱ Jesukrístu náari̱ji̱a̱i̱ ashí írunna nu Yus Apa tuke yumiṉsatarum.

Ipi. 6:18

Yusa Wakaní̱ji̱a̱i̱ Yus áujeakrum tuke seatniuitrume. Tura tuke aneara pujustarum wake mesetsuk tura ashí Yus shuar ainia nusha Yus áujtustarum.

Kurs. 3:15

Kame chikichik aya̱shtinia áintsarum ajastarum tusa Yus ni shuari̱ ajasat tusa achirmákmarme. Tuma asamtai Yusja̱i̱ aṉkant awajsamu atumí enentái̱n pujurtamsati. Nuja̱i̱ Yus yumiṉsatarum.

Kurs. 3:17

Tura takaakmesha, chichaakmesha kame ashí túramna nuka Jesukrístu shiir awajsataj tusam ni kakarmari̱ji̱a̱i̱ṉ túrata. Túrakum Krístuja̱i̱ Yus Apa yumiṉsata.

Kurs. 4:2

Yus áujkuram Ni yumiṉsarum asummiarum iniaitsuk áujsatarum.

1 Tim. 2:1

Wátsek, emka seajrume Yus áujeakum Yus yumiṉsam ashí shuaran yaintkiat tusam áujtusarta.

1 Tim. 5:5

Nekas waje̱ niṉki pujana nu Yusan enentáimtak tsawai̱sha káshisha iniaitsuk Yusan áujeawai.

1 Pit. 4:7

Ashí amuukatin jeatémayi. Tuma asamtai péṉker enentáimsatarum. Túrarum anearum Yus auju pujutarum.

1 Pit. 5:7

Yus ámin ti enentáimturmakui ame itiurchatrum ainia nu Yus ashí íktusta.YKan. 40:17

1 Sam. 1:15

Túrasha Ana aya̱k “Núchaiti uuntá. Winiuncha tura awartiuncha nampekchaitjiai antsu wikia wait ajá pujú nuwa̱itjiai. Tuma asan Uunt Yusan tí kuntuts enentáiji̱a̱i̱ seajai.

1 Sam. 7:12

Nuyá̱ Samuir Míspaja̱i̱ Sen nuṉká ajapén kayan ápujuk chichaak “Tímiaja̱i̱ ii Uunt Yusri̱ yaintmakji” tusa Ipinisér anaikiamiayi.