Jir. 4:4 - Yus Papí: Shuarja̱i̱ Yus Yamaram Chicham Najanamu

⁴ Nu asamtai Uunt Jesusja̱i̱ tsaniṉkia pujá asarum tuke warastarum. Ataksha warastarum tájarme.

Jir. 4:4 Iomraidhean Croise

YKan. 146:2

Kame wi iwiaakjana ju̱i̱ṉkia Uunt Yusan shiir awajsattajai túran winia Yúsrun pujajna ju̱i̱ṉkia kantampruáttajai.

YKan. 33:1

Maa péṉker túrintirmeka Uunt Yusai̱ warastarum. Naka wekain ainia nuna shiir awajmari̱ṉkia nekas shíirmaiti.

Awa. 3:18

nu tuma ai̱ṉ wikia winia Uunt Yusur uwemtikruru asamtai ti wararsattajai.

Mat. 5:12

Kame yaunchu Yúsnan etserin átumka atsarmin pujuarmia nunasha núnisaṉ túrawarmiayi. Tuma asamtai shiir enentáimsarum warastarum. Warí átumka nayaimpiniam ti shiir naṉkaamas péṉkera nuja̱i̱ akinkiáttarme” tímiayi.1 Pit. 2:19-20

Tur. 16:25

Tura kashi ajapéṉ Papru Sérasja̱i̱ Yusan áujainiak kantampriarmiayi. Tura chíkich eṉkeamusha nuna antúu pujuarmiayi.

Tur. 5:41

Jesusa akatrámuri̱sha Israer shuara uuntri̱ pujamunmaya̱ jíinkiarmiayi. Tura wáitsamniaitrume tusa Yuska Jesusa naari̱ pachia asakrin ii natsantin wáitsatniun tsaṉkatramkaitji tusar ti shiir enentáimsar wéarmiayi.

Rum. 12:12

Ukunam Yus tsaṉkatramkattajnia nu enentáimtusrum warastarum. Wáitiakrumsha katsuntratarum. Tuke iniaitsuk ashí túrunamuja̱i̱ Yus áujsatarum.

2 Kur. 6:10

Kúntuts pujayatrik ii enentái̱nkia waraaji, kuítrinchaitiatrik chíkich shuar kuítrintin awajeaji, peṉké takakchiatrik ashí wainji.

Kar. 1:8

Tuma asamtai Yus nin yajauchiniam yumiṉkrattawai. Wisha Yus Chicham yapaji̱ámun etserkamtaiṉkia Yus winia yumiṉkrurtatui. Nayaimpinmaya̱ suntarsha nusháa chichaman wi etserkachmaj nuna étserkuiṉkia nunasha yumiṉkrattawai.

Jir. 2:18

Atumsha warakrumin métek wararnaisatai.

Jir. 3:1

Yatsurtiram warastarum, ii Uuntri̱ Kristu tí peṉker asamtai nuik áatramajrum nuna ataksha títiatjarme. Ataksha ujam yaintmakminiaitkiuiṉkia wíji̱a̱i̱ṉkia itiurchatchaiti atak enentáimtikratin.

1 Pit. 4:13

Tuma ai̱ṉ shiir enentáimsatarum. “Kristu wáitsamuri̱n métek taku wáitiakun péṉkeraiti” tu enentáimsatarum. Ukunam Kristu winchari̱ wainkiarum timiá warasmi tusarum túratarum.