Jir. 4:3 - Yus Papí: Shuarja̱i̱ Yus Yamaram Chicham Najanamu

³ Amincha winia ai̱rú, nu nuwa̱ yaiṉkta tusan seajme. Nisha wi iwiaaku chichaman étsereakui wiji̱a̱i̱ métek takasarmai. Tura Krimintisha tura chikitcha wiji̱a̱i̱ métek takasarmai. Nuna náari̱n iwiaaku átinnium Yus áatraiti.

Jir. 4:3 Iomraidhean Croise

YKan. 69:28

Kame tuke iwiaaku átin papinium ni naari̱ anujtúkaraip. Núnisaṉ péṉkera túrin ainia núja̱i̱sha iruntracharti.

Jiin. 32:32

Túrasha yamái Israer shuara tunaarí̱ tsaṉkurarta. Tura tsaṉkurartin nakitiakmeka waitneasam winia naar ame papirumin aarma nu japirturta” tímiayi.

Isa. 4:3

Tura Jerusaréṉnum juákaru ainia nuka kame Seúnnum ikiukmia tunaarincha áiniawai tunartatui. Kame Jerusaréṉnum pujuinia nu ashí ni naari̱ papinium anujkamu áiniawai.

Isk. 13:9

Tura ántar ímiaja̱i̱k wainiainiana nuna nuyá̱ ‘nekamniuitjiai’ tusar wáitian etserainiana nunasha yamaikia asutiáwartatjai. Tuma ásar nu shuarka Israer shuara úuntri̱ṉkia áchartatui. Núnisaṉ Israer shuara naari̱ aarma áiniana nú papiniumsha ni náari̱nkia áantrachartatui tura Israer shuara nuṉke̱ncha atakka waketkichartatui. Nu túrunamtai Wikia Uunt Yus Ashí Aentsun Úuntri̱ntiaj nuna paant nekarawartatui.

Tan. 12:1

Nu tsawant jeamtai amé shuara wáinin Mikiair nayaimpinmaya̱ suntara uuntri̱ naṉkamantua nú tátatui. Nu tsawantai̱ṉkia yaunchu pujuarmia tímianaisha tura yamaiya̱ ju̱i̱sha tuma peṉké wáinchatai naṉkaamas wáitsatin átatui. Túrasha amé shuarka papinium ni naari̱ áatramu ainia nuka ashí uwemprartatui.

Ruk. 10:20

Túrasha íwianch umirtamkui nu enentáimsam warasairap. Antsu atumí naari̱ nayaimpiniam aarma aa asamtai warastarum” tímiayi Jesus.

Rum. 12:1

Tuma asamtai yatsuru, atumek Yusai̱ surumaktarum. Yus ti waitnentrama asamtai nuna ti seajrume. Taṉku maar Yusan súsatniua áintsaṉ atumsha aya̱shtiuk iwiaaku árumna nui̱ṉᵏ Ni túrataj taku túrutati tusarum tuke enentáiji̱a̱i̱ Yusai̱ tsaṉkamaktarum. Yusai̱ iisam ti shiir atí tusarum túratarum. Nu túrakrumka enentáimji̱a̱i̱ Yus shiir awajmain átatrume.

Rum. 16:12

Tripiniasha tura Tripiusasha Yúsnan takainia ásarmatai amikmatruatarum. Núnisaṉ ii umái̱ Pírsitia Yúsnan ti takasu asamtai amikmatruatarum.

Rum. 16:9

Urpanuja̱i̱sha Jesukrístu takatrí̱ tsanintniuitji. Nisha tura aneamu Estakissha amikmatruatarum.

Jir. 1:12

Winin túrunamu itiurchat ai̱ṉ nuja̱i̱ uwempratin chicham nekas pampaawai. Yatsuru nu nekaatarum tusan wakerajrume.

Jir. 1:16

Yajauch shuarka Krístun shiir enentáimtutsuk antsu ashí shuar ní chichame̱nak anturkar wí shuar ajasarat tusar etserainiawai. Túruiniak wisha sepunam pujakui nu arant itit awajtústinian wakerutainiawai.

Jir. 1:27

Kristu chichame̱ tí peṉker asamtai atumsha aya péṉkera nuke túratarum. Wi atumji̱a̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

Jir. 1:5

Kame iikia yámankamtaikniumia̱ Yus Chicham métek yainiaikiar iniaitsuk takasuitji.

Jir. 1:7

Atumín ashí ti aneajrume. Kame wi sepunam pujakun Yus Chichaman akasmatakun tura Yus shuar kaka̱rarti tusan takaakui átum yáintiarme. Yus ti anenkartin asa nu túratniun mái̱ metek tsaṉkatramkaitji. Tuma asamtai atumín jú̱nisan enentáimtustin tí peṉkeraiti.

Jir. 4:2

Ewautiancha tura Séntikincha ii Uuntri̱ Kristu shuari̱ ásar mái̱ metek enentáimsarat tusan seajai.

Kurs. 1:7

Nu chichaman Epapras ujatmákmarme. Nisha iiji̱a̱i̱ métek takasu asamtai ti aneamuiti. Atumniasha Kristu takatrí̱n ti shiir takartámsaiti.

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 17:8

Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.

Apu. 20:12

Tura túrunatsa̱i̱ṉ nayantsanam jákarua nusha jíinkiarmai. Núnisaṉ iwiarsamunam jaka pujuinia nusha jíinkiarmai. Tura jákaruncha, naṉkamantu arma nunasha tura peṉké shuar arma nunasha ashí wainkiamjai. Tura Yusai̱ naka wajaarmai. Nuyá̱ ashí shuar túramu aakma papí urantrarmai. Tura nu papinium aarma nuja̱i̱ métek ashí ni túramuri̱ paant nékaneakui súmamtiknawarmai. Tura chíkich papisha tuke iwiaaku pujustin papí urankamai.

Apu. 20:15

Tura ashí shuar tuke iwiaaku pujustin papinium ni naari̱ áatrachma asa wainniakchama nusha ti keá nu ji antumiaṉ kuamunam aju̱a̱warmai.

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.

Apu. 3:5

Nupetmakuka pushí pújun entsartatui. Tura iwiaaku átinia nu papiniumia̱ ni naari̱ áarman japirashtatjai. Antsu winia Apar tura ashí nayaimpinmaya̱ suntar íimmianum shiir áujmattsattajai.