Jir. 4:12 - Yus Papí: Shuarja̱i̱ Yus Yamaram Chicham Najanamu

¹² Kuítrinchati pujustinia nuna nékajai tura tí nukap takustinia nunasha nékajai. Tsukamaknasha ejemarnasha itiarar takustinniasha tura peṉké takutsuk pujustinniasha unuimiáruitjiai.

Jir. 4:12 Iomraidhean Croise

Isa. 8:11

Warí Uunt Yus Ni kakarmari̱ji̱a̱i̱ jintintrur ju̱ aents túruinia jú̱nisam túrawaip tusa chichartak

Jrm. 31:19

Warí amiiya̱ kanakí̱ wekasan ti enentáimpramjai. Tura enentáimpran wi awajiamurun nekaaman kúntuts enentáimkiun makurún awatmiajai. Túran natsa asan peṉké netse túramajna nuja̱i̱ iniatsá̱ntran wishiknármajai’ úteawai.

Mat. 11:29

Wi kajechu asan tura péejchach enentáimin asamtai Winí̱ winirum unuimiártarum. Kame kijinian Wi súajrumna nu achikrum jukitiarum. Winia chichamur ántakrum umirtakrumniṉkia átum enentáimin ayamprattarme.Jrm. 6:16

Mat. 13:52

Tuíniakui Jesus chichaak “Ashí Yus Chichaman tuke aaru ainia nu nayaimpiniam Yusa akupeamuri̱n péṉker unuimiáruka je̱a̱ néreniuri̱ya áintsaṉkete. Ni kuitri̱ ikiutai̱nmaya̱ yamái nekaamuja̱i̱sha tura yaunchu nekaamuja̱i̱sha jí̱i̱kminiaiti.”

2 Kur. 10:1

Wats, “Papru iiji̱a̱i̱ pujak péejchach ajawai tura yajá pujak kakaram chichaawai” chíkich shuar turutainiatsuk. Kame imia wiki Papru Kristu anenkartutairi̱ji̱a̱i̱ ju̱na seatjarum tusan pujajai.

2 Kur. 10:10

“Papru áarmari̱ ti kakaram áiniawai tura ju̱i̱ pujak kakarmachuiti tura etserkatniuncha nékatsui” turutainiawai.

2 Kur. 11:27

Itiurchatnasha ti wáinkiaitjiai, takatnasha ti takasuitjiai. Ti untsurí kánutsuk pujusuitjiai. Tsukamaknasha, kitiamaknasha wáitsaitjiai. Tí ijiarmaitjiai. Pushir táasmatai tsetsekruí̱ wáitsaitjiai.

2 Kur. 11:7

“Akirkata” tútsuk Yus Chichaman atumín ujakmajrumna nui̱ ¿tunáa túrajak? Átum aṉkant ajastarum tusan wikia péejchach ajasu asan “etserkamunam akirkata” tíchamjarme.

2 Kur. 11:9

Tura atumji̱a̱i̱ pujusan atsumaknasha atumniaka seachjarme. Masetúnianmaya̱ Yus shuar taar wi atsummiajna nuna surusarmiayi. Nu tuma asamtai tájarme, seachjarme tura seashtatjarme.

Muis. 32:10

Núnaka kampuntin atsunum nase túpututu ajamunam tura wariṉkísh atsamunam niṉki pujan wainkiamiayi. Tura miniakas tí peṉker jintintiá ti shiir wainkiamiayi.