Jir. 4:1 - Yus Papí: Shuarja̱i̱ Yus Yamaram Chicham Najanamu

¹ Nu asamtai aneamu yatsuru, ii Uuntri̱ Krístuja̱i̱ tsaniṉkiu asarum kakaram ajastarum. Maa, ti aneakun atumín enentáimtakun ti waraajai tura iistajrum tusan wakerajrume. Tawasap achikiar shiir enentáimsatniua núnisnak shiir enentáimtajrume.

Jir. 4:1 Iomraidhean Croise

YKan. 125:1

Kame Uunt Yusan enentáimtuinia nuka Seun naint amuchkachminia núnisaṉ tuke wajana ánis áiniawai.

YKan. 27:14

Uunt Yus shiir enentáimtusam nákasta. Túram enentáim ikiaká̱rta. Ee, nekas Uunt Yus nákasta.

Mat. 10:22

Tura Winia ajasu asakrumin mash muí̱jramkartatui. Tura tuke katsuntea nu uwemprattawai.

Juaṉ 8:31

Israer shuaran Nin shiir enentáimtusarmia nuna Jesus chicharainiak “Wi tájarmena nu yawe̱tsuk túrakrumka nekas winia unuiniamur átatrume.

Tur. 11:23

Pirnapísha jeá Yus nú shuaran uwemtikrarma nuna wainiak warasmiayi. Pirnapísha péṉker áishmaṉkauyayi. Yusa Wakaní̱sha pimiutkamuyayi. Tura Yusan nekas umirkauyayi. Tuma asamtai nu shuaran mash jintintiáiniak chicharuk “Tuke enentáimji̱a̱i̱ umirkarum Yus nemarsatarum.” Tu chicharak ikiukmiayi. Tura nui̱sha nú arant untsurí aents Yusai̱ kaweṉkarmiayi.

Tur. 14:22

Waketainiak “ashí Yus tana nu tímiatrusrumek tuke umirkatarum” tuíniak Yus shuaran ikiaká̱rarmiayi. Tura nin tiármiayi “Yusa akupeamuri̱i̱n pachinkiataj tákurkia ti wáitsatniuitji.”

Tur. 2:42

Ashí nu shuar Jesusa akatrámuri̱ jintintiármia nuna tímiatrusaṉ antukarmiayi. Tura irunar shiir enentáimtunaisar yurumin ármiayi. Túrawar Kristu enentáimtustin namperi̱n najanin ármiayi. Túrawar Yusan áujiarmiayi.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

1 Kur. 15:58

Nu asamtai aneamu yatsuru, pee anearum yawe̱tsuk nú nukap Yusa takatri̱ takastarum. Ii Uuntri̱ Krístuja̱i̱ tsaniṉkia takaarum nuka peṉké ántrachuiti. Nu paant nékarme.

1 Kur. 16:13

Aneara tariarum Yus nekas enentáimtustarum. Áishmaṉchakaitrum kakaram ajastarum.

2 Kur. 1:14

Ishichik nékayatrumek nú nukap tuke nekaki̱ wetarum tusan wakerajrume. Nuiṉkia Jesukrístu tátinia nú tsawantai̱ átum winia shiir enentáimtursattarme. Tura átum péṉker wekasa asakrumin shiir enentáimtustatjarme.

Kar. 5:1

Kristu uwemtikrampramiaji tuke aṉkant átinian. Tuma asamtai kakaram ajasam tuke aṉkant pujusta. Ataksha nu itiurchatnum waketkip.

Jir. 1:27

Kristu chichame̱ tí peṉker asamtai atumsha aya péṉkera nuke túratarum. Wi atumji̱a̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

Jir. 1:8

Jesukrístu aneṉkrattairi̱ji̱a̱i̱ wi atumín aneamun Yussha paant nékarui.

Jir. 2:16

iwiaaku pujustin chicham paant awajeakrum. Núja̱i̱ Kristu támatai atumíin ántran takascha asan ti shiir wararsattajrume.

Jir. 2:26

Ni jaawai táman átum antukman nekáa íirmaitniun ti wakerutmarme.

Kurs. 4:12

Epaprassha, atum wea, Krístunun etserin asa atumín amikmátmarme. Nisha ashí tsawant Yusan áujeak Yusja̱i̱ kaka̱rum tuke shiir Yus wakera nu túrak tusa seatramprume.

1 Tis. 3:13

Yus ikiakátmakui átum tunáa túrutsuk Yus umirkarum wekasatarum tusar ii Aparí̱ Yus seaji. Ii Uuntri̱ Jesus Níniuri̱ji̱a̱i̱ winiak péṉker wekaarmin tatí tusar taji.

2 Tis. 2:15

Wátsek, yatsuru, Yusja̱i̱ katsua̱rtarum. Yus Chicham etserkamu antukurmena nu tura wisha áaran akuptúkjarmena nusha kajinmátkirap.

2 Tim. 2:1

Amesha, uchiru, Jesukrístuja̱i̱ tsaniṉkiu asam Yus amasma nuja̱i̱ kakaram ajasta.

Isr. 10:23

Yus tsaṉkatramkattajnia nu shiir enentáimtamu iniaitsuk kakaram ajasár tuke emetatniuitji. Yus tsaṉkatramkaitjinia nuna umiktatui.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 4:14

Jesus Yusa Uchirí̱ nekas Yúsnan pujurniu uuntri̱ ajas Yusai̱ wayá̱ íiniun chichartamji. Nu asamtai iniaitsuk tuke nekas enentáimtustiniaitji.

2 Pit. 3:17

Wátsek, aneamu yatsurtiram, túruntsa̱i̱ṉ ujakjarmena nu neka asarum yajauch shuar anaṉkramattsa wakerutmainiak awajimtikrura̱i̱ṉ tusarum tura Yusai̱ tariarurmena nuyá̱ iniara̱i̱j tusarum anearum wekasatarum.