Jir. 3:9 - Yus Papí: Shuarja̱i̱ Yus Yamaram Chicham Najanamu

⁹ Nuna túran Niji̱a̱i̱ tsaniṉkian pujajai. Tura akupkámu umirkatniuja̱i̱ péṉker ajaschaitjiai antsu Krístun enentáimtakui Yus “péṉkeraitme” túrutui.

Jir. 3:9 Iomraidhean Croise

Naṉ. 7:23

Nuní̱ túrunamtai aentssha yajasmasha nanamtincha japinias yujá armia nusha kame ashí iwiaaku armia nuka jákarmiayi. Tura aya Nuwaik nuyá̱ niji̱a̱i̱ uunt kanunam eṉkemáwarmia nuke uwemprarmiayi.

1 Akup. 8:46

Nisha Amiin tunaan túrawarmatai (kame aents tunáa túrichuka atsawai) Ame kajerkaram ni nemasri̱n surukaram yajaksha tura tíjiu̱chiksha ni nemasri̱ nuṉke̱n yaruakma nui̱ pujusár

YKan. 14:3

Antsu Yusai̱ya̱ kanakiar mash ti yajauch enentáintin ajasáruyayi. Kame péṉkera túrin chikichkiksha peṉké atsumiayi. Rum. 3:10-12

YKan. 143:2

Ame takarniuitjiamna ju̱ja̱i̱ sumamtikiatniunam pachitkiaip. Warí Ame aents iwiaakuka iisam chichaakum “Aentsú ámeka péṉker túriniaitme” nuka peṉké tichattame.

YKan. 19:12

¿Yaki yajauch túramuri̱ncha niṉki nekaamawaint? Maa Uunt Yusru wi awajirman nekamatsjana nuya̱sha aṉkant awajtusta.

Isa. 46:13

Wi nekasa nuja̱i̱ métek túrutair atumín weantúrmaktatrume. Winia uwemtikkiartutai̱rka naṉkankashtatui. Seúnnumsha uwempratniunka ejettajai tura Israer shuarnaka Winia páantniur átatui.

Isa. 53:11

Nuyá̱ Ni wakaní̱ wáitsamia nuja̱i̱ tsáapninian wainiak ti shiir enentáimprattawai. Winia takartin tí peṉkera túrin asa ni nékamuriji̱a̱i̱ ti untsurín makuchmin awajsattawai kame niṉkia ashí aentsu tunaari̱n entsaktatui.

Isa. 53:6

Kame iisha murikiua núnisar ashí meṉkakamiaji tura aṉkant aṉkant ii wakeramuri̱ni̱ṉ wekaimiaji. Túrasha Uunt Yuska ashí shuarti yajauch túramuri̱n Nin áentskamiayi.

Isa. 6:5

Nuya̱ṉka chichaakun “¡Chuwa jákashtatjak! Warí wikia nekas yajauchin chicháu tunáa túrin áishmaṉkaitiatan tura núnisaṉ yajauchin chicháu matsatainiamunam pujayatan Úunt Akupniun Ashí Akupin Uunt Yusan wainkiajai” tímiajai. Ruk. 5:8

Jrm. 23:6

Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Jrm. 33:16

Nu tsawantinkia Jutá shuarka uwemtikramu ártatui núnisaṉ Jerusaréṉnumia̱ shuarsha aṉkant sapijmiatsuk matsamsartatui. Tuma asamtai “Iin nekasa nuja̱i̱ ayamprutmaka Úunt Yusaiti” tu anaikiamu átatui.’

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Mat. 9:13

Werum ju̱ aarma unuimiutarum ‘Murik maam Winia surusum nuja̱i̱ “máakete” tátsujai. Antsu waitnenkartutai̱n wakerajai.’ Use. 6:6 Wikia ‘péṉkeraitjiai’ tuinian untsuktaj tusan táchaitjiai. Antsu tunáa shuar ni enentái̱n yapaji̱áwarat tusan táwitjiai” tímiayi.

Rum. 1:17

Nu chichamnum Yus enentáimsamia nu páantaiti. Ju̱i̱ti, áyatik Yusan nekas enentáimtuiniakui Yuska “péṉkeraitme” tíminiaiti. Yus Papiniumsha núnisaṉ tawai “Yusan nekas enentáimta nuna Yus ‘péṉkeraitme’ tutai tuke Yusja̱i̱ shiir wekasattawai.” Awa. 2:4

Rum. 10:10

Kame enentáimji̱a̱i̱ Kristu nekas Yusa uchirí̱nti tu nekas enentáimtakmin Yus péṉkeraitme turamtatui nuyá̱ wénumja̱i̱ “Jesukrístun enentáimtajai” tákumka uwempraitme.

Rum. 16:7

Tura wí shuarsha Antrunikiusha Júniassha amikmatruatarum. Nisha wiji̱a̱i̱ sepunam pujusármai. Wiji̱a̱i̱ emka Krístun shiir enentáimtusar chíkich akatrámuja̱i̱ naṉkaamas takasáru áiniawai.

Rum. 5:21

Shuar tunaan túrin ásar jákatin ármiayi. Tura núnisaṉ ii Uuntri̱ Jesukrístu túramuja̱i̱ Yus iin “péṉkeraitrume” túramkurin iisha tuke iwiaaku pujustiniaitji.

Rum. 8:1

Túrasha yamaikia Jesukrístuja̱i̱ tsaniṉkiaru áinianka Yuska “tunaan túrawar jákatniunam wétin áiniawai” tatsui. Nu shuar ni aya̱shi̱ wakerana nuna umirtsuk antsu Yusa Wakaní̱ wakerana nuna umirainiawai.

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

2 Kur. 5:17

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Kar. 2:16

Túmaitiatar ju̱ nékaji. Akupkámu umíamuja̱i̱ uwemprachminiaitji antsu Jesukrístu nekas enentáimtakum uwemprattame. Nu nekaar iisha Jesukrístu nekas enentáimtusmaji tunaaja̱i̱nchu atai tusar. Aya Kristu nekas enentáiji̱a̱i̱ enentáimtusar péṉker átatji. Akupkámu takasar umirkarsha tuke nuja̱i̱ péṉker ajaschattaji. Akupkámunka shuar umiktaj táyat, chikichkí shuarkesha nuja̱i̱ péṉker ajaschamniaiti. Nu nekaar antsu péṉker ajastai tusar Jesukrístu nekas enentáimtusmaji.

Muis. 27:26

‘Tura jú̱ akupkámu chichaman antukiat umíachuka yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

2 Tim. 1:9

Ii péṉker túrichu árini̱ṉ Yus iin anenma asa uwemtikramar péṉker túratniunam apujtamsaitji. Iisha Jesukrístuja̱i̱ tsaniṉkiaru asakrin tura Yus nuna túratniun wakerak túramiayi. Yaunchu ju̱ nuṉka atsai̱sha iin tuke waitnentrampramiaji.

Tit. 3:5

Yus iin waitnentrama asa iikia jú̱kesha péṉker túrachma ai̱ṉ uwemtikrampramiaji. ¿Itiurak uwemtikrampramiajⁱ? Ii tunaari̱n asakátrampramiaji nijiaktinia áintsaṉ. Tura Yusa Wakaní̱ pujurtamkurin ii iwiaakmari̱n yamarman amasmaji.

Isr. 6:18

Yus peṉké waitruachmin asa áyatik ni tamaja̱i̱ nekasaiti. Nuna arant nuikia imia Niṉki pachimias ti ikiakátmaji iin. Nuja̱i̱ iisha uwempratai tusar Niní̱ weamkatikia tsaṉkatramkattajnia nu ti shiir enentáimsar wáinkiatin nákaji.

San. 3:2

Iis, ashí mash ti awajiatsjik. Tura shuar chichaak, aya péṉkernak chichaakka nu shuar tuke eseer enentáimniuiti. Tura aya̱shí̱i̱sha tuke péṉker ana nuna túriniaiti.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

1 Jṉ. 3:4

Shuar yajauch túrakka Yus akupkámu umirkachuiti. Kame Yus akupkámu umirkashtin tunaiti.