Jir. 3:8 - Yus Papí: Shuarja̱i̱ Yus Yamaram Chicham Najanamu

⁸ Ashí enentáimpramnia ákuisha winia úuntur Jesukrístu shiir enentáimtustin nekas péṉkeraiti. Nu asamtai Krístunu ajakun wi takusmaj nu mui̱jmiai̱ ajasmatai núnaka iniaisámjai.

Jir. 3:8 Iomraidhean Croise

1 Akup. 14:10

Tuma asamtai nekaata, Jirupuám aentsnaka yajauch awajkartatjai. Túrakun Israer nuṉkanam Jirupuám shuar aṉkant áiniana tura takarin áiniana nuya̱ncha ashí áishmaṉkan amukártatjai. Kame Jirupuám shuarka peṉké juákcharti tusan ijia japimkiar ajapatniua nútiksaṉ amumusartatjai.

2 Akup. 9:37

Tura Jisawíra aya̱shí̱ṉkia nuṉká ijia tepana núniktatui. Tuma asamtai Jisriira nuṉke̱nka ni aya̱shi̱ṉkia ju̱i̱ ikiusmaiti tunashtatui’ tú timiayi” tiármiayi.

YKan. 126:6

Kustarnum arakri̱n eṉkea jukí̱ utki̱ arakmattsa wea nuka sewata nere̱n juuk waras wakitkittiawai.

YKan. 73:25

Nayaimpinmaṉka aya Áminiak takakjame. Núnisaṉ ju̱ nuṉkaya̱nka Amiya̱ṉka chikichnaka peṉké atsumatsjai.

Isa. 53:11

Nuyá̱ Ni wakaní̱ wáitsamia nuja̱i̱ tsáapninian wainiak ti shiir enentáimprattawai. Winia takartin tí peṉkera túrin asa ni nékamuriji̱a̱i̱ ti untsurín makuchmin awajsattawai kame niṉkia ashí aentsu tunaari̱n entsaktatui.

Mks. 2:3

“Maa, Wiki atumí tiraṉki̱ncha chicharkartatjai. Tura átum taṉku máarum surusmarumna nuna iji̱ji̱a̱i̱ṉ yapimíin tukurtatjarme. Túramtai atumniaka surarmena nuna iji̱ji̱a̱i̱ṉ tukurmar nuya̱sha ijiaja̱i̱ métek irurar ajapnattarme.

Wek. 14:30

Nekasan tajai Winia uwejrun takuin nekas túrattajai tusan jú̱ nuṉkan atumín amasmatai ju̱i̱ matsastatjarme timiaj nuiṉkia átumka waya̱shtatrume. Antsu áyatik Jipuni uchirí̱ Karepak tura Nuuna uchirí̱ Jusuiji̱a̱i̱ niṉki waya̱wartatui.

Ruk. 1:43

¿Kairu, ame winia Uuntru nukurí̱ ámini̱ṉ Yus winia ti waitnentra asa áujuta tusa ámin akuptámkachaik?

Ruk. 11:20

Wikia Yusa kakarmari̱ji̱a̱i̱ iwianchin jí̱i̱kin akupeajai. Nu nekaarum Yus atumí enentái̱n akupin ajasuana nu nékarme.

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 14:7

Winia nékarkurmeka winia Aparsha nekaawaintrume. Yamaisha Ni wainkia asarum nékarme” tímiayi.

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 20:13

Nayaimpinmaya̱ suntarsha “¿Urukamtai útam?” tiármiayi. Marisha “Winia Úuntrun jurutkiarai tura ¿tuíntsuk ikiusara?”

Juaṉ 20:28

Nuyá̱ Tumas “Winia Uuntruá, nekas winia Yúsruitme” tímiayi.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.

Rum. 8:18

Maa, yamái ti wáitiakrisha ukunmaṉka nayaimpiniam ti shiir pujakur nu wáitsamu kajinmátkittiaji.

Rum. 8:39

yakí̱ írunna nusha, nuṉká írunna nusha, kame ashí Yus najanamu írunna nusha Yusa aneṉkrattairi̱ya̱ peṉké akantámkichminiaitji. Yusa aneṉkrattaisha ii Uuntri̱ Jesukrístu túrunamuja̱i̱ paant wainji.

1 Kur. 2:2

Tura atumji̱a̱i̱ pujakun aya chikichkiniak nekaatniun enentáimpramjai. Ju̱i̱ti, Jesukrístu tura Jesukrístu krúsnum jakamu.

1 Kur. 9:10

Antsu iin ju̱ja̱i̱ nekaawarat tusa tímiayi. Arakri̱n araana nusha tura júukmatai saepe̱n pákana nusha nuna nere̱n mai̱ yurumátin áiniawai. Paant atí tusa Yus nuna áarmiayi.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Kar. 1:16

Nuikia shiir enentáimiuk ni Uchirí̱n paant nekamtikruamai. Tura Israer shuarchanum ni shiir chichame̱n etserkat tusa akuptúkmiayi. Tuma asamtai chíkich shuaran aniaschamjai.

Ipi. 4:13

Nuja̱i̱ Yus nekas enentáimtamunam Yusa Uchirí̱ ashí métekrak péṉker nekaattaji. Nu túrakur katsukir Krístuja̱i̱ métek péṉker ajastatji.

Jir. 1:1

Wi Papru Timiutéuja̱i̱ Jesukrístu takarin asar ashí Yus shuar Jiripiusnum pujarmena nu ju̱ papí akuptaji. Yus shuara uuntri̱ árumna nusha tura Yus shuaran yain árumna nusha ashí Yus shuarsha núnisaṉ Yusna asarum tura Jesukrístuja̱i̱ tsaniṉkiu asakrumin ju̱ papí áateajrume.

Jir. 3:10

Tuma asamtai ashí naṉkaamas wakeraj nu ju̱i̱ti, Krístun péṉker nekaan nekas enentáimtustinniasha tura ni iniantkímiu kakarman takustinniasha wakerajai. Tura Niji̱a̱i̱ métek ajastinian wakerakun ni waitkiamunam tsaniṉtinniasha tura Ni jakamia núnisan jákatniuncha wakerajai.

Jir. 3:12

Kame wakerukuitjiana nuna mash umirkachuitjiai. Krístuja̱i̱ métek nekas imiá péṉker shuar ajaschaitjiai. Túrasha Kristu Jesus “nui̱ ejetajam” emka túrutkui wisha nui̱ jeataj tusan kakaram ajasan pimpitsuk takaajai.

Jir. 3:7

Ashí núja̱i̱ṉkia waantu enentáimtumauyajai. Antsu yamaikia Krístuja̱i̱ṉkia peṉké ántar áiniawai tajai.

2 Tim. 4:6

Ishichik ajasái winia iwiaakmar Yusai̱ surumaktin. Mantamnan nayaimpiniam wétin jeatémai.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

1 Pit. 2:7

Kristu nekas Yusa uchirí̱nti nekas tírum enentáimtarmena nu “kaya tí peṉkeraiti” tárume. Antsu Krístun nekas enentáimtuiniatsna nú kaya nakitrámuiti. Ju̱ áarmaiti “Je̱a̱n je̱a̱min nakitrarmia nú kaya je̱a̱n emka apujtuamuri̱ atí tusa apujamuiti.” YKan. 118:22

2 Pit. 1:2

Yus tura ii Uuntri̱ Jesussha nékarmena nú nukap nekaki̱ wéakrumin Yuska atumín tí nukap yaintmaktatrume tura ti nekas imiatkinchanum pujustinian suramsattarme. Nuna nekaan tuke núnisaṉ atí tusan wakerajrume.

2 Pit. 1:3

Yus uunt asa tura ashí túramnia asa umirtukat tusa achirmákuitji. Ni neka asar atsumajnia nu wáinkiaitji. Yus shuarti wekasatniusha tura Nin aneatniusha ii atsumajnia nuna Yuska kakaram asa suramsaitji.

2 Pit. 1:8

Ashí nu túrakrumka tura tuke túrukrum wéakrumka nakiarchattarme. Túrarum ni takatri̱ émamkesrum takastatrume. Tura ii Uuntri̱ Jesukrístu nekas nekaattarme.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.

1 Jṉ. 1:3

Yus Apaja̱i̱sha ni Uchirí̱ Jesukrístuja̱i̱sha tsaniṉkiar nekas chikichík ajaji. Tura atumsha núnisrumek iiji̱a̱i̱ chikichík ajasúk tusar wainkiamajnia nuna tura anturkamajnia nunasha ujajrume.

1 Jṉ. 2:19

Nusha ii we̱a̱k ármayi. Túmaitiat nekas Yus shuar ácharmayi. Nekas Yus shuar áiniaka tuke iiji̱a̱i̱ irunar pujuara̱a̱yi. Tura jíinkiarmatai nekas Yus shuarcha ainia nu paant nekanamniaiti.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.