Jir. 3:5 - Yus Papí: Shuarja̱i̱ Yus Yamaram Chicham Najanamu

^5-6 Israer shuar asan Muisais timia núnisaṉ wi akiiniamtai uchu tsawant naṉkaamasmatai tsupirtukarmiayi. Israer shuarnum Piṉjiamín weaitjiai. Winia aparsha nukursha mai̱ Israer shuar áiniakui wi imiá Israer shuaraitjiai. Wisha Pariséu tuinia núnisan Muisais akupkámun ti umirin asamtai chíkichkia winia sumamtikiatniun tujintrin ármiayi. Tura Pariséu asan Kristu shuari̱n ti kajerkan áintramjai.

Jir. 3:5 Iomraidhean Croise

Naṉ. 14:13

Túrasha mesetnumia̱ uwemprarmia nuyá̱ chikichik áishmaṉ Ipríu áishmaṉkan Apraman werí mash ujakmiayi. Kame Apramka Mampri kampunniuri̱i̱n pujumiayi. Mámprisha tura ni yachi̱ Iskursha nuyá̱ Anirsha Amur aents ármiayi. Nisha Apramja̱i̱ métek chichasar matsamin ármiayi.

Naṉ. 17:12

Yamaiya̱ ju̱yá̱ juárkimiuk ashí áishmaṉ uchi akiiniamu uchu tsawant jeamtai tsupirnarti. Kame ame je̱e̱miin akiiniawarusha tura chíkich aents kuitji̱a̱i̱ sumakmasha mash tsupirnarti.

Naṉ. 40:15

Wíniaka Israer shuarnumia̱ jurukiaruiti. Tura warinkesha yajauch túrachu asan ju̱ sepunam pujuschamniaitjiai” tímiayi.

Naṉ. 41:12

Tura nui̱ sepunam Israer shuar natsa suntara uuntri̱ iniatairi̱ iiji̱a̱i̱ pujumai. Nú aishmaṉ ii mesekrampramu ujakam warí mesekrait nuna ashí ujatmákmaji.

Jns. 1:9

Tuíniakui Junas chichaak “Wikia Israer shuaraitjiai. Nayaimpinmaya̱ Uunt Yusan nayantsan tura nuṉkancha najanamia nu Yusan ashamniuitjiai” tímiayi.

Ruk. 1:59

Israer shuar túrutai̱ jú̱nisaiti, uchi akiiniamuri̱ uchu tsawant jeamtai tsupirnaktin awai. Yus nuna tú tiniu asamtai tuke túrin ármiayi. Wats Irisapítia uchirí̱ akiiniamuri̱nia̱ uchu tsawant jeamtai tsupirkatai tusar ni je̱e̱n jearmiayi. Nuiṉkia ni aparí̱ naari̱ Sakarías anaikiataitsar wakeriarmiayi.

Ruk. 2:21

Tura uchi akiiniamu uchu tsawant jeamtai ni túrutairi̱n túrin ásarmatai tsupirnakmiayi. Túrawar Marí ajapratsa̱i̱ṉ Yusa suntari̱ timia nútiksaṉ “Jesus” anaikiarmiayi.

Ruk. 5:38

Tuma asamtai nijiamanch yamaram muítsnum yaraatniuiti. Nu túramka mái̱ metek péṉker ártiniaiti.

Tur. 22:3

Nui̱ Papru chichaak “Wikia Israer shuaraitjiai. Társunam Sirisia nuṉkanam akiiniaitjiai. Túmaitiatnak ju̱i̱ Jerusaréṉnum tsakaruitjiai. Tura unuikiartin Kamaríran chichame̱n unuimiáruitjiai. Tuma asan ii uuntri̱ akupkarmia nuna ashí umirkaitjiai. Tura átum yamái túrarmena nuna wisha nútiksanak Yusna ana nuna tuke enentáiji̱a̱i̱ wakerukuitjiai.

Tur. 23:6

Israer shuara úuntri̱ya̱ jimiará írutka ármiayi. Satuséu aents tura nuyá̱ Pariséu aents nusháa írutkan Pápruka nekaamiayi. Kame Satuséu aentska jakamunmaya̱ nantaktincha Yusa suntarí̱sha aentsu wakaní̱sha tura iwianchcha atsawai tiniu ármiayi. Antsu Pariséu aentska nuka ashí awai, tiniu ármiayi. Nuna nekáa Papru kakantar chichaak “Wikia Pariséu áentsuitjiai. Wí shuarsha Pariséu áiniawai. Wikia ashí shuar jakamunmaya̱ ukunam nantaktin átatui tu jintíamun nekaatai tusar itiariármiayi” tímiayi. Tura Papru nuna takui̱ Pariséu aents tura Satuséu aentssha nuamtak kajernaikiarmiayi. Túrunawar kánasaraṉ nusháa nusháa enentáimprarmiayi.

Tur. 6:1

Nú tsawantin Yusan umirkaru ti kaweṉkar ármiayi. Tura tuke tsawant yurumak súsatin ámiayi. Túmakui̱ Yus shuar Kriaku chichaman chicharmia nu Israer shuaran kajeriarmiayi. “Tuke tsawantin yurumak súarmena nui̱ atumí waje̱ tí nukap suarme. Tura íiniuka ishichik suarme” tiármiayi.

Rum. 11:1

Tura Israer shuar Yusan uminiachkui ¿Yus nin ajapa iniaisashit? Péṉkea. Warí, wisha Israer shuarchakaitiaj. Wi Aprajámsha tura Piṉjiamín wea akiiniachukaitiaj.

2 Kur. 11:22

Nisha Ipríu shuar áiniakuisha wisha núnisnak Ipríu shuaraitjiai. Israer shuar áiniakuisha wisha núnisnak Israer shuaraitjiai. Aprajáma we̱a̱tri̱ áiniakuisha pai, wisha núnisnak.

1 Sam. 4:6

Túmainiakui Jiristíu aentssha Israer shuar charaatum ajainiamun antukar anintruiniak “¿Urukamtai Israer shuar ni matsamkamunam charaatum ajainia?” tiármiayi. Túrasha Uunt Yusna Eṉketáin matsamkamunam itiarmatai warainiak túmainiamun nekaawarmiayi.