Jir. 3:3 - Yus Papí: Shuarja̱i̱ Yus Yamaram Chicham Najanamu

³ Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

Jir. 3:3 Iomraidhean Croise

YKan. 105:3

Kame Uunt Yus enentáimtatirmeka ni naari̱ shiira nu enentáimtusrum warastarum.

Isa. 45:25

Uunt Yusai̱ni̱ ashí Israera shuar ainia nuka tunaarincha awajnásar Uunt Yusan shiir awajsártatui.

Jrm. 4:4

Uunt Yusai̱ tsupirnaktarum. Aentsu aya̱shi̱ tsupirnaktinia ántsarum Jutanmaya̱ shuartirmesha tura Jerusaréṉnum matsatutirmesha atumí enentái̱n tsupirnaktarum. Túrachkurmiṉkia átum yajauch túramunam Winia kajetair jiya núnin jiinkí̱ atumín ekemátmakairum. Túrunamtaikia yaaksha nuna ikiajniáktinkia atsuinti” tíniuiti. Rum. 2:28-29

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Rum. 1:9

Tuke enentái̱rja̱i̱ Yusa Uchirí̱n ashí shuarnum etsertajai. Túrakui wi atumín tuke áujtamun Yus nékarui.

Rum. 15:17

Jesukrístu yaintiu asamtai Yusna takarsamaj nuna wararsamniaitjiai.

Rum. 7:6

Antsu yamaikia akupkámu emetachmin jaka asar aṉkant ajasuitji. Túrunar akupkámu yaunchu aarma nu iniaisar yamaikia Yusa Wakaní̱ji̱a̱i̱ tsaníakur yamaram iwiaakmaja̱i̱ péṉker wekasamniaitji.

Rum. 8:15

Yusa Wakaní̱ iin pujurtamkurin Yusa uchirí̱ ajasár sapijmiatsuk Yusai̱ weamkar “Aparu” tíminiaitji.

Rum. 8:39

yakí̱ írunna nusha, nuṉká írunna nusha, kame ashí Yus najanamu írunna nusha Yusa aneṉkrattairi̱ya̱ peṉké akantámkichminiaitji. Yusa aneṉkrattaisha ii Uuntri̱ Jesukrístu túrunamuja̱i̱ paant wainji.

Rum. 9:6

Kame Yus ashí Ni timia nuna Israer shuaran súsachmataisha nuja̱i̱ “Yus timia nu uminkiachuiti” tíchamniaiti. Antsu jú̱nis enentáimpratniuiti, ashí Israer wea áiniayatan Yusja̱i̱ íismaka ashí nekas Israer shuar áiniatsui.

2 Kur. 11:18

Untsurí ju̱ nuṉkanam uunt ajasár ti waantu enentáimtumainiakui wisha ishichik waantu enentáimtumastatjai.

Kar. 5:25

Yusa Wakaní̱ kakarmari̱ji̱a̱i̱ Yus shuar ajasu asar núnisrik Yusa Wakaní̱ kakarmari̱ji̱a̱i̱ṉ wekasatai.

Kar. 6:16

Ashí nekas Yus shuaran wi tájana nuja̱i̱ métek wekainia nuna Yus shiir enentáimias yaiṉtí tuke shiir pujustinian.

Ipi. 6:18

Yusa Wakaní̱ji̱a̱i̱ Yus áujeakrum tuke seatniuitrume. Tura tuke aneara pujustarum wake mesetsuk tura ashí Yus shuar ainia nusha Yus áujtustarum.

Muis. 10:16

Tuma asamtai yamaikia kátsuram enentáikia iniaisarum nekas enentáiji̱a̱i̱ umirkuram Úunt Yusnaitrumna nu paant iniakmamsatarum.

Muis. 30:6

Tura atumí nekas enentái̱ji̱a̱i̱ tura takamtsuk wakaní̱ji̱a̱i̱ Winia anentakrum iwiaaku pujusmíntrum tusa aya̱shnium tsupirnaktinia núnis Uunt Yus atumín tura atumí uchirí̱ enentái̱ncha yapajtiúrmattarme.

Jir. 1:1

Wi Papru Timiutéuja̱i̱ Jesukrístu takarin asar ashí Yus shuar Jiripiusnum pujarmena nu ju̱ papí akuptaji. Yus shuara uuntri̱ árumna nusha tura Yus shuaran yain árumna nusha ashí Yus shuarsha núnisaṉ Yusna asarum tura Jesukrístuja̱i̱ tsaniṉkiu asakrumin ju̱ papí áateajrume.

Jir. 3:12

Kame wakerukuitjiana nuna mash umirkachuitjiai. Krístuja̱i̱ métek nekas imiá péṉker shuar ajaschaitjiai. Túrasha Kristu Jesus “nui̱ ejetajam” emka túrutkui wisha nui̱ jeataj tusan kakaram ajasan pimpitsuk takaajai.

Jir. 3:14

Tura nuna umikmatai Yus untsurkamtai nayaimpiniam Jesukrístuja̱i̱ tsaniṉkian shiir pujustinian Yus surustatui.

Kurs. 2:11

Nu arant átum aya̱shnium tsupirnatskesha Kristu shuari̱ ajasákrumin ashí aya̱sh wakeramun tsupirkatniua áintsaṉ, Kristu ajapaiti.

Jut. 1:20

Tura átumka, aneamu yatsuru, tuke Yus nekas enentáimtusrum kakaram ajastarum. Yusa Wakaní̱ kakarmari̱ji̱a̱i̱ ashí Yus seatarum.