Jir. 3:16 - Yus Papí: Shuarja̱i̱ Yus Yamaram Chicham Najanamu

¹⁶ Tura aneartarum. Nakimtsuk jeajnia nuja̱i̱ métek umirkatin pimpitsuk takastiniaitji.

Jir. 3:16 Iomraidhean Croise

Rum. 12:16

Chikichik enentáiji̱a̱i̱ métekrak shiir enentáimtunaitiarum. Naṉkamantu enentáimtumasairap. Antsu péejchach ajastarum. “Ti nékajai” tu enentáimtumasairap.

Rum. 15:5

Yus atsaṉtamar katsuntratniun jintintramji. Tuma asa Jesukrístu túramia áintsaṉ atumniasha chikichik enentáiji̱a̱i̱ enentáimtunaisar pujustinian yainmakarti.

Kar. 5:7

Atumsha Krístuja̱i̱ péṉker wekaimiarme. ¿Urukamtai nekas Yus timia nu iniaisatin enentáimprum ataksha akupkámunam waketkitin?

Kar. 6:16

Ashí nekas Yus shuaran wi tájana nuja̱i̱ métek wekainia nuna Yus shiir enentáimias yaiṉtí tuke shiir pujustinian.

Jir. 1:27

Kristu chichame̱ tí peṉker asamtai atumsha aya péṉkera nuke túratarum. Wi atumji̱a̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

Jir. 2:2

waramtikrustarum. Métekrak takastarum. Mái̱ metek anenaitiarum. Yusa Wakaní̱ atumí enentái̱n pujá asamtai chikichík enentaik enentáimsatarum.

Jir. 4:2

Ewautiancha tura Séntikincha ii Uuntri̱ Kristu shuari̱ ásar mái̱ metek enentáimsarat tusan seajai.

Kurs. 2:6

Nu asamtai átum ii Uuntri̱ Jesukrístu nekas enentáimtusrum Yus shuar ajasmarmena núnisrum yamaisha Ni nekas enentáimtusrum Niji̱a̱i̱ tsaniṉkrum ashí túratarum. Nu túrakrum Ni enentáimtakrum tuke tsakaki̱ wétatrume. Tura tee tariara wajasrum Yusja̱i̱ kanakchattarme. Yus Chicham núnisaṉ etsernakmatai nekamarme. Tuma asarum Yus tuke yumiṉsarum núnisaṉ péṉker wekasatarum.

Kurs. 4:2

Yus áujkuram Ni yumiṉsarum asummiarum iniaitsuk áujsatarum.

Apu. 3:3

Yus Chicham ti shiir enentáiji̱a̱i̱ emka antukmam nu ataksha enentáimpram emetata. Tura tunaarumsha enentáimpram iniaisata. Tura iniaiyachkumni̱ṉkia kasa núnisnak nékatsmin jeartiatjame.