Jir. 3:12 - Yus Papí: Shuarja̱i̱ Yus Yamaram Chicham Najanamu

¹² Kame wakerukuitjiana nuna mash umirkachuitjiai. Krístuja̱i̱ métek nekas imiá péṉker shuar ajaschaitjiai. Túrasha Kristu Jesus “nui̱ ejetajam” emka túrutkui wisha nui̱ jeataj tusan kakaram ajasan pimpitsuk takaajai.

Jir. 3:12 Iomraidhean Croise

YKan. 119:5

Ame akupkámurmete tusan tuke Ámin enentáimtusan wekasaṉka maak áchaintjiash.

YKan. 138:8

Jiuwá ni wakeramun wini̱n umiktatui. Jiuwáa Ame waitnenkartutairmeka iniaṉnatsuk tuke awai. Ame uwejmiji̱a̱i̱ najankamuram iniaisam ikiukip.

YKan. 42:1

Japa entsan e̱a̱k jan jan ajana tímiatrus wikia Yusá e̱a̱jme.

YKan. 63:8

Wikia iwiaaku pujajna ju̱i̱ṉkia Ámiji̱a̱i̱ tsaníakui ame untsuur uwejmiji̱a̱i̱ achirkattame.

YKan. 84:2

¡Winia wakantruka Jiuwá je̱e̱ á̱a̱ri̱ncha pujustinian ti wakerawai! ¡Winia enentái̱rka tura winia aya̱shrusha iwiaaku Yusan kantampruiniawai!

YKan. 94:15

Kame yamái péṉker sumamtikiatin atsana nu ukunmaṉka métek sumamtikiatin átatui. Nui̱ṉkia péṉker enentáimin ainia nusha nui̱ pachinkiartatui.

Neka. 4:18

Antsu Yusan umirkaru wekaamuri̱ṉkia etsa̱ etsantki̱ takuuṉki̱ tutupnirka ashí tsáapin ajana núnisaiti.

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Mat. 5:48

Nu asamtai atumí Aparí̱ Yus nayaimpiniam pujana nuja̱i̱ métek ti péṉker átiniaitrume.

Tur. 9:15

Tutai Uunt Jesus chichaak “Ántkisha wetá. Jú̱ aishmaṉkan winia etserniur atí tusan Wi achikjiai. Nisha Israer shuarchancha tura úunt akupniuncha tura Israer shuarnasha wínian etserin átatui.

Rum. 8:39

yakí̱ írunna nusha, nuṉká írunna nusha, kame ashí Yus najanamu írunna nusha Yusa aneṉkrattairi̱ya̱ peṉké akantámkichminiaitji. Yusa aneṉkrattaisha ii Uuntri̱ Jesukrístu túrunamuja̱i̱ paant wainji.

1 Kur. 13:10

Tura ukunam mash nekanamtai yámankamtaik nekaamuka ántar átatui.

1 Kur. 13:12

Núnisrik yamái ju̱ nuṉkanam Yus paant wáintsuji. Íspik kusurunam íimsatniua áintsaṉkete. Antsu ukunam mái̱ metek paant wainniaikiattaji. Yamaikia aya ishichik nékajai. Antsu nui̱ Yus winia nékara áintsanak nekaattajai.

1 Kur. 9:24

Shuar nekapnaisatniusha untsurí tsékeṉtin átsuk tura aya chikichik awakmatsuk. Niṉki awakmakun súsatniua nú shiirmachin achiktatui. Núnisrum kakaram ajasrum awakmak shíirmachin achiktinia áintsarum Yusna takastarum.

2 Kur. 13:9

Tuma asamtai átum kakarmaitkiurminkia iikia kakarmachuitiatar shiir enentáimji. Atumsha nekas kakaram ajasúk tusar Yus tuke seaji.

2 Kur. 7:1

Tuma asamtai aneamur yatsurtiram, nusha Yus timia nu, iin túramji. Nu tuma asamtai ii aya̱shi̱ tura ii enentái̱sha yajauch ajasá̱i̱ṉ tusar ashí tunáa ana nuyá̱ kanaktiniaitji. Túrar “Yusak nekas ii úuntri̱nti” takur ii aya̱shí̱sha ii enentái̱sha takamtsuk tuke tsawant Yus íktustiniaitji.

Kar. 5:17

Yusa Wakaní̱ wakera nuna ame aya̱shim nakitiawai. Tura ame aya̱shim wakerana núnaka Yusa Wakaní̱ nakitiawai. Mái̱ maanai ajainiawai. Túmaitkiui péṉker wekasataj tukamám tujintiame. Páantchakait.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Ipi. 4:12

Túramtai ashí Yus shuar ni takatrí̱ji̱a̱i̱ yáiniaikiar tí peṉker shuar ajainiakui Kristu aya̱shi̱ takamtsuk katsua̱rartatui.

Jir. 1:1

Wi Papru Timiutéuja̱i̱ Jesukrístu takarin asar ashí Yus shuar Jiripiusnum pujarmena nu ju̱ papí akuptaji. Yus shuara uuntri̱ árumna nusha tura Yus shuaran yain árumna nusha ashí Yus shuarsha núnisaṉ Yusna asarum tura Jesukrístuja̱i̱ tsaniṉkiu asakrumin ju̱ papí áateajrume.

Jir. 3:16

Tura aneartarum. Nakimtsuk jeajnia nuja̱i̱ métek umirkatin pimpitsuk takastiniaitji.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

Jir. 3:8

Ashí enentáimpramnia ákuisha winia úuntur Jesukrístu shiir enentáimtustin nekas péṉkeraiti. Nu asamtai Krístunu ajakun wi takusmaj nu mui̱jmiai̱ ajasmatai núnaka iniaisámjai.

1 Tis. 5:15

Aneartarum, yatsuru. Chíkich yajauch túrutmamtai amesha nútiksamek yapajkiaip. Antsu nuka túrutsuk átumka mái̱ peṉker awajnai ajatarum. Tura nú arant ashí nuṉkanmasha ashí shuarsha nútiksarmek túratarum.

2 Tis. 2:13

Tura yatsuru, Uunt Jesus aneamu árumna nu iisha atumín enentáimtusar ii Yusri̱ yumiṉsaji. Átum nekas ana nuka umikiurme. Tuma asakrumin Yusa Wakaní̱ atumí enentái̱n péṉker awajtámsaitrume. Nu tuma asamtai yámankamtaikniumia̱ Yuska “átum uwempramniaitrume” túramprume.

1 Tim. 5:10

Ti paant péṉker túrin átiniaiti. Ni uchirí̱n péṉker tsakatmashit, iraran péṉker taatá tíniuashit, nekasmiancha enentáimtumar Yus shuaran yáiniashit, wáitiainia nuna waitnenniuashit tura chikichnasha péṉker túriniaitkiuṉka maak.

1 Tim. 6:19

Nuna túruiniak kuítriniawartatui. Núnisaṉ tuke iwiaaku átinian wáinkiartatui.

Isr. 12:14

Kame tuke enentáimji̱a̱i̱ ashí shuar péṉker túrakrum itit awajnáitsuk tura tunaasha máattsuk aṉkant pujustinnium matsamsatarum. Kame núja̱i̱ṉchuka ii Uuntri̱ peṉké wainkiachminiaiti.

Isr. 12:23

ashí Yus shuarsha shiir iruntraru áiniawai. Yus shuarka ashí nayaimpiniam ni naari̱ anujtúkma ásar ni uchirí̱ áiniawai. Nui̱sha Yus, ashí shuaran ti nékana nu pujawai. Nisha shuaran tí peṉker awajsámtai nu shuar jákar ni wakaní̱ nui̱ shiir pujuiniawai.

San. 3:2

Iis, ashí mash ti awajiatsjik. Tura shuar chichaak, aya péṉkernak chichaakka nu shuar tuke eseer enentáimniuiti. Tura aya̱shí̱i̱sha tuke péṉker ana nuna túriniaiti.

1 Pit. 5:10

Wats, ishichik tsawant wáitsarmena nu naṉkaamasmatai Yus ataksha péṉker awajtámsattarme. Tura numi wewe wajana núnisaṉ ikiakátmartatrume. Tura Yus ikiaká̱rma asarum ni jinti̱i̱n tuke péṉker wekasattarme. Ju̱ Yus tuke iin waitnentramtsujik. Tura iisha Jesukrístunu asakrin Niji̱a̱i̱ métek Yus ni shiir pujutai̱nium tuke shiir pujusmintrum tusa achirmákuitji.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.