Jir. 3:1 - Yus Papí: Shuarja̱i̱ Yus Yamaram Chicham Najanamu

¹ Yatsurtiram warastarum, ii Uuntri̱ Kristu tí peṉker asamtai nuik áatramajrum nuna ataksha títiatjarme. Ataksha ujam yaintmakminiaitkiuiṉkia wíji̱a̱i̱ṉkia itiurchatchaiti atak enentáimtikratin.

Jir. 3:1 Iomraidhean Croise

Neem. 8:10

Nuyá̱ chicharainiak “Werum péṉker yurumak iwiaramu yurumárum yumincha umartarum. Núnisrumek yurumkan takaktsuna nusha ayurarum akupkatarum. Warí ju̱ tsawantka Yusna akantúkma Nin shiir enentáimtustinian tsawantaiti. Uunt Yusa waratáiri̱nkia iin ikiakátmakrin kúntuts pujusairap” tiármiayi.

YKan. 149:2

Israerá ámin Najatmana nu wararsatarum, Seuna uchiri̱yá ame Úunt Akupniurmin shiir enentáimkiuram warastarum.

YKan. 32:11

Naka enentáimin asarum péṉker túrintirmeka atumí Uunt Yusri̱ wararkuram shiir enentáimtusrum kakaram kantampruátarum.

YKan. 33:1

Maa péṉker túrintirmeka Uunt Yusai̱ warastarum. Naka wekain ainia nuna shiir awajmari̱ṉkia nekas shíirmaiti.

YKan. 37:4

Kame Uunt Yus ti aneakum warastinkia Niini̱ weankata. Nuiṉkia ame wakeram nuna amastatui.

YKan. 42:4

Untsurí aentsun yaruakan warasan kantamkin we wémiajai. Yumiṉsajme tusar nampernum ti untsurí írunna ímiatrusnak wi émtukan Yusa Je̱e̱n niji̱a̱i̱ we wéarmiajai. Nuna enentáimsan winí̱ init winia wakantrui̱ṉkia ukanájai.

YKan. 5:11

Antsu Ámin enentáimturmas pujuinia nuka ashí warasarti. Ame wainiainiamu ásar ti warartamsar tuke kantamprútmawarti. Núnisaṉ Ame náarmin pachisar anenmainia ásar ti shiir enentáimturmasarti.

YKan. 97:1

¡Uunt Yus akupeawai tuma asamtai nuṉká matsatrumna nútirmesha warastarum! ¡Núnisrumek untsurí nayantsa kaanmatkari̱n matsatutirmeka shiir enentáimkiuram warastarum!

Isa. 41:16

Núnaka nase awajtiur yaruaktatui tura uunt nase tsakiṉmaktatui. Túram ámeka Jiuwái̱ warastatme, warí, Israera Yusri̱ Tunaari̱ncha nu shiir awajsattame.

Isa. 61:10

Kame wikia Uunt Yusai̱ tí shiir warastatjai tura winia Yusruí̱ tí shiir enentáimsattawai. Warí pushincha Ni áentsturua núnis uwempratniun surusuiti tura nekasa nuja̱i̱ métek túrutai̱ awaṉkémnasha ikiurtusuiti. Nuyá̱ áishmaṉ nuatua núnis akupin etseṉkrutai̱n ikiurtus nuwa̱ nuatnak kuri najankamuja̱i̱ iwiarmamna tímiatrus iwiarmamtikruruiti.

Isa. 65:14

Nekaatarum. Winia takartin áiniaka enentáiji̱a̱i̱ warainiak kantamáwartatui túrasha átumka enentáim najaimiakrum kakaram úttiatrume. Núnisrumek atumí wakaní̱ncha jakamnia nekapeakrum wáitsattarme.

Juir 2:23

Yamaikia atumí Uunt Yusri̱ yaunchu yútumtikniuya núnis emka yutuktinniasha núnisaṉ ukunam yutuktinniasha atsumamuja̱i̱ métek yútumtikiattawai. Tuma asamtai Seuna uchirí̱tirmesha atumí Uunt Yusri̱i̱ṉᵏⁱ wararsatarum.

Sup. 3:14

Seuna nawantri̱yá kantamáta. Israerá waraakun charáa charáa ajata. Jerusaréṉka nawantri̱yá nekas warasma enentái̱ji̱a̱i̱ ti shiir naṉkaamas warasta.

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Mat. 5:12

Kame yaunchu Yúsnan etserin átumka atsarmin pujuarmia nunasha núnisaṉ túrawarmiayi. Tuma asamtai shiir enentáimsarum warastarum. Warí átumka nayaimpiniam ti shiir naṉkaamas péṉkera nuja̱i̱ akinkiáttarme” tímiayi.1 Pit. 2:19-20

Ruk. 1:47

Tura Uunt Yuska winia Uwemtikruru asamtai ti waraajai.

Rum. 5:11

Ii Uuntri̱ Jesukrístu jakamuja̱i̱ Yusja̱i̱ shiir nawamnaikia asar ti waraaji.

2 Kur. 13:11

Wats yatsurtiram, shiir pujustarum. Krístunam tuke kakaram ajastarum. Yus shiir enentáimtikramprarti. Chikichík enentaik enentáimsatarum. Shiir awajnáisarum pujustarum. Tura Yus anenmarmena nu shiir enentáimtikramna nu atumji̱a̱i̱ pujurtamsattarme.

Ipi. 6:10

Wátsek, yatsuru, ii Uuntri̱ Yusja̱i̱ tsaniṉkiu asarum ni ti kakarmari̱ji̱a̱i̱ iwianchji̱a̱i̱ mánaiktin kakaram ajastarum.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

Jir. 4:4

Nu asamtai Uunt Jesusja̱i̱ tsaniṉkia pujá asarum tuke warastarum. Ataksha warastarum tájarme.

Jir. 4:8

Yatsuru, jú̱chiniak yamaikia Yus shuarti enentáimsatniun chichastatjai. Ashí nekas ana nu enentáimsatarum. Tura ashí anturkamnia ana nusha tura naka chicham ana nusha enentáimsatarum. Tura yajauch chichamsha enentáimsairap. Tura antsu ashí shiir ana nusha, chíkich shuarnasha péṉker enentáimtusminia nusha, kame ashí péṉker ana nu enentáimsatarum. Nuya̱sha chíkich shiir anturkamnia ana nusha enentáimsatarum.

1 Tis. 4:1

Iikia Uunt Jesus akupkámuitji. Tuma asar nu kakarmaja̱i̱ atumniasha ju̱ túratarum tusan akupeajrume. Atumsha iwiaaku pujarmena nui̱ Yus shiir waramtiksatarum tura tuke péṉker túrukrum wetarum tusar seajrume. Iisha nuik atumín unuiniarmajrumna nútiksarmek túratarum.

1 Tis. 5:16

Tuke shiir warasrum pujustarum.

San. 1:2

Yatsuru, ashí itiurchat wáinkiurmesha tuke warastarum.

1 Pit. 3:8

Nuya̱sha ashí Yus shuartirmin tájarme, aya chikichík enentaik atí. Waitnennairatarum. Nekas yátsum aneam núnisrumek anenaitiarum. Aya áminiuk enentáimtutsuk chikichan yáiṉtaj tu enentáimsatarum.

1 Pit. 4:13

Tuma ai̱ṉ shiir enentáimsatarum. “Kristu wáitsamuri̱n métek taku wáitiakun péṉkeraiti” tu enentáimsatarum. Ukunam Kristu winchari̱ wainkiarum timiá warasmi tusarum túratarum.

2 Pit. 3:1

Aneamu yatsurtiram ju̱ papin jimiará áatjarme. Mái̱ papinium winia jintintiámurja̱i̱ atumí chamir enentái̱n enentáimtikratjarum tusan wakerajrume.

1 Sam. 2:1

Kame Ánaka Yusan seak “Winia enentái̱rka Úunt Yusai̱ni̱ṉ waraawai. Warí Amiya̱ṉka chíkichkia atsawai. Uunt Yuska ajakrasha iwiaaku awajniuiti. Tura Niṉkia kuítrincha awajsasha ataksha kuítrintin awajniuiti. Nin enentáimtin ainia nuna wekaamuri̱nkia péṉker wainiui tura Yusan umircha ainia nuka kiritniunam amuukartatui. Túrunawar ní kakarmari̱ji̱a̱i̱ṉ nupetmakchamnia ártatui” tu seamiayi. Irkanaka je̱e̱n waketkimiayi tura úchikia Yúsnan pujurin Irí pujamunam Uunt Yusan takarniuyayi.