Jir. 2:6 - Yus Papí: Shuarja̱i̱ Yus Yamaram Chicham Najanamu

⁶ Nisha Yúsaitiat ju̱ nuṉkanam winiak tuke Yusja̱i̱ métek átinian emettsuk

Jir. 2:6 Iomraidhean Croise

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Isa. 8:8

Tura ama̱a̱rak ukatak Jutanka kuntuje̱a̱ imiai amurtatui. Núnisaṉ nanape̱n ayapá̱r ame nuṉkemín enetkattawai, ¡Emanuérá! tíniuiti.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 23:6

Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Mat. 1:23

“Nuwa̱ natsa ajapruktatui tura áishmaṉchin takustatui. Nuna náari̱sha Emanuér anainiaktatui.” Tu áarmaiti. Emanuérsha nu chichamnum “Yus iiji̱a̱i̱ pujuwiti” tawai.Isa. 7:14

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 10:30

Wikia winia Aparja̱i̱ aya chikichkitji” tímiayi Jesus.

Juaṉ 10:33

Israer shuarsha Nin chicharainiak “Péṉker tura asakmin mátaj tátsuji antsu Yus yajauch chicharkumin túrattaji. Ámeka shuáraitiatam Yusa nuke enentáimtumame” tiármiayi.

Juaṉ 10:38

Tura nekas túrakuiṉkia enentáimtursatarum. Tura Winia nakitrakrumsha nuikia wi túramu enentáimtustarum. Núja̱i̱ṉkia winia Apar Winin pujamu ashí nekaattarme. Núnisnak Wisha Niin pujajai. Iisha chikichkitji.”

Juaṉ 14:28

Nuik timiaj nu antukmarme. Aparuí̱ wena atak atumíin tátatjai. Winia Aparka Wiji̱a̱i̱ naṉkaamas úuntaiti. Tuma asamtai ti nekas anentkurmeka ‘Aparuí̱ wéajai’ takui̱ ashí warasa̱a̱rme.

Juaṉ 14:9

Jesus chichaak “Jiripí, atumji̱a̱i̱ ti pujusu ai̱sha ¿tuke nékartsumek? Winia waitkia nuka Winia Aparnasha wáinkiaiti. ¿Itiurak nuikia ‘Apasha wainkiarkia maak’ tame?

Juaṉ 17:5

Nuna túramtai Aparu, ti yaunchu jú̱ nuṉka atsai̱sha Ámiji̱a̱i̱ pujakui shiir awajtúsmamna núnismek yamaisha shiir awajtusta.

Juaṉ 20:28

Nuyá̱ Tumas “Winia Uuntruá, nekas winia Yúsruitme” tímiayi.

Juaṉ 5:18

takui̱ Israer shuar nuna naṉkaamas maatai tusa wakeriarmiayi. Ayampratin tsawantai̱ takaakui kajerkarmiayi. Tura nu arantcha “Yus Winia Aparuiti” takui̱ Yusja̱i̱ métek enentáimtumawai tusar nu arant kajerkarmiayi.

Juaṉ 5:23

Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.

Rum. 9:5

Ni we̱a̱trí̱n Yusan tí peṉker enentáimtin irunmiayi. Krístusha aents ajas nú shuarnum akiiniamiayi. Krístuka Uunt Yus asa tura ashí akupin asa Niṉki tuke shiir awajnásti. Núnisaṉ atí.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Kur. 8:9

Ii Uuntri̱ Jesukrístu waitnenkartutairi̱ nékarme. Ashí takakuyayi tura atumín anenma asa kuítrincha núnisaṉ ajasmiayi. Ju̱ nuṉkanam kuítrincha núnis ajasmatai átum nayaimpiniam kuítriniak tusa túramiayi.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

Tit. 2:13

Túrar ii Yusri̱ Jesukrístu, uwemtikramajnia nu, imiá shiir iwiarnar tatí tusar nákastiniaitji.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 1:6

Tura jú̱ nuṉkanam ni Iwia̱i̱ri̱n akupeak tímiayi “Ashí Yusa suntari̱ tikishmátrarti.” YKan. 97:7; 1 Pit. 3:22

Isr. 1:8

Antsu ni Uchirí̱niun tímiayi “Ame, Yusá, tuke amutsuk akupniuitme. Ame akuptáirmesha aya péṉkeraiti.

Isr. 13:8

Jesukrístuka tuke yapají̱tsuk nuikiya núnisaṉ yamaisha tura ukunmasha tuke núnisaṉ átatui.

Apu. 21:6

Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.