Jir. 2:16 - Yus Papí: Shuarja̱i̱ Yus Yamaram Chicham Najanamu

¹⁶ iwiaaku pujustin chicham paant awajeakrum. Núja̱i̱ Kristu támatai atumíin ántran takascha asan ti shiir wararsattajrume.

Jir. 2:16 Iomraidhean Croise

YKan. 40:9

Uunt Yusá, ti untsurí irunar matsatmanum Ame péṉker túramurmin yawe̱tsuk etserkamaj nuka Ámeka nékame.

YKan. 71:17

Yusá wikia natsa ai̱ṉ Ámeka unuitiurmiame tura yamaiya̱ ímiaja̱i̱sha aents túrachmin najanaitmena núnaka etserkin wéajai.

Isa. 49:4

Túrutkui nuiṉkia peṉké ántranak ti takasuitiaj túran peṉké ántrantkek winia kakarmarun amukuitiaj tu enentáimsamjai. Túrasha wi túramunka Yusak nékawai tura surustatna nuka Yúskete tu enentáimjiai.

Mat. 10:27

Ishishmasan kiritniunam ujajrumna nu, tsawái̱ kakantrarum etserkatarum.

Ruk. 12:8

Ashí shuar ashí iimiainiamunam Winia Aents Ajasu tutain Winia natsantruiniatsna núnaka Wisha Yusa suntari̱ iimiainiamunam natsantrashtatjai.

Juaṉ 6:63

Warí aya wakanik iwiaakman súwiti. Nekas iwiaaku awajsatniun aya̱shkia peṉké antraiti. Wi tájana nuja̱i̱ imiá nekas wakankia iwiaaku awajsámniaiti.

Juaṉ 6:68

Semuṉ Pítrusha ái̱kmiayi “Uuntá, ¿yáini̱ṉ wétajⁱ? Ame chichammiji̱a̱i̱ṉ tuke iwiaaku áminiaiti.

Tur. 13:26

Pai, yatsurtiram, Aprajám weatiram tura ashí Yus ashamkarum umirkaitrumna nu, antuktarum. Ju̱ uwempratin chichamka íiniuiti.

1 Kur. 1:8

Tura iniaitsuk tuke emettamattawai ii Uuntri̱ Jesukrístu támatai atumí tunaari̱n pachischatin.

1 Kur. 9:26

Wikia náṉkamsan tsékeatsjai. Naseja̱i̱ maania áintsaṉ mániatsjai.

2 Kur. 1:14

Ishichik nékayatrumek nú nukap tuke nekaki̱ wetarum tusan wakerajrume. Nuiṉkia Jesukrístu tátinia nú tsawantai̱ átum winia shiir enentáimtursattarme. Tura átum péṉker wekasa asakrumin shiir enentáimtustatjarme.

Kar. 2:2

Yus akupta asamtai Jerusaréṉnum wémajai. Tura nui̱ jean aya Yus shuara úuntri̱ji̱a̱i̱ṉ áujmattsamjai. “Jú̱nisnak ashí Israer shuarchan Yus Chichaman ujainiajai” tímiajai. Takasmajna nusha tura tuke takastinian enentáimjiana nusha ántar ai̱ṉ tusan tu áujmattsamjai.

Kar. 4:11

Ashamajai, atumíin ántrantkeash takasmaj tusan.

Jir. 1:10

ashí péṉkera nu achikiuk tusan Yusan áujtajrume. Atumín nu túrunamtaiṉkia yamaisha tunaaja̱i̱nchu pujustatrume tura Kristu támatai sumamashtatrume.

Jir. 1:6

Yus atumíin tí peṉker awajsatniun naṉkama asa núnisaṉ Jesukrístu táatsa̱i̱ṉ tuke shiir awajtamki̱ nekas péṉker najatmattarme. Nuka ti nekasaiti.

1 Tis. 2:19

Atumsha shiir wekasa asakrumin iisha ti shiir enentáimsar waraaji. Nu tuma asar Uunt Jesukrístu tátintri̱ shiir enentáimsar nákaji. Ni támatai imiá warastatji. Atumín Yus shuar awajsa asar Ni támatai atumsha iiji̱a̱i̱ Jesus shiir iṉkiuṉtatji. Tuma asamtai nu enentáimsar tawasap achiktinia áintsar waraaji.

1 Tis. 3:5

Tura atumín íwianch tunaanum aju̱nmárchariash tusan wisha kúntuts enentáimsamiajai. Tura ántrar takaschajiash tu enentáimsamiajai. Tuma asamtai nekaataj tusan ti wakerakun wisha tí nukap tsawant nákaschamiajai. Antsu wárik Timiutéun akupkámiajai. Yusja̱i̱ péṉkerash wekainia tusan “nu inintrúsam ikiuuta” timiajai.

Isr. 4:12

Yusa Chichame̱ iwiaaku chichamaiti, imiá kakarmaiti. Puyá̱ mai̱ érea núniniaiti. Tuma asa shuara enentái̱n init wayá̱ ashí ni enentáimmian tura wakeramuri̱n ti paant awajtawai.

1 Pit. 1:23

Nekaatarum. Yusa chichame̱ umirka asarum atak akiiniaitrum nuka ju̱ nuṉkanmaya̱nchuiti. Antsu Yusa chichame̱ iwiaaku tuke amukachmin ana nú chichamja̱i̱ tuke iwiaaku átiniaitrume.

1 Jṉ. 1:1

Ashí naṉkamamia nú yaunchu Yusa Uchirí̱ tuke pujuuyayi. Nusha iisha anturkaitji. Nekas ii ji̱ji̱a̱i̱ wáinkiaitji. Wáinkiarsha ii uwejé̱ja̱i̱sha antiṉkiuitji. Nisha Yusan ti paant awajeakᵘ Chícham tíminiaiti. Tura tuke iwiaaku átinia nérennuiti. Nuna áateajrume.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.