Jir. 2:12 - Yus Papí: Shuarja̱i̱ Yus Yamaram Chicham Najanamu

^12-13 Nu asamtai aneamu yatsuru, wi atumji̱a̱i̱ pujakui umirtukmarmena nuna naṉkaamas yamaikia arant pujakuisha umirtuktarum. Iis, Yus atumí enentái̱n takaak ni shiir wakeramu wakeruktinniasha tura umiktinniasha pujurtamprume. Nu asamtai atumsha kakaram ajastarum Yus tí peṉker awajtámsatniun wakera nu túrunati tusarum. Tura péejchach enentáimprarum awajirminiaitjiai tusarum aneara wekasatarum.

Jir. 2:12 Iomraidhean Croise

Ists. 10:3

Wats yamaikia ii Yusri̱ji̱a̱i̱ chícham najanatai, ame támena nuja̱i̱ tura ii Yusri̱ akupkámun ashamainiak nu nuwa̱nka núnisaṉ nu nuwa̱nmaya̱ akiiniawaru ainia nuka jirarar ashí akuprarti. ¡Umiktin Chicham akupkámu ana nuja̱i̱ métek ashí uminkiati!

YKan. 119:120

Winia aya̱shur Ámin ashampramak kurawai. Tura Ame nekasa nuja̱i̱ métek jintíamurmin arantajai.

YKan. 2:11

Kame Uunt Yus ashamamuja̱i̱ ni wakeramuri̱ tuke umirtiarum tura awajira̱i̱j tusarum anearum shiir awajtiarum.

Neka. 10:16

Péṉkera túrinkia iwiaakman wainkiattawai. Antsu Yusan enentáimtichu túramuka yajauch asa tunaiti.

Neka. 13:4

Shuar nakia nuka enentái̱ji̱a̱i̱ṉ aya wákerin asa peṉké wáitmachuiti. Antsu ásumpia nuka atsumcha átatui.

Isa. 66:2

“Ashí ju̱i̱ írunna núnaka Winia uwejruja̱i̱ najankamiajai. Túramu ásar irunainiawai tawai Uunt Yus. Antsu Wíji̱a̱i̱ṉkia péejchach áiniana nu ni tunáa túramun enentáimtusar wakaní̱ji̱a̱i̱sha kúntuts enentáimtumainiak Winia chichamprun antukar kurainiana nuna péṉker enentáimtusartatjai. YKan. 34:18; Tur. 7:50

Isa. 66:5

Átum Uunt Yusa chichame̱ ántakrum sapijmiatirmeka Uunt Yusa chichame̱ antuktarum. Atumí yachi̱ Winia enentáimturkurmin muí̱jramainiak ji̱i̱ki̱ akuptámainiana nu chichainiak ‘Uunt Yus naṉkamantu awajsatarum. Túrakrumin atumí waramuri̱ wainkiartai’ tuíniawai túrasha niṉkia natsanmai̱ awajkámu ártatui.

Mat. 11:12

Kakaram shuarka imiakratin Juaṉ tamia nú tsawantnumia̱ Yus akupeamunam ti pachinkiatniun wakeruiniak kakarmaja̱i̱ pachinkiatniun enentáimiainiawai.

Mat. 11:29

Wi kajechu asan tura péejchach enentáimin asamtai Winí̱ winirum unuimiártarum. Kame kijinian Wi súajrumna nu achikrum jukitiarum. Winia chichamur ántakrum umirtakrumniṉkia átum enentáimin ayamprattarme.Jrm. 6:16

Tur. 16:29

Tutai sepú wainniusha jinia ekeemak tsékeṉki̱ waya̱miayi. Tura Papru Sérasja̱i̱ pujamunam kuraṉki̱ jearmiayi.

Tur. 9:6

Nuya̱ṉka Sauru sapijin kurakmaikia chichaak “Nuiṉkia Uuntá, ¿wi warinia itiurkat tusamea wakeram?” Tutai Uunt chichaak “Wajakím weme péprunam waya̱ta. Nui̱ jeawakmin ame túrattamna nuna turamiartatui” tímiayi.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

1 Kur. 15:58

Nu asamtai aneamu yatsuru, pee anearum yawe̱tsuk nú nukap Yusa takatri̱ takastarum. Ii Uuntri̱ Krístuja̱i̱ tsaniṉkia takaarum nuka peṉké ántrachuiti. Nu paant nékarme.

1 Kur. 2:3

Nékayatan kakarmachu sapijmiashím jearmiajrume.

1 Kur. 4:14

Atumín iniatsá̱rtajtsan ju̱ní̱ áattsujrume. Antsu winia aneamu uchirua áintsaṉ jintintjarme.

2 Kur. 7:15

Tura Títiuka atumín enentáimturmas ti waraawai. “Jiatmaktajtsa winiatsuash” tusarum ti ashamkachurmek. Túmayatrum ni péṉker tatí tusarum pachischarme. Tura ni taa seatmarma nu umikiurme. Títiuka nuna enentáimias waraawai.

Ipi. 6:5

Takakmautirmesha, atumí uuntri̱ ju̱ nuṉkanam pujuinia nu tí peṉker umirkatarum. Kristu umirkatniua áintsarum wishiktsuk ashamakrum tuke enentáiji̱a̱i̱ takarsatarum.

Jir. 1:27

Kristu chichame̱ tí peṉker asamtai atumsha aya péṉkera nuke túratarum. Wi atumji̱a̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

Jir. 1:29

Krístunu asarum Ni nekas enentáimtustinniasha tura Niniu asarum wáitsatniusha Yus anenma asa tsaṉkatramkaitrume.

Jir. 1:5

Kame iikia yámankamtaikniumia̱ Yus Chicham métek yainiaikiar iniaitsuk takasuitji.

Jir. 1:6

Yus atumíin tí peṉker awajsatniun naṉkama asa núnisaṉ Jesukrístu táatsa̱i̱ṉ tuke shiir awajtamki̱ nekas péṉker najatmattarme. Nuka ti nekasaiti.

Jir. 2:19

Ii Uuntri̱ Jesus wakerakuiṉkia Timiutéun íirmainiarat tusan tí warik akuptúktatjarme. Tura átum shiir pujamu ujateakui warastatjai.

Jir. 4:1

Nu asamtai aneamu yatsuru, ii Uuntri̱ Krístuja̱i̱ tsaniṉkiu asarum kakaram ajastarum. Maa, ti aneakun atumín enentáimtakun ti waraajai tura iistajrum tusan wakerajrume. Tawasap achikiar shiir enentáimsatniua núnisnak shiir enentáimtajrume.

Jir. 4:15

Jiripiusnumia̱ shuartiram, ju̱ tí peṉker nékarme. Masetúnianam Yus Chichaman etserumtai aya atumek kuit akuptúrkamiarme. Wi etserkamuja̱i̱ atumí wakaní̱n yaiṉma asamtai yumiṉsarum akuptúrkamiarme.

1 Tis. 1:3

Atumsha Yus nekas enentáimtakrum umirkarumna nu nékaji. Núnisrumek Yus aneakrum takaarme. Tura ii Uuntri̱ Jesukrístu tatí tusarum tuke tsawant nákarme. Nu neka asar ii Aparí̱ Yus iniaitsuk áujkur ashí átum enentáimtusar Yus áujtaji.

2 Tim. 2:10

Ashí shuar ni shuari̱ ártí tusa Yus achikiárua nuna yáiṉtajtsan ashí itiurchatan katsunteajai. Nuja̱i̱ Jesukrístuja̱i̱ tsaniṉkiaru ásar uwemprar tuke shiir pujusártatui Yusja̱i̱.

Isr. 12:1

Ashí ju̱ nuṉkanam túrajnia nuka shuar nakuruiniak tsékena nuja̱i̱ nakumkamniaiti. Ashí shuar yaunchu Yusan shiir enentáimtusaruka téntakar íirmainiaji. Tuma asamtai ashí kijin ana nusha tura ashí yajauch túramu itit awajtamaj nusha ajapa iniaisar tura katsuntrar tsékeṉkir jeatái.

Isr. 4:1

Nu asamtai ii waya̱tin tsaṉkatkamu áyatar Yusja̱i̱ shiir pujustinnium páchitkiachu a̱i̱j tusar aneartiniaitji.

Isr. 4:11

Nu asamtai iisha Yusja̱i̱ shiir pujustinnium pachinkiacha̱i̱j tusar Yus shiir enentáimtusar kakaram ajastiniaitji. Israer shuar yaunchu Yus táman nakitrarua núnis ajaschatniuitji.

Isr. 5:9

Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

1 Pit. 2:11

Yatsurtirmin tájarme Yusna ajasrum ju̱ nuṉkanam írar matsatu asarum atumí aya̱shi̱ wakerana nu tsaṉkatkairap. Aya̱shim wakerana nu túrakmiṉkia ame enentáim nuja̱i̱ yajauch ajastatui.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.