Jir. 2:1 - Yus Papí: Shuarja̱i̱ Yus Yamaram Chicham Najanamu

¹ Kristu ikiantamkuisha ni aneṉkrattairi̱ atsaṉtamkuisha, ni Wakaní̱ atumji̱a̱i̱ pujakuisha, aneṉkratniuitkiurmesha, waitneṉkratniuitkiurmesha

Jir. 2:1 Iomraidhean Croise

YKan. 133:1

Íiskuana, urutmá péṉkerait tura wakerú ajamainchukait nuamtak yachi̱ji̱a̱i̱ iruntrar chikichik enentáiji̱a̱i̱ pujusártinkia.

Isa. 16:11

Tuma asan Muápan enentáimtusan wakeruiṉkia arpa núnisan ten ten ajattajai tura winia enentái̱rka Kir-jaresétain átatui.

Ruk. 2:25

Nu tumai̱ Semiun náartin áishmaṉ Jerusaréṉnum pujumiayi. Simiuncha Yusa Wakaní̱ pujurma asa péṉker áishmaṉkauyayi. Yusan nekas enentáimtiniuyayi. Yusa anaikiamuri̱ji̱a̱i̱ Israer shuar aṉkant ajastin jeatí tusa jintia íimpriniuyayi.

Juaṉ 14:18

Mitiaikia áitkiasnak ikiukchattajrume. Atumíin atak tátatjai.

Juaṉ 14:27

Aṉkant shiir pujustarum. Aṉkant shiir pujajna núnisrumek pujustarum tusan amaajai. Jú̱ nuṉkanmaṉka warastin wáinkiashtatrume. Antsu itiurchatnum pujayatrumkesha Wiji̱a̱i̱ aṉkant shiir pujustatrume. Ashamtsuk pujustarum. Itiurchat enentáimprairap.

Juaṉ 17:13

Yamaikia Amiini̱ winiajai. Tura ju̱i̱ tuke pujakun Wi warajna núnisar nisha ti shiir warasarat tusan ju̱na tájame.

Tur. 2:46

Tuke tsawant Yusa Uunt Je̱e̱n kauniarmiayi. Tura ni je̱e̱ncha iruntrar warainiak Kristu enentáimtustin námper najanin ármiayi. Tura naṉkamantu enentáimtumatsuk yurumkan ajamnainiarmiayi.

Tur. 4:32

Yus shuar ajasármia nu tí untsuritiat ashí chikichík enentáiniak enentáimainiak ni takaku armia nuna aya wíniakete tútsuk ju̱sha ashí iiniu áiniawai tiármiayi.

Rum. 5:5

Nu nákamuja̱i̱ ti shiir enentáimsar natsamshim nákamtsuji. Warí, Yuska ni Shiir Wakaní̱n suramsakrin ii enentái̱n pujurtamuk Yusa anenkartutairi̱n ti paant awajtúrmaji.

Rum. 8:26

Nu arantcha ii kakarmachu nekapeakrin Yusa Wakaní̱ yáintmaji. Kame Yus áujsatniusha nékachkurin iin yáintmaji. ¿Warí seattajⁱ tura itiur seatjik? Nu nékatsji. Tura itiurchat pujakur ti wáitiakrincha Yusa Wakaní̱ iin áujturmaji.

1 Kur. 12:13

Tura imianiakrin Yusa Wakaní̱ chikichik awajtámsamji, Kristu aya̱shí̱ya áintsaṉ. Israer shuarsha, Israer shuarchasha, ti itiurchat takaana nusha, aṉkant ainia nusha, ashí yamái chikichik ajasuitji. Tura Yusa Wakaní̱ pimiutkamuitji Niji̱a̱i̱ tsaniṉkia pujakur.

1 Kur. 15:31

Atsá, peṉké áintsachuiti. Nu asamtai átum ii Uuntri̱ Jesukrístu enentáimtakrumin wi shiir enentáimtajrume. Tura wisha tuke tsawantin ti itiurchat pujakun jákatniua áintsaṉ pujajai.

1 Kur. 3:16

Enentáimpratarum. Yusa Wakaní̱ atumíin pujá asamtai Yusa Je̱e̱ ajasuram nu nékatsrumek.

2 Kur. 13:14

Uunt Jesukrístu waitnenkartutairi̱, Yusa aneṉkrattairi̱sha atumíin pujurtamsati. Tura Yusa Wakaní̱sha tuke nemartamsarti. Nu atí.

2 Kur. 2:14

Kristu Jesusja̱i̱ Yuska iincha nupetmamtikramak ewekátmasuitji. Tuma asamtai Nincha ti shiir yúmiṉsa pujajai. Tura kuku̱jⁱ kuṉkúakui ashí nékainia núnisaṉ ii etserkamuja̱i̱ Kristu shiir chichame̱n Yuska ashí aentsun nekamtikiainiawai.

Kar. 4:6

Atumsha nekas ni uchirí̱ ajasákrumin Yus ni Uchirí̱ Wakaní̱n atumí enentái̱n akuptúrmakuiti. Tura nu Wakan atumí enentái̱ya̱ Yusan “Aparu” tawai.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Ipi. 4:4

Yusa Wakaní̱nkia chikichkiti. Tura ashí métek Yus achikma asar métek Niji̱a̱i̱ shiir pujustin enentáimji. Iisha Kristu aya̱shí̱ aya̱shí̱mkia asar chikichik aya̱shkitji.

Jir. 1:8

Jesukrístu aneṉkrattairi̱ji̱a̱i̱ wi atumín aneamun Yussha paant nékarui.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

Kurs. 2:2

Ashí shiir enentáimtikratniun ti takaajai. Núnisan aneniarum chikichik enentáiji̱a̱i̱ métekrak wekasatarum tusan wakerajrume. Nu arantcha ashí Yusna tí peṉker nekaarum tuke katsua̱ruk tusan takaajai. Nuja̱i̱ Kristu tí peṉker nekaattarme. Tura yaunchu nekaachman Yus yamái paant awajsaiti. Nuka Krístuiti. Tura Ni nekaatin nekas shíiraiti.

Kurs. 3:12

Yus atumín anenmak Niniu ártí tusa achirmákmarme. Túrutma asamtai ju̱ja̱i̱ shiir iwiarmampratniua áintsarum tuke túrin atarum, waitnenkartin, shiir awajkartin, péejchach átin, émtin áchatin, tura katsuntin átin.

Isr. 6:18

Yus peṉké waitruachmin asa áyatik ni tamaja̱i̱ nekasaiti. Nuna arant nuikia imia Niṉki pachimias ti ikiakátmaji iin. Nuja̱i̱ iisha uwempratai tusar Niní̱ weamkatikia tsaṉkatramkattajnia nu ti shiir enentáimsar wáinkiatin nákaji.

1 Pit. 1:2

Yaunchu Apa Yus uwemtikrataj timia núnisaṉ achikmaitrume. Tura Winia ajasat tusa ni Wakaní̱ji̱a̱i̱ akantámkamiarme. Umirtukat tusa nuna túramiayi. Tura Jesukrístu numpe̱ tsakiri̱ji̱a̱i̱ atumí enentái̱n chamir awajtúrmasmiarme. Wats, Yus tuke waitnentramar ti shiir awajtámsarat tusan wakerajrume.

1 Jṉ. 3:24

Shuar ni chichame̱n umía nuka Yusja̱i̱ tsaniṉ wekaawai tura Yus niji̱a̱i̱ tsaniṉ wekaawai. Mai̱ chikichik ajasu áiniawai. Tura Yusa Wakaní̱ ii enentái̱n pujá asamtai nuja̱i̱ Yus iiji̱a̱i̱ tsaniṉ wekaana nu nékaji.

1 Jṉ. 4:12

Chikichkisha Yusan wáinkiachuiti. Túmaitiat mái̱ anenai ajakrikia Yus ii enentái̱n pujurtamkui Niji̱a̱i̱ métek aneṉkratin ajaji.

1 Jṉ. 4:16

Yus iin anenmajnia nu ti nekas nékaji. Yus tuke aneṉkratniuiti. Tuma asamtai shuar anenkartakka Yusja̱i̱ tsaniṉ wekaawai tura Yussha niji̱a̱i̱ tsaniṉ wekaawai. Mai̱ chikichik ajasu áiniawai.