Jir. 1:9 - Yus Papí: Shuarja̱i̱ Yus Yamaram Chicham Najanamu

⁹ Yusan áujeakun anearmena nú naṉkaamas aneak tusan seatjarme. Tura núja̱i̱sha ti neka ajasrum

Jir. 1:9 Iomraidhean Croise

YKan. 119:66

Ame akupkámun enentáimtusu asamtai nekatai̱ tura péṉker enentáimsatin jintintruata.

Neka. 4:18

Antsu Yusan umirkaru wekaamuri̱ṉkia etsa̱ etsantki̱ takuuṉki̱ tutupnirka ashí tsáapin ajana núnisaiti.

1 Kur. 14:20

Yatsuru, uchia áintsarum enentáimprairap. Kuirchia áintsarum yajauch túrashtin enentáimpratarum tura chíkich írunna nuja̱i̱ uunt enentáimpratniua áintsarum enentáimpratarum.

2 Kur. 8:7

Atumsha ashí péṉker túratin ti nékarme. Yus enentáimtustincha, unuiniartincha, ju̱ nuṉkanmaya̱ nekaatniusha, iin aneatniusha nuka ashí nékarme. Wats, ju̱sha túratarum. Yus shuar kuítrincha ainia nu achikiárat tusarum Titiu támatai núkap susatarum.

Ipi. 5:17

Enentáincha áirap. Ii Uuntri̱ Kristu warinia wakera nu enentáimtustarum.

Kurs. 1:9

Iisha nu antukar Yus ashí tsawant áujtajrume. Yus ni wakeramun ti paant nekaprutmawarat tusar seaji. Ashí Yúsnan ni enentáimtairi̱ji̱a̱i̱ ashí Níniun paant nekaatniun Yus jintintramat tusar seaji.

Kurs. 3:10

Túrarum yapajmiámatniua núnisrum yamaram pushí entsaruitrume. Kame yamaram nekatai̱ achikrum iin najatma urukuit nuja̱i̱ métek tí peṉker ajasat tusa túramuitrume.

1 Tis. 3:12

Atumín ii aneajnia núnisaṉ Yus atumniasha mái̱ anenai ajatniun tura chikitcha anenaiyatniun enentáimtikramprarti. Tura nú nukap aneṉkrattain Yus amasárti tusar wakeraji.

1 Tis. 4:1

Iikia Uunt Jesus akupkámuitji. Tuma asar nu kakarmaja̱i̱ atumniasha ju̱ túratarum tusan akupeajrume. Atumsha iwiaaku pujarmena nui̱ Yus shiir waramtiksatarum tura tuke péṉker túrukrum wetarum tusar seajrume. Iisha nuik atumín unuiniarmajrumna nútiksarmek túratarum.

2 Tis. 1:3

Yatsuru, átum péṉker matsatu asakrumin iisha Yus tuke yúmiṉkiaji. Átumka Yus nekas enentáimtustin nú nukap nekaakrum wéarme. Tura nuamtak anenaistincha nú nukap nékarme. Nu tuma asamtai Yus yumiṉsatniuitji.

Jirm. 1:6

Áujeakun chíkich shuarsha ámiji̱a̱i̱ métek Yusan nekas enentáimtuiniak ashí péṉker ana nuna ti paant nekaawarat tusan seajai. Ashí péṉker ana nuka Jesukrístu shiir awajsámuja̱i̱ takakji.

Isr. 5:14

Apatuk kátsurman aya uunt yuámniaiti. Uunt ainia nuka péṉkernasha tura yajauchincha apatkar paant nékainiawai.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

2 Pit. 3:18

Tura ii Uuntri̱ Jesukrístu iin Uwemtikkiartin ana nu yamái nékarmena nú naṉkaamas nekaatarum. Tura enentáimin nú naṉkaamas tariarum wetarum. Yamaisha tura tuke ii Uuntri̱ Jesukrístu náari̱n uunt awajsarti. Nu atí.