Jir. 1:7 - Yus Papí: Shuarja̱i̱ Yus Yamaram Chicham Najanamu

⁷ Atumín ashí ti aneajrume. Kame wi sepunam pujakun Yus Chichaman akasmatakun tura Yus shuar kaka̱rarti tusan takaakui átum yáintiarme. Yus ti anenkartin asa nu túratniun mái̱ metek tsaṉkatramkaitji. Tuma asamtai atumín jú̱nisan enentáimtustin tí peṉkeraiti.

Jir. 1:7 Iomraidhean Croise

Tur. 20:23

Tura Yusa Wakaní̱ iniakturkui ju̱na nékajai ashí pepru wi jeattajna nui̱ eṉketátai tusar nákarainiawai. Tura tí waitsatniun nekapsattajai.

Tur. 21:33

Kapitiánkia Páprun jearí achikmiayi. Tura jimiará jiruja̱i̱ jiṉkiamiayi. Nuya̱sha aniasmiayi “¿Nisha yait? ¿Warinia túrait?” tímiayi.

1 Kur. 13:7

Anenkartaka ashí aya katsuntniuiti. Tsanú chichamnasha nakitiawai antsu aya ashí nekasa nunak nákawiti. Tunáa shuar enentáimprati tusa tuke jintiá íimprawai. Nekasa nunak ántin asa tsanú chichamnasha nakitniuiti. Anenkartaka péṉkera nunak nákawai.

1 Kur. 9:23

Ashí wi túraj núnaka uwempratin chicham tuke shiir atí tusan túrajai. Tura nu chichamja̱i̱ wisha atsumtsuk shiir wekaajai.

2 Kur. 3:2

Atsá. Átumka ii papiri̱ya núniskechukaitrum. Ii enentái̱n nu papí áarmaiti. Tura nú papí áujsatniua núnisaṉ ashí aents atumí túramuri̱ wáinkiar ii etserkamaj nu, Papru nekas Yusa takatrí̱n takaawai tusa nekaamnia áiniawai.

2 Kur. 7:3

Makuutai tusan nuna tátsujai. Antsu nuik tíchamkajrum iwiaaku pujakrisha jakarsha átumka ii enentái̱n áchitkiarme.

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Ipi. 3:1

Nu asamtai atumín Israer shuarchatirmin yáiṉtaj tusan wi Papru Jesukrístunu étserkun sepunam pujajai.

Ipi. 4:1

Atumsha ni shuari̱ ajastin Yus achikma asarum péṉker wekasatarum tájarme. Ii úuntri̱niun étserkun sepunam pujakun seajrume.

Ipi. 6:20

Yus nu chichaman etserkatniun akuptúkuiti. Nuna túrakun sepunam pujajai. Sapijmiatsuk etserkat tusarum Yus áujtursatarum.

Jir. 1:12

Winin túrunamu itiurchat ai̱ṉ nuja̱i̱ uwempratin chicham nekas pampaawai. Yatsuru nu nekaatarum tusan wakerajrume.

Jir. 1:13

Iis, akupniu suntarí̱sha tura ashí shuarsha wi Krístunun etseru asan sepunam pujamun paant nékainiawai.

Jir. 1:14

Ti untsurí Yus shuar wi sepunam eṉketman nekaawar ii Uuntri̱ Jesusan nekas enentáimtusar sapijmiatsuk Yus Chichaman etserainiawai.

Jir. 1:5

Kame iikia yámankamtaikniumia̱ Yus Chicham métek yainiaikiar iniaitsuk takasuitji.

Jir. 2:22

Túrasha átumka Timiutéu tuke péṉker túramu nékarme. Uchi ni aparí̱ji̱a̱i̱ takaana ánis Yusa shiir chichame̱ etserkatniun yáintkiaiti.

Jir. 4:14

Tuma ai̱ṉ atumsha wi atsumamu akuptúrkarum tí peṉker túramarme.

Jir. 4:15

Jiripiusnumia̱ shuartiram, ju̱ tí peṉker nékarme. Masetúnianam Yus Chichaman etserumtai aya atumek kuit akuptúrkamiarme. Wi etserkamuja̱i̱ atumí wakaní̱n yaiṉma asamtai yumiṉsarum akuptúrkamiarme.

Jir. 4:3

Amincha winia ai̱rú, nu nuwa̱ yaiṉkta tusan seajme. Nisha wi iwiaaku chichaman étsereakui wiji̱a̱i̱ métek takasarmai. Tura Krimintisha tura chikitcha wiji̱a̱i̱ métek takasarmai. Nuna náari̱n iwiaaku átinnium Yus áatraiti.

Kurs. 4:18

Wi, Papru, winia uwejruja̱i̱ jú̱chiniak áatkun amikmajrume. Sepunam pujajna ju̱ enentáimturatarum. Yus shiir yaintmakarti. Nuke atí.

Kurs. 4:3

Iincha Yus áujkartustarum. Kristu chichame̱n yaunchu nekaachman yamái étserkun sepunam pujajai. Tuma asamtai nuna shiir aṉkant etserkat tusarum áujtursatarum.

1 Tis. 5:5

Enta, átumka tsáapninium wekáa asarum Yus shuartirmeka nékaitrume. Iikia kiritniumia̱nchuitji.

2 Tim. 1:8

Ii Uuntri̱ Jesukrístunu etserkatin natsantraip. Níniun étserkun sepunam pujamusha étserkum natsantruraip. Antsu Yus kakaram awajtamkui ame étseream nuja̱i̱ shuar yajauch turamainiakui surimiamtsuk wáitsatin enentáimtumarta.

2 Tim. 2:9

Nuna étsereakun sepunam jiruja̱i̱ jiṉkiamu pujakun wáitiajai. Túrasha Yus Chicham jiṉkiachminiaiti.

Jirm. 1:13

Wi Yus Chichaman étserkun sepunam pujajai. Túmakun ame yajá pujakum yáintkiatin tujintiakmin ni antsu wiji̱a̱i̱ pujus yaintkiat tusan wakerimjiai.

Isr. 3:1

Tuma asamtai tunaarincha yatsuru, atumniasha Niniu atí tusa Yus achirmákuitrume. Tuma asarum Kristu Jesus péṉker enentáimtustarum. Nisha Yus nekas Akatrámuyayi. Tura ashí Yus shuar ajasárua nuja̱i̱ Yúsnan pujurniu uuntri̱a núnisaiti.

1 Pit. 4:13

Tuma ai̱ṉ shiir enentáimsatarum. “Kristu wáitsamuri̱n métek taku wáitiakun péṉkeraiti” tu enentáimsatarum. Ukunam Kristu winchari̱ wainkiarum timiá warasmi tusarum túratarum.

1 Pit. 5:1

Yamaikia Yus shuara úuntri̱tirmin, jintintjiarme. Wisha núnisnak Yus shuara úuntri̱ntjiai. Kristu wáitsamuri̱n wisha wáinkiaitjiai. Tura ukunam ti shiir átatna nui̱ chíkich Yus shuara uuntri̱ya núnisnak wisha pachinkiattajai.

2 Pit. 1:13

Nekaatarum. Wi ju̱ aya̱shin ikiuktinian jeatéma nuna ii Uuntri̱ Jesukrístu ujatkayi. Tuma asamtai ju̱ aya̱shnium pujái̱ atumín tuke enentáimpratarum tusan jintintratniuitjiarme, tu enentáimsajai.

1 Jṉ. 3:14

Iikia jákatniunmaya̱ uwempra asarⁱ nekas iwiaaku pujaji. Túmakur Yus shuar ainia nu aneaji. Nuja̱i̱ yamaram iwiaakma takakjinia nu imiá páantaiti. Shuar Yus shuaran aneachkuṉka tuke jákatniunam wekaawai.