Jir. 1:25 - Yus Papí: Shuarja̱i̱ Yus Yamaram Chicham Najanamu

²⁵ Kame tuke pujustatjai nékajai. Núnisnak atumji̱a̱i̱ pujakun Yus nekas enentáimtakrum naṉkaamas warakrum tuke katsua̱ruk tusan yáiṉtatjarme.

Jir. 1:25 Iomraidhean Croise

YKan. 60:6

Yus Shiir Awajtai̱ Je̱a̱nam Yus chichakuiti. “¡Maa urutmatsuk waraaj! Tura Sekimnaka nakaran sukartustatjai tura Sukuta pakarí̱nkia nekapmaran nakartatjai.

Ruk. 22:32

Tuma ai̱ṉ Yus enentáimtustinian kajinmátki̱i̱ṉ tusan Wisha Yusan seamjai. Tura Yusai̱ waketkim ame yátsum ikiaká̱rarta” tímiayi.

Tur. 11:23

Pirnapísha jeá Yus nú shuaran uwemtikrarma nuna wainiak warasmiayi. Pirnapísha péṉker áishmaṉkauyayi. Yusa Wakaní̱sha pimiutkamuyayi. Tura Yusan nekas umirkauyayi. Tuma asamtai nu shuaran mash jintintiáiniak chicharuk “Tuke enentáimji̱a̱i̱ umirkarum Yus nemarsatarum.” Tu chicharak ikiukmiayi. Tura nui̱sha nú arant untsurí aents Yusai̱ kaweṉkarmiayi.

Tur. 14:22

Waketainiak “ashí Yus tana nu tímiatrusrumek tuke umirkatarum” tuíniak Yus shuaran ikiaká̱rarmiayi. Tura nin tiármiayi “Yusa akupeamuri̱i̱n pachinkiataj tákurkia ti wáitsatniuitji.”

Tur. 20:25

Tura yatsurtiram, ashí Yúsnan atumín paant ujakjarme. Yamaikia wíniaka atakka wáitkiashtatrume.

Rum. 15:13

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

Rum. 15:18

Tura chíkich shuarja̱i̱ Kristu túramun pachischattajai. Aya wi chichasmaja̱i̱ tura túramuja̱i̱sha Israer shuarchan Kristu umimtikiamia nunak áujmatsattajai.

Rum. 15:29

Tura nui̱ winiakun Kristu Shiir Chichame̱n nuja̱i̱ shiir yaiṉtajrum tusan ejetittiajrume.

Rum. 5:2

Tura Ni shiir enentáimtakur Yusai̱ weankaitji. Tura Kristu jarutramkakrin Yus ti anenmaji. Tura tuke anenma asakrin Niji̱a̱i̱ métek shiir ajastin nákakur waraaji.

2 Kur. 1:24

“Aya wi tájana nútiksarmek Yus enentáimtustarum” waantu enentáimtumasar nu títin nakitiaji. Yus nekas enentáimtusmaja̱i̱ kaka̱a̱rme. Antsu nekas warastarum tusar wakeraji.

Jir. 1:24

Túrasha atumín yáiṉtaj tusan tuke ju̱ nuṉkanam iwiaaku pujusminiaitjiai.

Jir. 2:24

Kame Kristu yaintkiui wíkisha wárik íimniaitjiarme.

Jirm. 1:22

Ayu. Átum Yus áujturkurmin atumíin iiraitniun Yus winia tsaṉkatruktatui. Tuma asamtai wi nui̱ jean pujustin iwiarturata.

1 Pit. 1:8

Jesukrístu wáinchaitiatrum anearme. Tura yamái wáinchiatrumek nekas enentáimtarme. Tuma asarum ti wararme. Nu warastin nayaimpiniam warastatjinia núniskete, nuka paant títin jeatsji.