Jir. 1:21 - Yus Papí: Shuarja̱i̱ Yus Yamaram Chicham Najanamu

²¹ Wíji̱a̱i̱ṉkia ju̱ nuṉkanam iwiaaku pujakun aya Krístunak enentáimtakun pujajai. Tura jákatniusha ju̱i̱ pujajnia nuna naṉkaamas péṉkeraiti.

Jir. 1:21 Iomraidhean Croise

1 Kur. 1:30

Tura Yus atumín Krístuja̱i̱ tsaniṉ apujtamsaiti. Tura Kristu enentáimtusar Yus nekas nekatai̱ṉkia nekaattaji. Kristu enentáimtakrin Yus shiir enentáimturmaji, péṉker awajtamji tura uwemtikramji.

1 Kur. 3:22

Páprusha, Apurussha, Pítrusha, ju̱ nuṉkanmaya̱sha, iwiaakmasha, jákatniusha, yamái írunna nusha, ukunam átatna nusha, mash atumniaiti shiir yaintmaktin.

2 Kur. 5:1

Wats ju̱ nékaji. Nayaimpiniam ii shiir pujustinian amukachmin aya̱shin Yus najanamun ikiurtámsaitji. Aents najanachmaiti nu. Tuma asamtai ii aya̱shi̱ emesnakuisha warí itiurtamajia. Nuka aaka núnisaṉ amukámniaiti.

2 Kur. 5:6

Ju̱ nékaji. Ju̱ aya̱shnium pujajnia ju̱i̱ṉkia Uunt Jesusja̱i̱ pujatsji. Tuma asamtai wáinjinia nu ti enentáimtutsuk Yus enentáimtusar tuke shiir enentáimsar wekaaji.

2 Kur. 5:8

Tura ju̱ aya̱shniumia̱ jíinkir Uunt Jesusja̱i̱ tuke pujustaitsar wakeraji. Tura túrattaji tu nékaji.

Kar. 2:20

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Kar. 6:14

Antsu wikia aya ii Uuntri̱ Jesukrístu krúsnum jakamunak wararsatniun enentáimjiai. Tu enentáimkiun Kristu krúsnum jakamia áintsanak ju̱ nuṉkanmaya̱ ana nuna jaka áintsaṉ páchiatsjai, tunaanum winia útsutkatin atsawai.

Jir. 1:20

Nekas ju̱na wakerajai, natsaamtsuk akupniun Jesukrístunun paant ujakártinian wakerajai. Nuja̱i̱ winí̱ Kristu kakarmari̱ pujamu ti paant nekanattawai. Mántuiniakuisha tura mántuiniachkuisha ashamatsjai. Aya Kristu kakarmari̱n winia aya̱shrui̱ naṉkaamas nekaawarat tusan wakerajai.

Jir. 1:22

Ju̱ nuṉkanam pujakun Uunt Jesusnan takasminiaitjiai. Nu asamtai tunatsuk achiktaj nékatsjai.

Jir. 1:23

Wíji̱a̱i̱ṉkia itiurchataiti mai̱ achiktin. Jákatniuncha wakerajai Krístuja̱i̱ tsaniṉkian pujustaj tusan. Wíji̱a̱i̱ṉkia nu imiá péṉkeraiti.

Jir. 2:21

Chíkichkia Jesukrístu wakeramun iniaisar ní wakeramunak páchiniawai.

Kurs. 3:4

Krístukete ii iwiaakmari̱. Ni nayaimpinmaya̱ wantinkiuisha atumsha Niji̱a̱i̱ métek wantinkiattarme.Apu. 19:11,14 Tura Niji̱a̱i̱ métek tí peṉker átatrume.

Apu. 14:13

Nuyá̱ nayaimpinmaya̱ chichaman antukmajai. Nusha turutmiai “Ju̱ áatrata ‘Uunt Jesusan umirainia nu yamái jákarusha tura ukunam jákarusha ti shiir pujusártatui.’ Tu aartá” timiai. Núnisaṉ Yusa Wakaní̱ tawai. “Ee, tí takasaru ásar jákar yawe̱rman ayamprartatui. Tura tí peṉker túrawar akinkiartatui” tawai turutmiai.