Jir. 1:15 - Yus Papí: Shuarja̱i̱ Yus Yamaram Chicham Najanamu

¹⁵ Kame shuar awai winia kajertuiniak tura naṉkamantu enentáimtumainiak Krístun páchiniawai. Antsu chíkich shuarka nekas enentáiji̱a̱i̱ Krístun etserainiawai.

Jir. 1:15 Iomraidhean Croise

Mat. 23:5

Aya shuar íirsarti tusar ashí túruiniawai. Ashí shuar péṉker enentáimturarti tusar Yus Papin nijia̱i̱niumsha tura kunturi̱ncha ti waṉkaram awajsar anujak yujainiawai. Tura nu arantcha pushiri̱ shíirmach sasariarman ashí shuarja̱i̱ naṉkaamas nuntuarun awajás wekainiawai.

Tur. 10:36

Yuska shiir chichaman Israer shuarun akuptúkmiayi. Nui̱ chichaak ‘Shuar Jesukrístu náari̱n páchiakka Yusja̱i̱ nawamnaikiatin átiniaiti. Nú Jesukrístu ashí shuara Úuntri̱nti’ tímiayi Yus.

Tur. 11:20

Tura niji̱a̱i̱ Chíprinmaya̱ pisararmia nu Serininmaya̱sha Yus shuar ármiayi. Nuka Antiukíanam jeawar Israer shuarchan Uunt Jesusa túramuri̱n ujakármiayi.

Tur. 5:42

Tura Jesukrístunun áujmatsatniun peṉké iniaisacharmiayi. Antsu tuke tsawant Yusa Uunt Je̱e̱ncha tura chíkich je̱a̱nmasha páchitsuk etseriarmiayi.

Tur. 8:35

Nuyá̱ Jirip nu áarman áujtus “Ju̱ka Jesusnan tawai” tímiayi. Tura nú arantcha Yus Chichaman ujakmiayi.

Tur. 8:5

Tura Jirip Jerusaréṉnumia̱ we tura chíkich péprunam Samaria nuṉka amia nui̱ jeá chichaak “Yus anaikiamu ana nu Jesusaiti” tu etsermiayi.

Tur. 9:20

Nuya̱ṉka Sauru Israer shuara iruntai̱ri̱n wayá̱ Jesusa túramuri̱n etserkamiayi. Etseruk chichaak “Nekasaiti, ju̱ Jesus Yusa Uchirí̱nti” tímiayi.

Rum. 2:8

Antsu péṉkera nuna wakerutsuk aya yajauchin wakeruiniak Yusan nakitiáinia nuna Yus ti kajerak asutiáwartatui.

1 Kur. 1:23

Antsu iikia Kristu krúsnum jarutramkamuk étsereaji. Israer shuarsha “ju̱ chicham natsantaiti” tu enentáimiainiawai. Israer shuarchasha “ju̱ chicham ántraiti” tu enentáimiainiawai.

1 Kur. 13:3

Ashí wi takakjana nuna atsumainian súayatnak tura Yusan shiir awajsattsan winia aya̱shrúncha áesawarti tusan surumayatnak tura aneṉkratchaknaka ántranak túraitjiai.

2 Kur. 1:19

Wisha Serpanuja̱i̱ Timiutéuja̱i̱ Yusa Uchirí̱ Jesukrístunun ujakmajrume. Nisha jú̱ chichamaik “Ee, atsá” tíchaiti. Antsu ni tana nuna tuke umíawai.

2 Kur. 11:13

Warí, nisha Yusai̱ya̱ akatrachma áiniawai. Anaṉkartin áiniawai. “Kristu akatrámuri̱ntji” tumá átaj tusar wekainiawai.

2 Kur. 12:20

Wi atumíin jeaknasha, wi wáinkiataj tusan wakeraj nuna wáinkiashtatjai, tu enentáimsan itiurchat enentáimjiai. Tura atumsha wakerarmena núnisrumek wáinkiashtatrume, tu enentáimjiai. Yajauch chicharnaikiatniuncha, yajauch enentáimtunaistinniasha, kajernaikiatniuncha, niṉki enentáimtumastinniasha, tsanumpratniuncha, mái̱ tunai ajatniuncha, waantu enentáimtumastinniasha, yajauch wekasatniuncha, ashí nuna wáinkiashtajash tusan itiurchat enentáimjiai.

2 Kur. 4:5

Iisha étserkur Jesukrístu ii Úuntri̱nti tu étsereaji. Iikia atumí úuntri̱ntji tátsuji. Antsu Jesus ii uuntri̱ asamtai atumí yáintri̱ntji, taji.

Kar. 2:4

Tura nu shuar ántar yachi ainia nu antuktai tusar waya̱warmai. Tura ii chichame̱n antukar itiurchat awajtámsatai tusar wakeriarmai. Iis, Kristu Jesus iin uwemtikrampra asamtai ti shiir iisha Yus yúpichuch umíaji. Tura nuna nekaawar atakka aya yáunchu akupkámu itiurchat ana nuja̱i̱ uwemtikrampratniun wakerutmakarmaji.

Jir. 2:3

Átum wakeramuk túrawairap. Naṉkamantu ajastaj tiirap. Antsu péejchach ajasrum chíkich shuar atumji̱a̱i̱ naṉkaamas péṉker enentáimtusta.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.