Jir. 1:11 - Yus Papí: Shuarja̱i̱ Yus Yamaram Chicham Najanamu

¹¹ Núnisaṉ Jesukrístu kakarmari̱ji̱a̱i̱ ashí péṉker túrin átatrume. Tura nuja̱i̱ ashí shuar Yusan ti shiir enentáimturartatui.

Jir. 1:11 Iomraidhean Croise

YKan. 1:3

Kame entsá yantam numi araamu wajas neretáiri̱ jeamtai tí nukap nereana tura nuke̱sha kákeatsna núnis áiniawai. Núnisaṉ Yus shuara túramuri̱sha nerektinia ántsaṉ ashí péṉker jukittiawai.

Isa. 5:2

Tura meekmi ipiantar kayarí̱n júrak utsantak ashí péṉker iwiaramai. Nuyá̱ uwa arakri̱n péṉkernak juuk arakmamai. Tura nui̱ uwa ajanam ajapén kumpin je̱a̱n je̱a̱mmai. Núnisaṉ winiu neketai̱ncha iwiaramai. Kame uwa péṉker nerekchartimpiash tusa nákasmai túrasha uwa churuin nerekarmai.

Isa. 61:11

Warí núṉkaka warinkísh tsapamtiktsuk tura jiṉkiaisha ajanam arakám tsapainia núnisaṉ Uunt Yuska nekasa nuja̱i̱ métek túrutai̱n tura Uunt Yus shiir awajsatniuncha ashí nuṉkanam nékamtikiawartatui.

Isa. 61:3

Nu arantcha Seúnan enentáimtusar kúntuts pujuinia nuna atsumamuri̱n súsatniun tura yuṉkunminkia juruiniak akupin etseṉkrutai̱n súsarat tusa nuyá̱ kúntuts pujamuncha emeṉkátuk waratai̱ asuiti súsatniun núnisaṉ itiurchat nekapenancha emeṉkátuk warakur Yus shiir enentáimtutai̱ awaṉkéman súsarat tusa akuptúkuiti. Tuma asamtai nekasa nuja̱i̱ métek túrutai̱ rupri numin Uunt Yus Ni winchari̱n iniakmastaj tusa arakuiti tutai ártatui.

Mat. 5:16

Núnisrumek atumsha Yusja̱i̱ péṉker túramu paant atí. Tura ashí aents nuna iisar nisha Yus Apan shiir awajsártatui” tímiayi.

Juaṉ 15:16

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Juaṉ 15:2

Ashí kanawe Winí̱ áyat nereatsna núnaka tsupirak jurustatui. Antsu nereana núnaka nú nukap nerekat tusa puruartatui.

Juaṉ 15:8

Átum núkap nereakrumni̱ṉkia ashí shuar ‘Nekas Jesusa unuiniamuri̱nti’ turamartatui tura Winia Aparnasha shiir awajsártatui.

Rum. 15:28

Tuma asamtai jú̱ kuítian súsaran umiran nuikia Ispanianam wéakun íiktiatjarme.

Rum. 6:22

Antsu yamaikia tunaanumia̱ uwempra asarum Yus umirniuitrume. Antsu ju̱ka Yusja̱i̱ shiir wekasatniunam júawai tura nuyá̱ tuke iwiaaku pujustatrume.

1 Kur. 10:31

Ayu, yúakmesha úmakmesha ashí túramna nusha ashí shuar Yusan shiir enentáimtusarat tusam túrata.

2 Kur. 9:10

Arakmaun arakan súana nusha Yúsaiti. Tura yurumkan súana nusha Yúsaiti. Nisha átum péṉker araatniun suramsattarme. Tura araarumna nuja̱i̱ péṉker túratarum tusa arakrumin ipiampártatui.

Ipi. 1:12

Iikia Israer shuar asar Kristu emka umirkakrin iin imiá péṉker túrutmamun nekaawar ashí shuar Yusan ti shiir awajsámin áiniawai.

Ipi. 1:14

Yamái Yusa Wakaní̱ ii enentái̱n pujuruk tuke uwemtikramji. Tura takas umik nu tsawantai̱ ashí tsaṉkatramkattaji. Tura ii enentái̱n pujá asamtai Yus ukunam Níji̱a̱i̱sha ashí tsaṉkatramkattaj nu paant nékaji. Maa, Yus tí peṉker asamtai Nin ashí ti shiir awajsarti.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Ipi. 5:9

Tsáapninium wekainiaka shiir awajkartincha tura nekas chichamtincha tura péṉker túrin áiniawai.

Jir. 4:17

Aya kuit akuptúrkakrumin tu enentáimtsujai. Antsu nu kuit Yusai̱ kawentramkaku tusan wakerajrume.

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

Kurs. 1:6

Nu chicham ashí nuṉkanam pampaakui shuara enentái̱n nerea áinis nusháa ajasár yamaikia péṉker túrin áiniawai. Núnisaṉ atumíincha túrunaiti. Yus ti nekas anenkartiniaiti tu etserkamu ántakrumin nu chicham atumí enentái̱ncha nerekmiayi.

2 Tis. 1:12

Átum péṉker wekasa asakrumin chíkich shuarsha ii Uuntri̱ Jesukrístu náari̱n naṉkamantu enentáimtusartatui. Nusha auka ii Yusri̱ tura ii Uuntri̱ Jesukrístu waitnentáimturmasar péṉker wekasatniun yáintmakui túrarme. Túramtai chíkich shuar shiir enentáimturmasartatui.

Tit. 3:14

Iiní̱ Yus shuar ainia nusha péṉker túratniun tura atsumainia nunasha yáiṉtinian nekaawarti. Ántar pujusára̱i̱ṉ tusan nuna tajai.

Isr. 12:11

Kame nekasaiti, ashí chicharnamu yamaikikia waraschamniaiti aya kúntuts enentáimtikramji. Tura jintintiakur chicharnákmaja̱i̱ ukunam péṉker pujutnum unuitiamji.

1 Pit. 2:12

Yus shuarchanum péṉker wekasatarum. Túrakrumni̱ṉkia nisha yamái “Yus shuar yajauch túruiniawai” ántar tuíniayataṉ ukunmaṉka Yusja̱i̱ iṉkiunaiktin tsawant jeamtai péṉker wekarmena nuna enentáimturmasar nú shuarsha Yusan shiir awajsártatui.

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

1 Pit. 4:14

Krístunu asakrumin katsekramkachartimpiash. Túmaitkiuisha Yusa Wakaní̱ shiir ana nu atumíin pujurtamkui shiir awajsámuitrume. Katsekramainia nú shuar imia Yusa Wakaní̱n yajauch áujmatainiawai. Tura átumka Yusa Wakaní̱ shiir awajearme.