Jir. 1:10 - Yus Papí: Shuarja̱i̱ Yus Yamaram Chicham Najanamu

¹⁰ ashí péṉkera nu achikiuk tusan Yusan áujtajrume. Atumín nu túrunamtaiṉkia yamaisha tunaaja̱i̱nchu pujustatrume tura Kristu támatai sumamashtatrume.

Jir. 1:10 Iomraidhean Croise

Naṉ. 20:5

Warí Aprajám ní nua̱ri̱niak chicharuk winia umaruiti turutchamka. Tura Sarasha áintsaṉ Aprajámka winia umaruiti títchamka. Tú tuíniakui nuna túrajai péṉker enentái takusan yajauchia núnaka peṉké túrachjai” tímiayi.

Mat. 16:23

Tutai Jesus apajá̱s iis Pítrun chicharuk “Werumta, Satanásá. Yajauch awajtame. Ámeka Yus wakeramu enentáimtsume. Antsu jú̱ nuṉkanam enentáimiainia áinis enentáimme” tímiayi.

Mat. 26:33

Takui̱ Pítiur chichaak “Chíkich natsantramainiakuisha wikia túrashtatjai”

Juaṉ 1:47

Jesussha Natanaéran tíjiu̱ch winian wainiak chicharuk “Ju̱ shuar iistarum. Ti péṉker Israer shuaraiti. Peṉké anaṉkartichuiti.”

Juaṉ 3:20

Ashí yajauchin túruinia nuka tsáapninian muí̱jiainiawai. Túrawar ni tunáa túramu paant ajasa̱i̱ tusa yupitiainiawai.

Tur. 24:16

Tura wisha tiniu asan wikia winia enentái̱rui̱ Yus íimmianum makuumatsuk wekasataj tajai. Tura aentsnumsha nútiksanak peṉké makuumatsuk wekaajai.

Rum. 12:2

Núnisrum jú̱ nuṉkanmaya̱ ana nu páchitsuk Yus winia enentáimmiarun yapajtiúrat tusarum tsaṉkatkatarum. Nu túrakrumka Yus wakera nu nekaattarme. Ni wakeramusha yajauchichuiti antsu imiá nekas péṉkeraiti.

Rum. 12:9

Nekas enentáiji̱a̱i̱ mái̱ anenai ajatarum. Yajauch nakitrarum péṉkera nu túratarum.

Rum. 16:17

Yatsuru, shuar nusháa enentáimtuiniak Yus shuaran akanainiak itiurchat awajénawai. Nu shuar wainkiarum kanaktiarum. Ni yajauch túramu átum péṉker takastin unuimiármena núnischaiti.

Rum. 2:18

Yus wakeramuncha nékajai. Tura akupkámun nekaan péṉkera nuna wakerajai.

Rum. 7:16

Akupkámu péṉkeran nekaan umirkatniun wakerajai. Túrayatnak umirchaitjiai.

Rum. 7:22

Nekas enentáiji̱a̱i̱ Yusa akupkámuri̱n wakerajai.

Rum. 8:7

Aya aya̱sh wakeramun enentáimtuinia nú shuar Yusa nemasri̱ áiniawai. Yus akupeamun nakitiáinia ásar ni táman umirkatniun peṉké jeainiatsui.

1 Kur. 1:8

Tura iniaitsuk tuke emettamattawai ii Uuntri̱ Jesukrístu támatai atumí tunaari̱n pachischatin.

1 Kur. 10:32

Tuma asamtai ii túramuja̱i̱ chíkich shuar yajauchiniam aju̱a̱shtiniaitji. Israer shuarsha Israer shuarchasha Yus shuarsha ashí yáiṉtiniaitji.

1 Kur. 8:13

Nu asamtai winia yatsurun wi yuajna nuja̱i̱ yajauch awajeaknaka namaṉnaka peṉké yúashtatjai ni yajauch ajasá̱i̱ṉ tusan.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

2 Kur. 2:17

Kame untsurí aents kuítian achiktaj tusar Yusa Chichame̱n yapají̱nia núniskechuitji. Antsu Krístunu ajasu asar Yus akupkámu asar Yus íimmianum anaṉtsuk esettsar étsereaji.

2 Kur. 6:3

Tura “Papru etserkamuri̱ ántraiti” tíara̱i̱ṉ tusar chíkich yajauch enentáimtiktsuk péṉker wekaaji.

2 Kur. 8:8

Kame atumí uuntri̱a núnisnak akupeatsjarme, túratniuitrume tusan. Antsu chíkich shuar ni kuítri̱n súsartaj tusa ti wakeruinia nuna atumín ujakan atumí aneṉkrattairi̱ nekaspashit tusan nekapsatajtsa pujajai.

Kar. 5:11

Wikia yatsuru, yamaisha “tsupirnaktiniaiti” tuke tákuiṉkia Israer shuar yajauch awajtúscharainti. Antsu Kristu jakamun étseriatnak “tsupirnaktiniaiti” tákuiṉkia kajertukcharainti.

Ipi. 4:15

Antsu nekas aneniakur nekas chicham ujanáiktiniaitji. Túrar Krístuja̱i̱ tsaniṉkiar tuke tsakakir ashí péṉker túratniuja̱i̱ Niji̱a̱i̱ métek ajastatji. Túramu asa Krístuka ashí ni shuari̱ muuke̱a áintsaṉkete.

Ipi. 5:10

Ii Uuntri̱ Kristu wakeramu nekaatin wakeruktarum.

Ipi. 5:27

Nuja̱i̱ ashí ni shuari̱n tunaarinniuchu tura yajauch máatrachu antsu tí peṉker shiir awajás Nini̱ ejetaj tusa túramiayi.

Ipi. 6:24

Ashí ii Uuntri̱ Jesukrístun tuke enentái̱ji̱a̱i̱ aneana nuna Yus shiir yaiṉtí. Nuke atí.

Jir. 1:16

Yajauch shuarka Krístun shiir enentáimtutsuk antsu ashí shuar ní chichame̱nak anturkar wí shuar ajasarat tusar etserainiawai. Túruiniak wisha sepunam pujakui nu arant itit awajtústinian wakerutainiawai.

Jir. 1:6

Yus atumíin tí peṉker awajsatniun naṉkama asa núnisaṉ Jesukrístu táatsa̱i̱ṉ tuke shiir awajtamki̱ nekas péṉker najatmattarme. Nuka ti nekasaiti.

Jir. 2:16

iwiaaku pujustin chicham paant awajeakrum. Núja̱i̱ Kristu támatai atumíin ántran takascha asan ti shiir wararsattajrume.

1 Tis. 3:13

Yus ikiakátmakui átum tunáa túrutsuk Yus umirkarum wekasatarum tusar ii Aparí̱ Yus seaji. Ii Uuntri̱ Jesus Níniuri̱ji̱a̱i̱ winiak péṉker wekaarmin tatí tusar taji.

1 Tis. 5:21

Ashí etserkamu ana nu nekasashit tusarum nekaatarum. Túrarum aya péṉker ana nuke achiktarum.

1 Tis. 5:23

Yuska, imiatkinchanum wekasatniun amaana nu, atumín takamtsuk shiir awajtámsarti. Tura ii Uuntri̱ Jesukrístu táatsa̱i̱ṉ atumí wakaní̱ atumí enentái̱ tura atumí aya̱shí̱sha mash métek tunaaja̱i̱nchu awajtámsati.

Jus. 24:14

Nekas enentáiji̱a̱i̱ ashamakrum Úunt Yusai̱ya̱ kanatsuk nekas umirkatarum. Atumí we̱a̱tri̱ Ejiptunmasha tura Yúpratis entsa pakarí̱ncha matsamsar najankamu yusan tikishmátin armia nuka iniaisarum Uunt Yus nekas enentáimtustarum.

1 Jṉ. 4:1

Aneamu yatsuru, untsurí shuar wáitruiniak “wi Yúsnan etserniuitjiai” tuíniawai. Tuma asamtai ashí shuar “wi Yusa Wakaní̱n takakun chichaajai” tuinia nu péṉker nekaptsuk enentáimtusairap. Antsu íisrum nekas Yusa Wakanímpiashit tura chíkich wakaniashit nu nekaatarum.

Apu. 2:2

‘Ashí ame túram nuna nékajai. Ti kakaram takaakum katsunteamuncha nékajai. Yajauch shuar nawamtsuk awemaitrume. Shuar “Yus akatrámuitjiai” ántar tuinia nu nekaamarme. Wáitrinia nusha nékaitme.