Jir. 1:1 - Yus Papí: Shuarja̱i̱ Yus Yamaram Chicham Najanamu

¹ Wi Papru Timiutéuja̱i̱ Jesukrístu takarin asar ashí Yus shuar Jiripiusnum pujarmena nu ju̱ papí akuptaji. Yus shuara uuntri̱ árumna nusha tura Yus shuaran yain árumna nusha ashí Yus shuarsha núnisaṉ Yusna asarum tura Jesukrístuja̱i̱ tsaniṉkiu asakrumin ju̱ papí áateajrume.

Jir. 1:1 Iomraidhean Croise

Mar. 13:34

Tura Wikia ju̱ shuarja̱i̱ méteketjai. Ju̱ shuarsha jeachat wéak ni je̱e̱n ikiuawai. Ikiuak ni shuari̱n waitrukarti tusa apujas ikiuak ashí shuaran takatrí̱n suawai. Tura wáitin wáinniun ‘ameja péṉker wáinkiata’ timiai.

Juaṉ 12:26

Shuar Winia takartustinian wakerakka nemartusti. Túrakka Wi pujajna nui̱ Winia takartinia nu Wiji̱a̱i̱ tuke átatui. Núnisaṉ Winia takartinian Winia Aparsha shiir enentáimtustatui” tímiayi.

Tur. 1:20

Kame Yus Kanta papinium Tawitkia ju̱na áarchamkia. ‘Ni je̱e̱sha itiarak atí. Nu je̱a̱nmaṉka peṉké pujuscharti.’ YKan. 69:25 Tura ‘Ni takatri̱ chíkich atankiti.’ YKan. 109:8

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

Tur. 9:13

Táman antuk Ananías chichaak “Túrasha Uuntá, jú̱ aishmaṉ ame áentsrumin Jerusaréṉnum ti yajauch awajchakait. Ni yajauch túramuri̱n ti untsurí aents ujatainiawai.

Rum. 1:1

Wi Papru Jesukrístu takarniuitjiai. Núnisaṉ Yus achirak ni uwempratin chichame̱n etserkat tusa akatar akuptúkmiayi.

Rum. 1:7

Ashí Yus aneamutirmincha Rúmanam matsatrum nuna ju̱ papin áateajrume. Yus tí peṉker awajtámsatniun wakerutmarme. Ii Aparí̱ Yussha ii Uuntri̱ Jesukrístusha waitnentramainia ásar imiatkinchanum ti shiir pujustinian yaintmakarti.

1 Kur. 16:10

Timiutéu nui̱ jeamtaiṉkia shiir awajsatarum sapijmiaka̱i̱ṉ. Nisha wiji̱a̱i̱ métek Yusa takatrí̱n takaawiti.

2 Kur. 1:1

Wi Pápruitjiai Jesukrístu akatrámu. Yus nuna wakerakui ni akatrámuri̱ anaikiamuitjiai. Ii yachi̱ Timiutéuja̱i̱ Yus shuar Kurintiunam íruntrumna nuna áatjarme. Kame ashí Akaya nuṉkanam Yusna ajasurmena nunasha áatjarme.

Kar. 1:10

Ti kakaram chichaatsjak. Nuna chichaakun shuar shiir enentáimtursarti tusan chichaatsjai. Antsu Yus shiir enentáimtursati tusan nuna tajai. ¿Shuar wakeruinia nuna enentáimsan chichaajak? Nuna enentáimkiunka Kristu wakera nuna umirkachaintjiai.

Kar. 3:26

Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji.

Kar. 3:28

Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji.

Ipi. 1:1

Yus nuna wakerakui wi Papru Jesukrístu akatrámuitjiai. Jesukrístu nekas enentáimtusrum Yus shuar ajasrum Ipisiunam pujarmena nuna ju̱ papin áatjarme.

Ipi. 1:15

Átum ii Uuntri̱ Jesukrístu nekas enentáimtamuncha tura ashí Yus shuarja̱i̱ shiir awajnáiyamuncha antukjai.

Ipi. 6:24

Ashí ii Uuntri̱ Jesukrístun tuke enentái̱ji̱a̱i̱ aneana nuna Yus shiir yaiṉtí. Nuke atí.

Jir. 2:19

Ii Uuntri̱ Jesus wakerakuiṉkia Timiutéun íirmainiarat tusan tí warik akuptúktatjarme. Tura átum shiir pujamu ujateakui warastatjai.

Jir. 2:5

Kristu Jesus enentáimpramia núnisrum enentáimpratarum.

Jir. 3:12

Kame wakerukuitjiana nuna mash umirkachuitjiai. Krístuja̱i̱ métek nekas imiá péṉker shuar ajaschaitjiai. Túrasha Kristu Jesus “nui̱ ejetajam” emka túrutkui wisha nui̱ jeataj tusan kakaram ajasan pimpitsuk takaajai.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

Jir. 3:8

Ashí enentáimpramnia ákuisha winia úuntur Jesukrístu shiir enentáimtustin nekas péṉkeraiti. Nu asamtai Krístunu ajakun wi takusmaj nu mui̱jmiai̱ ajasmatai núnaka iniaisámjai.

1 Tis. 1:1

Wikia Pápruitjiai. Wisha Serpanuja̱i̱ tura Timiutéuja̱i̱ Tisarúnikianmaya̱ Yus shuar ajasuitrumna nuna áatjarme. Atumsha Yus shuar asarum Apa Yúsnaitrume tura Uunt Jesukrístunuitrume. Ii Aparí̱ Yus tura ii Uuntri̱ Jesukrístu waitnentrama ásarmatai aṉkant ti shiir pujustarum, tu wakerajrume.

1 Tis. 2:2

Antsu itiurchat wáinkiaitiatar arantutsuk shiir uwempratin chichaman ujakmajrume. Iis, nuik Jiripiusnum iincha katsekramkarmiaji. Tura nú arant ti itiurchat wainkiamiajai. Túmaitiatan Yus yaintkiui Yusa Chichame̱n ujakmajrume. Nuka atumsha tí peṉker nékarme.

2 Tis. 1:1

Wikia Pápruitjiai. Wisha Serpanuja̱i̱ tura Timiutéuja̱i̱ iruntran atumín Tisarúnikianmaya̱ Yus shuar árumna nuna ju̱ papin áatjarme. Atumsha ii Aparí̱ Yusna tura Uunt Jesukrístunu ajasuitrume.

2 Tis. 1:10

Kame Uunt Jesukrístu tátin tsawantri̱ jeamtai ni shuari̱ nekas enentái̱ji̱a̱i̱ péṉker awajsaru ainia nu, ni náari̱n shiir pachisartatui. Tura Yusan umikiaru ásar ti shiir enentáimsar Jesukrístun íisartatui. Ii ujakmajrumna nu antukrum umirka asarum atumsha nui̱ pachinkiattarme.

1 Tim. 1:2

Timiutéu, ju̱ papin áateajme. Wi ujakam Yus shuar ajasu asam nekas winia uchirua áinkiaitme. Tuma asakmin Yus Apasha tura ii Uuntri̱ Jesukrístusha ti anenma ásar waitnentramainiak imiatkinchanum ti shiir aṉkant pujustinian yaintmakarti.

1 Tim. 3:8

Núnisaṉ Yus shuaran yaincha péṉker ásar ashí shuar shiir enentáimtutai̱ ártiniaiti. Ni tana nuna tímiatrusaṉ umin, nampechu, aya kuítniak ikiauṉkatniun enentáimtichu ártiniaiti.

Tit. 1:1

Wikia Pápruitjiai Yusa takarniúri̱. Tura Jesukrístu akatrámuri̱ntjiai. Yus achikma ainia nú shuar nisha antukar Yusan umirkarat tusan akatrámuitjiai. Shuar nuna nekaawar péṉker wekasartatui.

Tit. 1:7

Enentáimprata. Yus shuara úuntri̱n Yusna ana nuna wainkiat tusa anaikiamuiti. Tuma asamtai nekas warinmaṉsha tíchamnia wekasatniuiti. Waantu enentáimtumatsuk kajetsuk tura nampechu átiniaiti. Chikichan waitkiau áchatniuiti. Tura anaṉkartua kuítrintin ajastaj tusa wakerukchatniuiti.

Jirm. 1:1

Wi Papru ju̱ papin áaran akuptajme ámin, Jirimiuṉká. Ii yachi̱ Timiutéusha ju̱na akuptúrmawai. Wi Jesukrístu takaru asan sepunam pujajai. Ame iiji̱a̱i̱ tsaniṉkia takáa asakmin ju̱ papin akuptajme.

Isr. 13:23

Yamaikia ii yachi̱ Timiutéu sepunmaya̱ jiinkí̱ aṉkant ajasái. Nuna ujajrume. Wárik támataiṉkia atumín íitiaj tusan winiakun niji̱a̱i̱ winittiajai.

San. 1:1

Wi Sántiak Yusan tura núnisaṉ ii Uuntri̱ Jesukrístun takarin asan ju̱ papin aajai. Ashí Yus shuartirmin ashí nuṉkanam tsakiṉmakarum matsatrumna nuna amikmajrume.

1 Pit. 2:25

Murik ni pujutái̱ri̱n waketkitniun nékatsna ántsarmek atumsha meṉkaka wekaimiarme. Tura yamaikia atumí wáitmauri̱i̱n waketkintrume. Atumí waitmau Krístuiti atumí enentái̱n wainnia nu.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

Jut. 1:1

Wi Jútas Jakupu yachi̱ntjiai. Jesukrístu takarin asan ashí Yus Apa ni shuari̱ átinian achikma ainia nuna ju̱ papin áateajai. Jesukrístuja̱i̱ tsaniṉkiaru ásarmatai Yus nin wainiainiawai niji̱a̱i̱ kanakchatniun.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.

Apu. 1:20

Wáinmena nu jú̱nisaiti. Siati shirikip ikiutai̱ kúrik wainkiam nu siati péprunam Yus shuar írunun nakumeawai. Tura winia untsuurui̱ni̱ siati yaa wainkiam nu siati péprunmaya̱ Yus shuaran wáinniun nakumenawai” turutmiai.

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.

Apu. 2:12

Nuyá̱ turutmiai “Pírkamunmaya̱ Yus shuara uuntri̱ ju̱ áatrata. Puyá̱ áinis tsakatskat mái̱ ere awajsámun takakna nu tawai

Apu. 2:8

Nuyá̱ turutmiai “Ismirnanmaya̱ Yus shuara uuntri̱ ju̱ áatrata. Yámankamtaikniumia̱ amúamunam tuke pujuwa nu tura núnisaṉ jaka nantakmia nu tawai

Apu. 22:9

Túram chichartak “Íimsakia áinkiaip. Wisha Yusa yáintri̱ntjiai ámiji̱a̱i̱ tura yatsumji̱a̱i̱ méteketjai. Yúsnan etserin ásar tura ju̱ papinium aarma nuna umirainiak nisha Yusa yaintri̱ áiniawai. Yusak shiir awajsatniuiti.”