Ists. 9:9 - Yus Papí: Shuarja̱i̱ Yus Yamaram Chicham Najanamu

⁹ Warí iikia iniatai̱ pujaji túrasha nui̱ pujarni̱sha Yuska ajapanka iniaitiámsachuitji. Tura ni waitnenkartutairi̱ji̱a̱i̱ Pírsianmaya̱ úunt akupniusha iwiaaku pujustinian tsaṉkatramak ii Yusri̱ Je̱e̱ emeskamu atak awaiṉki̱ je̱a̱mtinniasha tura Jutanam tura Jerusaréṉnumsha iin waitmakat tusa tsaṉkatramkaitji.

Ists. 9:9 Iomraidhean Croise

Ists. 2:68

Úuntri̱sha súsatniun wakera armia nuke Jerusaréṉnum Uunt Yusa Je̱e̱n ataksha nui̱ṉ je̱a̱mtai tusar taar shiir enentái̱ji̱a̱i̱ Yusan súsarmiayi.

Ists. 7:6

Jú̱ Ístras papin ain tura Muisais akupkámu umiktin chichaman tí unuimiátrauya nu Papirúnianmaya̱ Jerusaréṉnum támiayi. Kame Uunt Yus ni Yusri̱ Ístrasan pujuru asamtai ni seammia núnaka úunt akupin ashí susamiayi.

Ists. 7:8

Artajírjis úunt akupin ajasmaka siati uwí tura nantusha seṉku jeamunam Ístras Jerusaréṉnum jeamiayi.

Ists. 9:10

Túrasha yamaisha ii Yusri̱sha ju̱ túramunmasha ¿warí títiajik? Warí iikia Ame akupkámu ajapa iniaisaitji.

Neem. 2:17

Nuyá̱ iruran chicharainiakun “Jerusaréṉ péprusha ti yajauch awajsar wáitiri̱sha jiji̱a̱i̱ áeskamu wáintrume. Tuma asamtai winitiárum Jerusaréṉka wenuke̱sha iwiarkatai yajauchia nuke wishiktai̱ pujuara̱i̱j” timiajai.

YKan. 109:12

Kame waitnenkartutai̱ takakuka atsutí. Núnisaṉ mitiaik ainia nuna waitnentramniaka atsutí.

YKan. 138:7

Maaj, ti tsuumai̱ jakamnianum pujakuisha Amek iwiaakmaja̱i̱ takurkame. Winia nemasur suíran ka̱e̱ kaje̱nturkarmataisha Ame kakarmaram paant awajsam wíniaka uwemtikrurtatme.

Isa. 14:3

Tura takamtikkiur wáitkiatai tura najaimiakrum wáitnenmai ajakrumin Uunt Yus aṉkant awajtámsartatna nu tsawantinkia

Isa. 5:2

Tura meekmi ipiantar kayarí̱n júrak utsantak ashí péṉker iwiaramai. Nuyá̱ uwa arakri̱n péṉkernak juuk arakmamai. Tura nui̱ uwa ajanam ajapén kumpin je̱a̱n je̱a̱mmai. Núnisaṉ winiu neketai̱ncha iwiaramai. Kame uwa péṉker nerekchartimpiash tusa nákasmai túrasha uwa churuin nerekarmai.

Isa. 5:5

Wats yamaikia Winia uwa ajarun warí itiurkattaja nuna ujaktatjarme. Yamaikia wenuke̱ncha sa̱a̱rkittiajai túram amukma átatui. Tura tanishri̱ncha sa̱a̱rkittiajai túramtai yajasma naja̱trartatui.

Isa. 61:4

Yaunchu emeskamu ainia nuna iwiarkar ataksha je̱a̱mkartatui tura we̱a̱t matsamtai̱ meṉkara armia nunasha ataksha iwiarkartatui. Núnisaṉ untsurí weanmaya̱ tí yaunchu matsamtai̱ pepru emeskamu ainia nunasha iwiarkartatui.

Tan. 9:25

Tura péṉker antukam paant nekaata. Jerusaréṉsha iwiarkar ataksha je̱a̱mkatin chicham etsernaktatna nuyá̱ Úunt Akupniu Uchirí̱ Misías táamam siati tumiṉ tura sasaintitús tumiṉ naṉkaamastatui. Núnisaṉ ti wáitsatin ámanum Jerusaréṉsha á̱a̱ri̱ntiuk tura wenukri̱ntiuk ataksha iwiarnaktatui.

Aji. 1:9

“Atumsha núkap takustin wakerayatrumek ishichik wáintrume. Atumí je̱e̱n juármena nunasha jú̱u̱ umpuiniak emeṉkátjarme ¿urukamtaik nunasha túraj? Warí Winia Je̱a̱rka emeskamu wáiniatrum páchitsuk atumí je̱e̱ṉ péṉker iwiararum pujustin enentáimtakrumin túrajrume” tawai Ashí Akupin Uunt Yus. Mks. 3:8-11

Sak. 2:5

Tuma asamtai péprun ji keaja̱i̱ téntakma núnisan wenuke̱nka Wiki átatjai. Tura nui̱ ajapén pujakun ni winchari̱ya̱ núnisaṉ páantin átatjai’ tawai Uunt Yus titiá” turutmiai.