Ists. 9:8 - Yus Papí: Shuarja̱i̱ Yus Yamaram Chicham Najanamu

⁸ Tura yamaikia Jiuwá ii Yusri̱ waitnenkartutai̱ ishichik tsawant awai. Tuma asam Ame akantúkma nuṉkanam aṉkant itiurchat awajsachma pujusat tusam ishichik aents juákaru tsaṉkatkaitme. Kame ii Yusri̱ iin tsáapin awajtúrmakrin nuja̱i̱ paant nekaar iniatai̱ pujuiniayatrik ishichkikia iwiaaku pujustinniasha tsaṉkatramkaitji.

Ists. 9:8 Iomraidhean Croise

2 Akup. 19:4

Asiria úunt akupin iwiaaku Yusan yajauch chicharkat tusa Rapsasesan akupka asamtai ashí ni chichame̱n ame Uunt Yusrum antukchiash. Tuma asa nin chicharak asutiáshtimpiash. Nu asamtai ishichik juákaru ájinia nu yaintmakarti tusa ii Uunt Yusri̱ áujsati’ túramui” tiármiayi.

Ists. 9:9

Warí iikia iniatai̱ pujaji túrasha nui̱ pujarni̱sha Yuska ajapanka iniaitiámsachuitji. Tura ni waitnenkartutairi̱ji̱a̱i̱ Pírsianmaya̱ úunt akupniusha iwiaaku pujustinian tsaṉkatramak ii Yusri̱ Je̱e̱ emeskamu atak awaiṉki̱ je̱a̱mtinniasha tura Jutanam tura Jerusaréṉnumsha iin waitmakat tusa tsaṉkatramkaitji.

Neem. 1:11

Uunt Yusá, wi seattajam nu anturtukta. Tura Amé shuarsha Ame náarmin shiir awajsataj tusar wakeruinia nusha enentáimturta. Nuyá̱ wi úunt akupniun jearin títiatjana nusha waitnenkartutai̱ enentái̱ susata” tu seamjai. Warí wikia úunt akupniu umutairi̱n umasa iisan súuyajai.

YKan. 13:3

¡Maa Uunt Yusru íimsata túram ái̱rkata! Winia Yusru winia jí̱rusha tsáapin awajtúrsata. Nu túrutachakminkia tuke jákatniunam we̱e̱j.

YKan. 13:4

Túrunamtai winia nemasur chichartak “Nupetkájai” turutiara̱i̱ṉ. Nu arantcha wi atajkintramtai winia nemasur warasarainti.

YKan. 138:7

Maaj, ti tsuumai̱ jakamnianum pujakuisha Amek iwiaakmaja̱i̱ takurkame. Winia nemasur suíran ka̱e̱ kaje̱nturkarmataisha Ame kakarmaram paant awajsam wíniaka uwemtikrurtatme.

YKan. 34:5

Tuma ásar Uunt Yusan enentáimtuiniakka Ni kakarmari̱ji̱a̱i̱ tsáapin awajsamu áiniawai. Túruna ásar iniatsá̱rchamu ártatui.

YKan. 85:6

¿Ame shuarum ainia nuka atakka iwiaakmaka súsachartatmek Ámin warasarat tusamka?

Neka. 29:13

Atsumainiancha tura itit awajniúncha Yuska mái̱ metek tsáapnin shiira nuna suawai.

Isa. 1:9

Tura Ashí Akupin Uunt Yus iin ishichkisha iwiaaku ujutamkachuitkiurni̱ṉkia Sutuma tura Kumura núnis ajasára̱a̱ji.

Isa. 14:3

Tura takamtikkiur wáitkiatai tura najaimiakrum wáitnenmai ajakrumin Uunt Yus aṉkant awajtámsartatna nu tsawantinkia

Isa. 56:5

Wi Winia je̱a̱rui̱ susattajme tura Winia tanishrui̱ initiaani̱ enentáimtustatme tura ame uchiram tura nawantrumi náari̱ji̱a̱i̱ naṉkaamas péṉker átatui. Ni naari̱ tuke átinian amastatjai peṉké japintrashtatui.

Isa. 6:13

Núnisaṉ tias írutkamunmaya̱ chikichik juáktatna nusha amukma ártatui. Túrasha ensena numi ajakam aya ájiṉkiari̱ṉ juákiat jeana núnisaṉ nuna ajiṉkiári̱ya̱ peṉké tunaarincha jé̱e̱rtatui” turutmiayi.

Jrm. 42:2

Tura Yúsnan etserniun Jirimíasan chicharainiak “Waitneasam Uunt Yus ame Yúsrum ii ishichik juákaru ájinia ju̱ seakrattia. Yáunchuka ti untsuríyaji túmaitiatar yamaikia ishichik juákarji. Ame wáinmena jú̱ketji.

Jrm. 44:14

Tura Jutanmaya̱ wárumchik juákaru Ejiptunam pujustai tusar ashinkiarma nuya̱ṉka yaaksha pisarchattawai. Núnisaṉ Jutanam waketki̱ pujustinniaka ti wakeruiniayataṉ tujintkiartatui. Warí, chikichkisha iwiaakuka juákchattawai. Kame, peṉké waketkichartatui antsu wárumchik pisarárua nuke waketkiartatui’ tawai” tímiayi.

Use. 6:2

Tura jimiará tsawant naṉkaamasmatai ataksha iwiaakman amastatji nuyá̱ menaintiú tsawant jeamtai iniantamkittiaji nui̱ṉkia Niji̱a̱i̱ tuke iwiaaku pujustatji.

Awa. 3:2

“Maa Uunt Yusá, naṉkamantuitmena nuna antukjai núnisnak Ame túramuncha wainkian sapijmiakun jaká enentáimiá ajajai. Núnismek tsawant naṉkamakuisha ataksha enentáimtikiarturam jintinkiartuata. Tura kajektatmena nui̱sha waitnenkarturtin enentáimprata.

Sup. 3:12

Tura amiinkia aents péejchach tura waantu enentáimtumachu ainia nunak ujakártatjai túram niṉkia nekas enentáiji̱a̱i̱ Jiuwá náari̱n enentáimtursartatui.

Sak. 8:12

‘Warí arakan arakármatai úwasha péṉker nerekartatui núnisaṉ nuṉkasha tí péṉker neremtikiartatui. Túmakui̱ nayaimpikia nuṉkan sanamtiktiatui. Kame ju̱ aents ishichik juákarua jú̱naka ju̱na mash takusarat tusan tsaṉkatkartatjai.

Sak. 8:6

Ashí Akupin Uunt Yus chichaak ‘Wi ukunam túrunattawai tájana nuka átumka juákaru árumna nu nekaspash Yus tímiatrusat tárume. Warí Wíji̱a̱i̱ṉkia nuka peṉké itiurchatchaiti’ tawai Ashí Akupin Uunt Yus.

Rum. 9:27

Antsu Isayas Israer shuaran pachis tímiayi “Israer wea ti naṉkaamas untsurí áiniayat peṉké ishichik uwemprartatui.

Apu. 3:12

Nupetmakunka winia Yusru je̱e̱ pauri̱n awajsattajai. Tura nuyá̱ peṉké jíinkichartatui. Tura nin winia Yusru náari̱n áatrattajai. Tura winia Yusru pépruri̱ náari̱ncha áatrattajai. Nu pépruka nayaimpinmaya̱ yamaram Jerusaréṉka Yusai̱ya̱ tara núiti. Núnisaṉ winia yamaram náarun nin áatrattajai.