Ists. 9:7 - Yus Papí: Shuarja̱i̱ Yus Yamaram Chicham Najanamu

⁷ Ii uuntri̱ matsamin armia ímiania̱ṉ juárkirik ti uunt tunaaja̱i̱ matsatji. Tuma asar ii yajauchiri̱ji̱a̱i̱ imiá iiksha ii akupniúri̱sha ii Yusri̱n pujurniusha chíkich nuṉkanmaya̱ úunt akupniu uwejé̱e̱n íktusar iniaisámuitji. Tura mantamnatniunam kasarar yarurkatniunam tura achirar yajá yaruakma pujustin nu natsanmai̱ ajaktinniumiasha yamaiya̱ tímiaja̱i̱sha kanaatsji.

Ists. 9:7 Iomraidhean Croise

1 Akup. 8:47

ataksha ni enentái̱ji̱a̱i̱ṉ Ámin enentáimturmasar waketkiar seatmainiak ‘Nekas tunáa túraitji tura Yusan nékachu shuar túruinia núnisar mui̱jmiai̱ túraitji’ tiar

Ists. 9:13

Ashí yajauch ii tunáa ti túramuja̱i̱ iik makuntrajnia nuka ii Yusri̱yá nekas ii asutniátniua nuja̱i̱ métekka asutkiártuachume antsu iinkia ishichik aentska iwiaaku pujusárat tusam sukartusume.

Jrm. 25:18

Jerusaréṉ tura Jutá pépruncha úunt akupniurtiuk tura úuntri̱ntiuk ashí emeskan amuktaj tusan áararmajai. Nu arant ashammai tura yumiṉkramu yamaiya̱ ju̱i̱sha urukuit núnis atí tusan túraitjiai.

Jrm. 3:25

Ii natsantí̱ni̱ṉ tepenaji tura ii yajauchiri̱ṉ mash amutmakji. Warí iisha tura ii aparí̱sha nátsauyajnia nuyá̱ juárkimiuk yamaiya̱ ju̱i̱sha Uunt Yus ii Yusri̱ncha yajauch túrawaruitji. Warí ii Yusri̱ Uunt Yusa chichame̱sha anturkacharuitji.

Jrm. 32:23

Nuyá̱ nu nuṉkanam waya̱war nérentin ajasármai. Túrasha ame chichamuncha antukcharai. Akupkámurmiji̱a̱i̱ métekka wekasacharai. Túmainiak umiktarum tímiam nunasha umikcharai. Tuma ásarmatai ju̱ yajauchikia tsaṉkatkaruitme.

Jrm. 32:32

Kame Israer shuar tura Jutá shuar aya yajauchiniak túruiniak núnisaṉ úunt akupin tura páantniuri̱ armia nusha tura Yúsnan etserniusha Yúsnan takarniusha nuyá̱ ashí Jutanmaya̱ shuarsha Jerusaréṉnumia̱ shuarsha ti yajauch túrawaru ásar aya akajtukaruiti.

Jrm. 44:22

Warí, yajauch tura mui̱jmiai̱ áiniana nu átum túramarmena nuna nú arant katsunkí̱ wétinian Uunt Yuska peṉké tujintkiamai. Tuma asa atumí nuṉke̱ṉka aya jú̱nik juak ashammai ajas tura yajauch yumiṉkramu asa yamái urukuit núnis áentsri̱ncha ajasuíti.

Jrm. 44:9

Kame atumí aparí̱ yajauchiri̱ṉkia nuyá̱ Jutanmaya̱ úunt akupniu tura ni nuwé̱ yajauchiri̱sha núnisrumek atumí yajauchiri̱sha ántsaṉ atumí nuwé̱ Jutanam tura Jerusaréṉka paasa jinti̱n yajauchin túrawarma ¿nuka kajinmátkimkiarum?

Isk. 39:23

Kame chíkich nuṉkanmaya̱ aentska Israera shuari̱ṉkia ni yajauch túrutairi̱ni̱ṉ achirar yaruakarma yajá pujusárma nunasha nekaawartatui. Warí, Winia kajertukarmatai Wisha núnisnak yapirnaka ú̱rkarmajai. Túran ni nemasri̱n surukan iniaisarmajai túram mesetnum puya̱ja̱i̱ ashí jákarmiayi.

1 Sam. 12:15

Tura Uunt Yusa chichame̱sha umíachkurmeka núnisaṉ Uunt Yus akupkámusha umirkatin nakitiakrumka antsu nuiṉkia atumí úuntri̱n túramia núnisaṉ atumí úunt akupniuri̱ncha tura atumniasha Uunt Yuska kajertamkattarme.