Ists. 7:10 - Yus Papí: Shuarja̱i̱ Yus Yamaram Chicham Najanamu

¹⁰ Warí Ístraska Uunt Yus akupkámu chichaman émamkesan unuimiátran péṉker nekaan umíakun Israer shuaran Yusa Chichame̱n tura akupkámuri̱ncha jintintiáwartaj tusa ni enentái̱ncha iwiarnaruyayi.

Ists. 7:10 Iomraidhean Croise

Ists. 7:11

Ju̱i̱ti papin aar chikichnasha núninniak Yúsnan pujurniun tura papí ain Uunt Yusa chichame̱ncha unuimiátra núnisaṉ Yusa chichame̱n Israer shuara jintinniuri̱n Ístrasan úunt akupin Artajírjis áatar susamu.

Ists. 7:25

Tura ámeka Ístrasá, Yus nekatairi̱n amasua nuja̱i̱ aents entsa amaini̱ matsatainia nuna sumamtikniusha tura úuntri̱sha ame Yusrum akupkámun ashí nékainia nu anairarta. Tura Yusrum akupkámun nékainiatsna nuka jintintiáwarta.

Ists. 7:6

Jú̱ Ístras papin ain tura Muisais akupkámu umiktin chichaman tí unuimiátrauya nu Papirúnianmaya̱ Jerusaréṉnum támiayi. Kame Uunt Yus ni Yusri̱ Ístrasan pujuru asamtai ni seammia núnaka úunt akupin ashí susamiayi.

Juup 11:13

Yus naka enentáimtusam tura niní̱ weankam,

YKan. 1:2

Antsu Uunt Yus akupkámu chicham umiktinian tí enentáimtakᵘ waraawai. Túmak tsawai̱sha tura káshisha ti enentáimtawai.

YKan. 10:17

Kame Uunt Yusá, péejchach ainia nu seatmainiakui anturkam atsaṉkraram ikiakáiniame.

YKan. 119:112

Ame chichammin naṉkaman amúana ímianai ejen umirkatjam tusa winia enentái̱rka nuní̱ enentáimturmawai.

YKan. 119:45

Ame akupkámu umiktinia nuna e̱a̱ku asan wikia aṉkant wekasattajai.

YKan. 19:7

Uunt Yus akupkámu chicham imiá péṉkeraiti. Tuma asa yamaram iwiaakman súramji. Uunt Yuska nekas ni tana nuna ímiatrusaṉ umin asa aents imian enentáimcha nuna neka awajeawai.

YKan. 57:7

Winia enentái̱rka iwiarnas awai. Yusru winia enentái̱rka kantan kantamprútmataj tusa aya ajas pujurtamui.

Mks. 2:7

Yúsnan pujurniuka nekas Yus wakera nuna nekau átiniaiti. Tuma asamtai ashí aents péṉkera nuna nekaatniun wakeruiniakka nin inintruiniawai. Warí Ashí Akupin Uunt Yus akupkámu áiniawai.

Mat. 5:19

Nu asamtai shuar chikichik akupkámun, yúpichuch ana nunaksha, umirchakka tura chíkich shuaran umirkashtinian unuiniakka Yus nekas akupin paant ajastatna nui̱ nú shuar uunt áchattawai. Antsu ashí shuar akupkámun umíana nu tura chíkich shuaran umirkatniun unuiniana nusha Yus nekas akupin paant ajastatna nui̱, nu shuarka uunt átatui.

Mat. 7:24

Shuar winia chichamprun antuk umirkaṉka nu shuar tí peṉker enentáimniuiti. Nisha ju̱ shuarja̱i̱ métekete. Je̱a̱ je̱a̱muk kayanam ukurmai.

Juaṉ 13:17

Nu nekaarum túrakrumka shiir átatrume.

Tur. 1:1

Amikiur Tiúpiru, nuik akupkámiaj nú papinium ashí Jesus túramia nuna áatramiajme. Tura unuitiampramiaj nunasha áatramiajme. Yámankamtaikniumia̱

1 Tim. 3:2

Tura Yus shuara uuntri̱ ajastinian wakerakka chíkich shuar nin yajauch áujmattsachmin átiniaiti. Nuwá̱ apatka áchatniuiti. Nisha péṉker esetar enentáimin naka wekasatniuiti. Iraran ni je̱e̱n ti shiir itiaatniuiti. Péṉker jintinkratin átiniaiti.

2 Tim. 4:2

Uwempratin chicham etserkata. Yúpichuchia nui̱sha tura itiurchata nui̱sha tuke etserkata. Yus Chicham nekas enentáimtikrarta. Tura shiir enentáimtusam chicharkam yáiṉtaj tusam unuiniararta.

Tit. 2:1

Tura amesha Titiu, péṉker chicham etserkata. Yus Chicham tátsuna nu etserkaip.

Tit. 2:15

Titiu, anaikiamu asam arantutsuk nu jintintrata. Yajauch ana nuna túrawara̱i̱ṉ tusam chicharkarta. Péṉkeran túruinia nu ikiaká̱rta. Tura yajauch chichartukara̱i̱ṉ tusam tuke péṉker wekasata.

Apu. 22:14

Ni pushiri̱ péṉker nijiamatniua núnisaṉ péṉker túrinia nú shuar shiir warasminiaiti. Nu shuar nu pepru wáitiri̱ncha waya̱mniaiti. Túrar tuke iwiaaku pujutai̱ numinmaya̱ yuámniaiti.

1 Sam. 7:3

Tuma asamtai Samuirsha ashí Israer shuaran chicharainiak “Atumsha nekas enentáiji̱a̱i̱ Yusai̱ weankurmeka najankamu yus chíkich nuṉkanmaya̱ enentáimtutai̱ ainia nu tura Astarte ainia nusha ajapa iniaisatnuitrume. Nuyá̱ atumí enentái̱ Uunt Yusai̱ iwiararum Niṉki umirkarum surumaktarum. Túrakrumni̱ṉkia atumí nemasri̱ Jiristíu aentsui̱ya̱ uwemtikramprattarme” tímiayi.