Ists. 6:8 - Yus Papí: Shuarja̱i̱ Yus Yamaram Chicham Najanamu

⁸ Yusa Uunt Je̱e̱ iwiarnak ataksha je̱a̱mnakat tusarum Jutanmaya̱ uunt ainia nu warí itiurnakartiniait nuna wi akupeajai: uunt akupniu kuítri̱n entsa amaini̱ matsatainia akikmainia nú kuitji̱a̱i̱ aents takakmainia nuka táamtsuk akiktarum takat naṉkankaiṉ.

Ists. 6:8 Iomraidhean Croise

Ists. 4:16

Jú̱ pepru wenuke̱sha ataksha iwiartukar awajair amunkamtainkia nuiṉkia nuṉka tépakma entsa amaini̱ṉkia áminiuka áchattawai tusar úunt akupin ju̱ nekamtikji.”

Ists. 4:23

Nuya̱ṉka úunt akupin Artajírjis chichakma áarman Rejum tura ni papí áakmauri̱ Semsai nuyá̱ ni ai̱sha matsatainiamunam áujsarmatai nuya̱ṉka ti wárik Jerusaréṉnum wear Israer shuar matsatmanum ni takatrí̱n kakarmaja̱i̱ tí itiurchat awajak tsuriṉkiarmiayi.

Ists. 5:5

Kame Taríu papí akuptúkma ni chichame̱ táamam Israer shuara úuntri̱nkia Yus yaya̱mu ásar takatnaka iniaṉnatsuk takakmarmiayi.

Ists. 6:14

Tura Israer shuara uuntri̱ armia nusha Yúsnan etserin Ajíu tura Itiu uchirí̱ Sakarías túrunattawai tusa etserkarmia ímiatrusaṉ takainiak núkap kuakarmiayi. Núnisaṉ Israer shuara Yusri̱ timia nuja̱i̱ métek Siru, Taríu, nuyá̱ Artajírjis Pírsianmaya̱ úunt akupin armia nuna chichame̱ja̱i̱ métek je̱a̱mar amukármiayi.

Ists. 6:4

Kaya uuntja̱i̱ iwiarkamu menaintiú pekakrum tura áitkiasrumek numi yamarmaka chikichik pekakmaji̱a̱i̱n najanatarum. Tura nu takakur kuit ajapamusha takamtsuk úunt akupniu kuítri̱ji̱a̱i̱ akikmatkattawai.

Ists. 6:7

Nu je̱a̱n Yusa Uunt Je̱e̱n iwiarkar ataksha je̱a̱mkarat itit awajsairap. Jutanmaya̱ anaikiamu tura ni uuntri̱ ainia nu Yusa Uunt Je̱e̱n yaunchu amia nui̱ṉᵏ ataksha iwiarkar je̱a̱mkarat iniaisatarum.

Ists. 6:9

Núnisrumek waaka uchichisha muriksha tura murik yamatskamnasha máwar takamtsuk aestuawar nayaimpinmaya̱ Yusan shiir awajsatniun atsumainiakuisha núnisaṉ tríkiusha wíniusha weesha tura asuitisha nuyá̱ Jerusaréṉnum Yúsnan pujurin ainia nu tuke tsawant ni seamainia nuja̱i̱ métek atsumamuri̱ surittsuk sunasarti.

Ists. 7:14

Warí ame Yúsrum akupkámu ame takakma tana nuja̱i̱ métek Jutaja̱i̱ Jerusaréṉ iyutarum tusa úunt akupin tura ni yaintri̱ siati ainia nu akuptámainiawai.

Neem. 11:23

Warí, ni itiurkartiniait nuka úunt akupin akupkámu ámiayi. Nu akupkámuka kantamin armia nu tuke tsawant warí túrawartiniait nu akupkámuyayi.

Neem. 2:8

Tura chíkich papikia úunt akupniu kampunniuri̱n wáinin Asap áatrutrata. Kame Yusa Je̱e̱ wenuke̱n tura pepru wenuke̱n nuyá̱ wi pujustin je̱a̱n iwiarkatniun numin tsaṉkatrukat tusan núnaka seamjai. Nuyá̱ winia Yusur waitnentrur yaintiu asamtai wi úunt akupniun seamaj núnaka ashí surusmai.

Tan. 6:26

Ashí nuṉka wi akupeamunmaṉka Taniara Yusri̱ ashamakrum Ni enentáimtustarum tusan umiktin chichaman nájanjai. Warí, Nisha tuke iwiaaku pujú Yusaiti. Tura peṉké náṉkatkachuiti. Núnisaṉ Ni akupeamuri̱sha emesnarchattawai tura amuukatin tsawanta tímianaisha tuke átatui.

Aji. 2:8

Tura chichaak ‘Kurisha kuitcha ashí Winia áiniawai’ tawai Ashí Akupin Uunt Yus.