Ists. 5:8 - Yus Papí: Shuarja̱i̱ Yus Yamaram Chicham Najanamu

⁸ Yamaikia ju̱ úunt akupniu amiin paant nekaamu atí. Jutá nuṉkanam Uunt Yusa je̱e̱ iyutai tusar wémaj nui̱ kaya uuntja̱i̱ numiji̱a̱i̱sha tanishri̱ncha ikiursar najanenawai tura nu takatnasha ti wárik takainiak amukí̱ émamkesar takaki̱ wénawai.

Ists. 5:8 Iomraidhean Croise

Ists. 2:1

Uunt akupin Napukutunusúr Israer shuaran achirar Papirúnianam yaruakma waketkiarmia nuka ju̱ ármiayi. Nisha Jerusaréṉnum tura Jutanam aṉkant aṉkant ni nuṉke̱ni̱ṉ waketkiarmiayi.

Ists. 5:7

Úunt akupin Taríun papin áatrar akuptúkarmia nu áarmanumsha jú̱nis tímiayi. “Úunt akupin Taríu ashí aṉkant atí.

Ists. 5:9

Nui̱ṉkia anaikiamu ainia nu chicharkur ‘¿Ya tsaṉkatramkamarum ju̱ je̱a̱ je̱a̱mtinniasha tura wenuke iwiartuktinniasha?’ tu inintrúsmaji.

Ists. 6:10

Nayaimpinmaya̱ Yusan wakerú ajamainian aestuiniak úunt akupniu iwiaakmari̱n tura ni uchirí̱ Yusan seatiarti.

Ists. 6:4

Kaya uuntja̱i̱ iwiarkamu menaintiú pekakrum tura áitkiasrumek numi yamarmaka chikichik pekakmaji̱a̱i̱n najanatarum. Tura nu takakur kuit ajapamusha takamtsuk úunt akupniu kuítri̱ji̱a̱i̱ akikmatkattawai.

Ists. 7:23

Ashí nayaimpinmaya̱ Yus akupkámuka tí wárikmasrum Yusa Je̱e̱ amuktárum. Warí núja̱i̱nchuka úunt akupniu akupeamuri̱n tura ni uchirí̱n Yus kajerkara̱i̱ṉ tusarum túratarum.

Neem. 11:3

Tura Jerusaréṉnum nuṉka yáirach tesamunam uuntri̱ ní wakerus pujusármiayi. Antsu Jutá pepru armia nui̱ṉkia Israer shuar, Yúsnan pujurin, Riwí shuarsha, Yusa Je̱e̱n takarniusha tura Saramúṉka takarniúri̱ wea aṉkant aṉkant ni pujutái̱ri̱ni̱ṉ pujusármiayi.

Neem. 7:6

Papirúnianmaya̱ úunt akupin Napukutunusúr achirar yaruakma Jerusaréṉnum tura Jutanam aṉkant aṉkant ni uunt mátsatkamuri̱n waketrar káunkaruka tura ni pépruri̱n waketkiar matsamsaruka ju̱ áiniawai.

Istr. 1:1

Uunt akupin Asueru pujumia nui̱ ju̱ túrunamiayi. Kame Asueruka uunt nuṉka tépaku Íntianmaya̱ juárkin Itiupía tímianai ni nuṉké̱ tesarma siantu paintisiáti armia nui̱ akupmiayi.

Istr. 1:22

Tuma asa úunt akupin ni nuṉké̱ nakaarma armia nui̱ṉkia aṉkant aṉkant ní áakmatairi̱ji̱a̱i̱ṉ áatrar núnisaṉ péprunka ní chichame̱ja̱i̱ṉ áatar ashí akuptuiniak ashí áishmaṉ ni je̱e̱nkia akupkarti tu áarman akuprarmiayi.

YKan. 145:3

Kame Uunt Yuska imiá uunt asa shiir awajú ajataiti. Kame timiá uunt asamtai Ni péṉkeri̱ takamtsuk nekaachminiaiti.

Tan. 2:47

Nuna tura úunt akupin Taniaran chicharuk “Nekas ame Yúsrumka ashí ántar yus ainia nuna Yúsri̱nti tura ashí úunt akupin ainia nuna Úunt Akupniuri̱nti. Nekaachminia nuna Ni nekamtikniuiti. Warí, nekaachminia nu ámeka paant awajsáme” tímiayi.

Tan. 3:26

Nuiṉkia úunt akupin Napukutunusúr ji keamu wáitiri̱n weantuk untsuiniak “Shatraaká, Mishaaká, Awitníkiu Ashí Naṉkamantu Yusa takarniúri̱tiram jiinkí̱ winitiárum” tutai Shatraak, Mishaak, Awitníkiusha jiniumia̱ jíinkiarmiayi.

Tan. 4:2

Kame Ashí Naṉkamantu Yus winia aents túrachminian tura nekaachminian iniaktursama nuna ujaktinian wakerajrume.

Tan. 6:26

Ashí nuṉka wi akupeamunmaṉka Taniara Yusri̱ ashamakrum Ni enentáimtustarum tusan umiktin chichaman nájanjai. Warí, Nisha tuke iwiaaku pujú Yusaiti. Tura peṉké náṉkatkachuiti. Núnisaṉ Ni akupeamuri̱sha emesnarchattawai tura amuukatin tsawanta tímianaisha tuke átatui.

Muis. 10:17

Kame atumí Úunt Yusri̱ṉkia ashí najankamu ainia nú yusja̱i̱ Niṉki imiá nekas Yúsaiti núnisaṉ ashí uunt ainia núja̱i̱sha imiá nekas Úuntaiti. Ashí naṉkamantu Tujintkiachu Yus asa tí tsuumainti. Núnisaṉ aentsnasha métekrak enentáimtiniaiti tura ántrar susamua nuja̱i̱ sumakchamniaiti.

Muis. 32:31

Warí ní kayari̱ṉkia íi uunt Kayarí̱ya núnischaiti. Núnaka ii nemasri̱sha nékainiawai.