Ists. 5:16 - Yus Papí: Shuarja̱i̱ Yus Yamaram Chicham Najanamu

¹⁶ Nuya̱ṉka nu Sespasár taa Yusa Je̱e̱ Jerusaréṉnum ana nuna tépakmari̱n aeprurmiayi. Nuyá̱ juárkimiuk yamaiya̱ ju̱i̱sha tuke takainiawai túrasha tuke amuiniatsui.’

Ists. 5:16 Iomraidhean Croise

Ists. 3:10

Nuya̱ṉka Uunt Yusa Je̱e̱ tépakmari̱n mash amukármatai Israer shuara úunt akupniuri̱ Tawit jintiamia tímiatrusaṉ uminiak Yúsnan pujurin armia nuka Yúsnan takarkur entsatái̱ pushin entsarar kachun takaru tura Riwí shuar Asapa uchirí̱sha tuntuitiai̱n takaru Uunt Yusan shiir awajsatai tusar wajararmiayi.

Ists. 3:8

Kame Saratiára uchirí̱ Surupapír nuyá̱ Jusatáka uchirí̱ Jesúa ni yachi̱sha núnisaṉ ashí Yúsnan pujurin ántsaṉ Riwí shuar tura ashí achirar yajá yaruakma Jerusaréṉnum waketrar káunkarmia nuyá̱ chikichik uwí amukar chíkich uwí naṉkama jimiará nantu jeamunam Uunt Yusa je̱e̱n je̱a̱mtan naṉkamawarmiayi. Tura Riwí shuarsha painti uwí íniaṉkasaṉ takaku armia nu Uunt Yusa Je̱e̱n je̱a̱mtan juárkiarmiayi.

Ists. 5:14

Núnisaṉ takatai̱ kuriji̱a̱i̱ nuyá̱ kuit jiruja̱i̱ najantkamu Jerusaréṉnum Yusa Je̱e̱n írunun Napukutunusúr ji̱i̱r Papirúnianam aents najantkamu enentáimtutai̱ je̱a̱nam yaruakmia nunasha úunt akupin Siru aents najantkamu enentáimtutai je̱e̱n Papirúnianam írunun ji̱i̱r úuntri̱n anaikiarmia nuna Sespasáran susamiayi.

Ists. 5:15

Tura úunt akupin Siru ímia niṉki chicharuk “Pai yamaikia ju̱ takatai̱ ainia nu Jerusaréṉnum Yusa Uunt Je̱e̱ ana nui̱ yaruakta tura Yusa Uunt Je̱e̱sha awaiṉki̱ péṉker iwiarnaktui̱ amia nui̱ṉᵏⁱ ataksha je̱a̱mnakti” tímiayi.

Ists. 5:2

Nuya̱ṉka Saratiára uchirí̱ Surupapír tura Jusatáka uchirí̱ Jesúaja̱i̱ ataksha chichamprukar Uunt Yusa Je̱e̱ Jerusaréṉnum je̱a̱mainiayat iniaisámun ataksha naṉkamawarmiayi. Tura Yúsnan etserin armia nusha niji̱a̱i̱ métek pujuiniak ikiakáiniarmiayi.

Ists. 6:15

Tura úunt akupin Taríu sais uwí náamak Pírsianam pujái̱ uwí amúamu nantu menaintiú tsawantai̱ Uunt Yusa Je̱e̱n amukármiayi.

Aji. 2:18

‘Túrasha yamaikia nantu nuiwi tura tsawant paintikuátrua ju̱yá̱ Uunt Yusa Je̱e̱n je̱a̱mtinian aeprukmari̱n umikiara ju̱i̱ṉᵏ eem ju̱ tí enentáimpratarum.

Sak. 4:10

¿Yaaksha imiancha núnis enentáimtus warinkisha nakitrait? Túrasha Surupapír takatan naṉkamnamtai wáinkiar nu aentsuk ti shiir enentáimsartatui. Tura ju̱ siati ainia ju̱ka Uunt Yus ashí nuṉkanam wekaana nu ji̱ áiniawai” turutmiai.

Sak. 4:9

“Yusa Uunt Je̱e̱ tépakmari̱nkia Surupapír ní uweje̱ja̱i̱ṉ aeprukmai. Tuma asa amúaksha ní uweje̱ja̱i̱ṉ amuktatui. Tura nu túrunamtai antsu nui̱ṉkia Wíniaka Uunt Yus atumíin akuptúkua nu nekarattarme.

Juaṉ 2:20

Takui̱ Israer shuar chicharainiak “Kuaraintisáis uwitin ju̱na je̱a̱mtinian pujursarmiayi. Ámeka menaintiú tsawantash je̱a̱mtám” tiármiayi.