Ists. 5:12 - Yus Papí: Shuarja̱i̱ Yus Yamaram Chicham Najanamu

¹² Nu ukunmasha ii aparí̱sha nayaimpin najana nú Yusan akajkarmiayi nuyá̱ Yuska Papirúnianmaya̱ úunt akupin Napukutunusúr Kartíu aentsu uwejé̱n emesnakti tusa nú je̱a̱ncha íktus iniaitiusmiayi. Tura nuna túramtai ju̱ je̱a̱nka emeskar aentsnaka Papirúnianam achirar yaruakarmiayi.

Ists. 5:12 Iomraidhean Croise

2 Akup. 24:2

Túrasha Uunt Yus ni etserniuri̱ armia nuja̱i̱ timia nuna umíak Jutanmaya̱n ashí amukarat tusa Kartíanmaya̱sha, Sírianmaya̱sha tura Muápnumia̱sha núnisaṉ Amunnumia̱ suntarnasha akuptúrarmiayi.

2 Akup. 25:1

Kame Setekíaska nuiwi uwí akupin ajas pujái̱ tias nantutin tsawantka tiástin úunt akupin Napukutunusúr ashí ni suntari̱ji̱a̱i̱ mániatai tusa Jerusaréṉkan káutkarmiayi. Tura nui̱ matsamtúkar kumpinian najatkar téntakarmiayi.

YKan. 106:40

Tuma asamtai Uunt Yus ni shuari̱n Níniuya nuna ti kajerak muí̱jkiamiayi.

Isa. 47:6

Winia shuaruncha kajerkamjai. Tura Winia nuṉkarnasha mui̱jmiai̱ awajsámjai túran ámin íktusan iniaitiusmajme. Amesha peṉké waitnentracharmame. Úuntach ainia nusha tí waitkiasarmame.

Jrm. 5:29

Kame núnaka ¿túruiniankek asuttsuk iniaisartataj? Uunt nuṉka mátsatkamu tuma ainia núnaka Winia Wakantruka yapajkiachartatuak.

Jrm. 51:59

Nuyá̱ Jutanmaya̱ shuara akupin Setekías, kuatru uwí pujái̱ Yúsnan etserin Jirimías papí áarman Neríasa uchirí̱n Masíasa tiraṉki̱ akupin Setekíasan Papirúnianam juíniakui Serayásan papin ataksamiayi. Kame Serayáska suntara úuntri̱yayi.

Jrm. 52:12

Kame Papirúnianmaya̱ úunt akupin ajas tiasinuíwi uwí pujamunam nántuka sénkutin tsawantka tias naṉkaamasu ai̱ úunt akupniu wainniu uuntri̱ Napusaratán úunt akupin pujamunam takamia nu Jerusaréṉnum waya̱miayi.

Tan. 9:5

Antsu iikia tunaasha tura mui̱jmiai̱ áiniana nu túrakur Yusan enentáimtichu ainia nuja̱i̱ métek kajekar ii wakeramu túraitji. Núnisrik ame akupkámu chichamprumsha iniaisaitji.

Muis. 32:30

Kame ni kátsuram Kayari̱ surukchaitkiuiṉkia tura Uunt Yussha iniaisachuitkiuiṉkia chikichkitiatcha ¿itiurak mírnasha étsekeararat tura jímiarchikitiatcha itiurak tias mírnasha ipiskarat?

Suma. 2:14

Nuna túruiniakui Uunt Yus Israer shuaran kajerkar ashí ni wariri̱ irunmia nuna kasarkarti tusa tsaṉkatak nu arantcha ni nemasri̱n suáwarmiayi. Túram nupetmaktinniasha peṉké tujintkiarmiayi.

Suma. 4:2

Nuna túruiniakui Uunt Yus Kanaannumia̱ akupin Japin, Ásur péprunam pujumia nuna íktusmiayi. Tura ni suntara uuntri̱ Sésaraka Arusétkuim nuṉkanam pujumiayi.

Suma. 6:1

Kame Israer shuarka Uunt Yus iismasha ti yajauch túruiniakui Uunt Yus Matian aentsnum siati uwí Israer shuaran iktua iniaisámiayi.